[عواض بن بهلان]

بسم الله الرحمن الرحيم
السلام عليكم ورحمة الله وبركاته
اقدم لكم هاذي القصيده
وامل ان تعجبكم

يازينها لا صار مقطوع الارسال=شمال الابيض في بطون العثامير
لا دردشه لا ايميل مافيه جوال=مرتاح بالي من جميع التفاكير
ما غير اللحن طرق واجر موال=وخوة نشامى والنياق المغاتير
في حرة الابطال واحفاد الابطال=بني رشيد اعيال عبس المناعير
هنا منازل عبس منزال منزال=وهنا مراتع ابلهم العصافير
يالله تسقيها من الوبل همال=في قدرتك ياعالم(ن)في المقادير
فوق القرى والوسم باقي ولازال=ومن الخباري لين حرة زبيعير
منه الرمه يصفق من الجال للجال=ومنه القهد يهدر تقول انه بعير
وتشوف بعد السيل ما يشرح البال=لون العشب من تحت صفر النواوير
تلقى سلايل عبس ركبي وخيال=كلن ورى ذوده يسوق المظاهير
وكلن عصب راسه ولا يلبس عقال=وزاده لحم ارنب ودرالمصاغير
ربعن لنا في قمة المجد مدهال=وايماننا بالله ورد ومصادير
وعاداتنا طنخه ياهل روس الاموال=ما همنا جمع الذهب والدنانير
واصل الذهب لا صار مقطوع الارسال=شمال الابيض في بطون العثامير

الموضوع الأصلي: يازينها لا صار مقطوع الارسال | | الكاتب: عواض بن بهلان | | المصدر: شبكة بني عبس

[راسبه بالحب]

سلمت الايادي


ابيات رائعه

[عبدالله معزي]

هلا ومرحبا يابو فيصل
قصيدة جميلة
روعة في الجمال
تحياتي لك ولاتحرمنا من جديدك

[احمد سبيتان]

صح لسانك يا ابن بهلان شاعر جزل وعسى الله يوفقك

[عيد الداموك]

صح لسانك يا ابن بهلان شاعر جزل وعسى الله يوفقك

[غـــلاءنـــجـد]

الله يعطيك الف عافيه على القصيده
اتمنى المزيدمن الابداع

[مروان الرشيدي]

أي والله يازينها لا صار الارسال مقطوع - لادردشه لاأيميل ولا فيه جوال ^_^



صح صح صح بووحك ياعواض



مبدع

.

[عواض بن بهلان]

اقتباس من مشاركة راسبه بالحب سلمت الايادي ابيات رائعه

تسلمي



مرووووورك
عطررررررر



تحيييييييييياتي