[سعد الفلاح]

--------------------------------------------------------------------------------


هذه محاوره بين الشاعر الكبير ذيب العمودي الشمري والشاعر الكبير دحيم الخياري الرشيدي

في 22أ8/1428 هـ الموافق 4/9/2007

م

ذيب الشمري

اهدي التسليم لاهل الحق وهل الذمه = من هجوس ٍ تعتني بالجانب الانساني
كل من يطلب مواجه ذيب شاعر قمه = ما يهون دحيم والا محسن الهزانـي

دحيم الرشيدي

مرحبا ياشاعر(ن) دايم خفيف(ن) دمه = من هجوس(ن) تبدي بسم الله الرحماني
من ورد هداج تيما ماجهل فـي جمـه = ماردك هداج تيما مـروي العطشانـي

ذيب الشمري

النمور اللى عطور النقد مـا تشتمـه = جات مره ثانيه تحمـل مدمـر ثانـي
بالتحايل تسرق الجاهل ويكثـر همـه = ويش رايك فى نمور المسرح الروماني

دحيم الرشيدي

وش عليه مـن نمـور بغارهـا ملتمـه = دام معي السيف سيفي والحصان حصاني
ودي اضرب لك مثل وانته بصدرك ضمه = العور ياذيـب شيـخ بديـرة العميانـي

ذيب الشمري

الريال اللى تقوا به ضعيف الهمه = اصبح المطلوب للعبسي وللذبياني
عبس لا تدخل قتال الا تعرف اليمه = النصيحه من لسان القايد الميداني

دحيم الرشيدي

ربك الخالق حمى عيسى وشرف لامه = عن كلام الانس واللي غره الشيطاني
عبس عنوان الفخر عداونها منسمه = ما يفرق جمعهم شيعي ولا نصرانـي

ذيب الشمري

ما يجوز الرفع بالكسره بدال الضمه = غير فى حسبه تضم الاثم والعدواني
كلنا سنه وشيعـه واللـزوم انتمـه = بالجناح العسكري والمرشد الروحاني

دحيم الرشيدي

لاتخيل برق لايمك ولانته بيمـه = لوتبات ليل وانته جايع(ن) ضميانـي
مانحسد حوار ناقه ديسها في فمه = ديسها فيه الحليب وبطنها ملياني

ذيب الشمري

اليتيم يجوز يحسب كـل واحـد عمـه = البلا فى ناس ما تشبع مـن العمانـي
المـزارع بالرمـال السايبـه منطمـه = استلمها من طمع مصري كسل سوداني

دحيم الرشيدي

مانكب عفش العرب غير الحسد ونمـه = انشد مساعد وبن مربح و ابن جرشاني
الزيود اللي بصنعا يزرعـون الشمـه = خلها يالي زرعـة الـول والمرجانـي

منقووووووووووول

الموضوع الأصلي: محاوره ذيب الشمري ودحيم الخياري | | الكاتب: سعد الفلاح | | المصدر: شبكة بني عبس

[غازي البراك]

صح السان ابو و ليد وصح السان ابو عبدالعزيز
مشكور يابو فلاح على نقل الله يعطيك العافيه
تقبل سلامي

[سعد الشقل]

صح اللسان دحيم وذيب على المحاوره الرائعه

وتسلم على نقل المحاوره يا سعد الفلاح

[عبدالعزيز-الشقل]

صح السان ابو و ليد وصح السان ابو عبدالعزيز
مشكور يابو فلاح على نقل الله يعطيك العافيه
تقبل سلامي

[عبدالعزيز بن شري]

صح السان ابو و ليد وصح السان ابو عبدالعزيز

مشكور يابو فلاح على نقل الله يعطيك العافيه

[فهد المويسه]

محاوره رائعه ومشكور على نقلها لنا

وتقبل سلامي

[ابو براك الرياض]

الله يعطيك العافيه