[رشيد]

.

#الرحيل / #شعر
- - - - - - - - - - -
#سمير_أحمد_الحمدان


من رداة الحظ .. يالحظ الهزيل

وحلم عمرٍ مات فيني وإرتحل

حافظك يازين لو طال الرحيل

ما بقابي عرق لأجلك ما رحل

لوّحت يمناك لـ الدرب الطويل

دربك أبعد يا حبيبي من زُحل

تدري إنك بالحشا منت بـ قليل

والدليل الحال من عقبك نحل

شاعرك ماعاد يطري له خليل

والهوى الخدّاع في عينه ضحل

يا مواعيد اللقى ضاع الدليل

فاقدٍ شوفة عيون أم الكحل..!

من ثلاث سنين يالطرف الكحيل

ضاع دربك والمواني والمحل

وياسلامي كل ما مرّ العليل

لـ غاليٍ وسط الحنايا مستحل

.

الموضوع الأصلي: #الرحيل #شعر | | الكاتب: رشيد | | المصدر: شبكة بني عبس