[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاوره بين الشاعر الكبير ابوعوجه والشاعر الكبير ناصر خنيفر (العمده)

ابوعوجه

على طريق الشمال اللي يمر الشمال

لقيـت معالـم ٍلشيـخ بطرافـهـا

القيت بعض الرسوم الماحيه واطلال

واثر ابو تركي بعد ماشافها عافهـا

العمده

على طريق الشمال اللي يرب الغـزال

لقيـت معالـم مايعـرف اوصافـهـا

راحت خشوف الضبا اللي كلبوها جمال

وحار تبي الرجل بالمنـزل وميقافهـا

ابوعوجه

نشدت بعض البدو وانشد واعيد السؤال

محدن ذكرها ولاحدن يعرف اوصافهـا

ريم الفلا ماتعيـش الا بتلـع الجبـال

تخاف من حذفـة ٍمـن كـف حذافهـا

العمده

وشلون تنشد بصحراء مابها زول زال

جرد ن خلا مايعيش السبع بضفافهـا

انتم شبابن محبتكـم بنسـج الخيـال

تلمسون الهواء مع تالـي اشرافهـا

ابوعوجه

الله وكبر على الدنيا وسود الليـال

هدت بيوت البدو وناس والسلافها

حنا شباب ٍمن الجوال نرسل ارسال

والانت مع جرت البدوان وخلافها

العمده

الله وكبـر عليـك اول وبـه علـم تــال

نزلـت دلـوك ولكـن هــس غرافـهـا

والله ماتشـوف شـي الا بخشـم الريـال

مع غاويه بالمراقص هزت اكتافها ههههههه

ابوعوجه

يالشايب اللي مشيب فيك زاه الـدلال

ماتذكر ايامك اللـي زلـت الريافهـا

حنا بخشم الريال انجيب شئ ٍمحـال

والانت تركض وراها وتنصب اهدافها

العمده

في عصرنا مايمر الرجل درب الخمال

يخاف من هرجتن تمشي بها اضعافها

ولاانتم اليوم يالجنسين فكـم خبـال

مصدعن من عرفتك تلعن اسلافهـا

ابوعوجه

في عصركم وانت تاطى فوق جرف ٍهيال

ويـن التقاليـد والعـادات واعرافهـا

حنا هل العلـم ونخـرج ورانـا جيـال

والانتم اسنينكم تحصـد كـم اعجافهـا

العمده

ضلمتنا والضليمه تاصلك لامحال

تشوفها في نهارن يكشف الحافها

علمك جلب للبشرشرن وكله وبال

منك الجنايز بيومه تنقل اسعافها

وسلامتكم

الموضوع الأصلي: ابوعوجه والعمده | | الكاتب: العالم الفلكي | | المصدر: شبكة بني عبس

[خالد البغيلي]

شكرا الشاعرابوعوجه والشاعر الكبير ناصر خنيفر (العمده)

و يعطيك الله العافيه علي النقل الجميل

تقبل مروري

[العالم الفلكي]

اقتباس من مشاركة خالد البغيلي شكرا الشاعرابوعوجه والشاعر الكبير ناصر خنيفر (العمده) و يعطيك الله العافيه علي النقل الجميل تقبل مروري

وأنت يعطيك العافيه على المرور والتعليق

[ناصر خنيفر]

بيض الله وجك على التنسق والجهد الكبير اللي تقوم فيه

[العالم الفلكي]

اقتباس من مشاركة ناصر خنيفر بيض الله وجك على التنسق والجهد الكبير اللي تقوم فيه

وجهك ابيض يالعمده

مشكور على المرور والتعليق

[ابو عوجه]

بيض الله وجهك على التنسيق ورحم الله والديك

[العالم الفلكي]

اقتباس من مشاركة ابو عوجه بيض الله وجهك على التنسيق ورحم الله والديك

وجهك ابيض يابوعوجه

ومشكور على المرور والتعليق