[الجمره البارده]

صبحكم // مسآكم
الله بآلخير



. كل البشر في صوب وهالبنت في صوب
الكامل الله كامله ماتعابي .

. ترفه وهي تمشي مسافات ودروب
في عز رحلات الشقى والعذابي .

. لامن مشت في يدها ترفع الثوب
كلٍ يناديها وهي تقول مابي .

. من الدلع سميتها شيخة العوب
حتى دلعها منحني له عجابي .

. مركوبها ماهوب أيات مركوب
من مر قدامي تلنه ركابي .

. لحقتها والهرج زاهب ومكتوب
لأي موقف كنت عامل حسابي .

. قلت السلام وردت بأيش مطلوب
قلت الخفوق بخفت الدم ذابي .

. قالت وش اللي حدك لناري تذوب
قلت المشاعر ماعليها عتابي .

. قالت تمثل دور عاشق ومحبوب
قلت الحقيقه افتديك بشبابي .

. قالت اخير الحب ناهب ومنهوب
قلت انهبيني قبل لانقل صوابي .

. قالت متى تكبر عن الحب وتوب
قلت الخبل من شاف زينك وتابي .

. قالت صراحه ماتوقعتك سلوب
قلت افهم انك معجبه في جوابي .

. فجأه عرض لي واحدٍ عرضت خروب
سلم علي وخاطر البنت طابي .

. جاني مطفي ضارب فياض وشطوب
ومن قو عينه قال يامرحبابي .

. واخذ يسولف لي وانا فيه مغصوب
يسئل عن احوالي وسبة غيابي .

. مايدري انه بعرضته كسر قلوب
لا واعذابي منه لا واعذابي .

. رقد على كبدي وانا بوقت محسوب
البنت راحت والرجى منه خابي .

. وقفت عاجز كني انسان مغلوب
من قرد حظي كل هذا جرابي .

. اتلا عهدها تلتفت لفت رعبوب
مالله كتبها قسمةٍ في كتابي .

. اقفت تمشى في مسافات ودروب
قلبي يناديها وهي تقول مابي .

ثآمر شبيب آلدقبآسي

الموضوع الأصلي: شـيـخـهـ آلـ ع ـوب ^_* | | الكاتب: الجمره البارده | | المصدر: شبكة بني عبس

[سند الداموك]

صح لسسسسسسسسان ثامر

وتسلمين على النقل جمره

[راعي الاووله]

شكرا ع هذا انقل ومافيك حيييييييييييييله

[يبطون]

يعطيك العافيه

[النمر1012]

الله الله الله
صح اللسان ثامر شبيب وتسلم يمينج ياجمره
قصيده روعه روعه روعه
اتلا عهدها تلتفت لفت رعبوب
مالله كتبها قسمةٍ في كتابي .

. اقفت تمشى في مسافات ودروب
قلبي يناديها وهي تقول مابي

[((همس المشاعر )]

تسلمممين يالغلا

[سـعود المضيـبري]

صح الله السان ثامر وصح الله السانك اختي


مشكوره على النقل الرااااائع

[خياااله]

يسلموووو والله ويعطيك العاااافيه..