[المجبور]

السلام عليكم ورحمة الله وبركاته
كيفكم اخواني وأخواتي
هذي أبيات غزليه وليدة هذه اللحظه
أحببت ان يكون نفسها الأول بين أيديكم
وكلي امل أن ترتقي لأذواقكم الرفيعة المستوى

يامدور(ن) حبي وأنا كلك أبيك=ناديت وأنا خابر الصوت ماجاك
ناديت لك وأقفيت وأنا أناديك=ليتك سمعت القلب يوم إنه ناداك
حاولت والله بعد غيبتك أرثيك=وكل ماكتبت الشعر شفته تمناك
ياليت لي حيله قبل ترحل أثنيك=عن الفراق اللي ذبحني وعنّاك
تعال وأنسى الكون كله وأنسّيك=أيام راحت بين بعدك ولقياك
تعال أبحكي لك عن اللي يوريك=وشلون سوّا الشوق من بعد جفواك
كرهت كل الخلق إلا معاليك=لأن الهوى فوق المخاليق علاّك
وأغليت كل اللي يمرك وياتيك=وياتي على لسانه طوارف حكاياك
كتبتك بحرفي وكل يوم أغنيك=وأدري ماتدري عن خفوق(ن) تغنّاك
أهواك رغم اللي يبوني أخليك=وأدري تبيني رغم من قال ينساك
دام المحبه صادقه يوم تلفيك=وأنته شريت وطاب قلبي بمشراك
مازاد بي هرج الملا إلا ثقه فيك=ولا زادني إلا تمسّك بيمناك
ياللي تدورني وأنا ميّت أبيك=ناديتك بفرقاك والصوت ماجاك

كلمات / سهل البحان
المجبور

الموضوع الأصلي: أهواك رغم اللي يبوني أخليك .... وأدري تبيني رغم من قال ينساك | | الكاتب: المجبور | | المصدر: شبكة بني عبس

[الخشف]

الله الله ... الله الله ... ياااا سلام يا سلااام ... عليك مبدع
صح السانك أأأأأأأأأبداع

[المجبور]

هلا بك أختي الخشف
تسلمين والله يالنشميه
والإبداع بحد ذاته حضورك في متصفحي
نورتي بمرورك العطر

[راسبه بالحب]

صح السانك وعلا شانك ..


لاهنت ع الابيات الرائعه ..

[حنان الرشيدي]

صح لساااااااااااااانك ..
إبداع × إبداع ..
هذه القصيدة حكاية من الجمال ..
بدأت من أول بيت إلى آخر بيت ..
أتمنى لك المزيد من التقدم و بـ انتظار جديدك دائماً بإذن الله .

[ناصر الرشيدي]

اولاً حيّاك الله واهلاً وسهلاً فيك

وصح لسانك
رائعه القصيده

[غربة الروح !!]

دام المحـبـه صـادقــه يـــوم تلـفـيـك

وأنته شريـت وطـاب قلبـي بمشـراك

مـازاد بـي هـرج المـلا إلا ثقـه فـيـك

ولا زادنــــي إلا تـمــسّــك بـيـمـنــاك

يالـلـي تـدورنـي وأنــا مـيّـت أبـيــك

ناديـتـك بفـرقـاك والـصـوت مـاجـاك

صــــــــح لســــآنـكـ واحســـــآســـــــــكـ

ع روووووعـــــــــة الابيـــــآت لاهنـــــــت

قصيــــــــده راقــــــت لي من اول بيت الى اخــر بيت

تحيــــآتي لك وبنتـــظـــآر جديدك ^_^

[الرائع العبسي]

من السهل الممتنع قصيدة جزلة ننتظر الجديد