[ثامركو]

غلاك قام يتجدد لارحم جده=شفت الغلافيك لايرحم ولاياوي
انااشهدانه يزودوزايدن حده=وان جيت اقيسه بنفسي صارمتساوي
كانك عليه تغلى فالغلاقده=اعرف طريق الغرام اللي لنا ناوي
اشوف عزمي قوي لوطالت المده=والاانت يمكن تعذب والزمن طاوي
عزالله انك تشد الحبل واشده=ماينقطع حبلنا لو يلوي اللاوي
اناادري انك تحسب الوقت وتعده=وانا حسبت الليالي جمرها كاوي
يامن يجيب الخبر والعلم ويرده=مليت صبري ولاني للصبرقاوي
اناادري انه يحب القرب ويوده=ميرالبلامن حسودن ماله مداوي
يالله عساهابيوم مالهاصده=كل البلاوي يجيها نجمها هاوي
لوكبرة المشكله محدن وقف ضده=وان جيت اسولف نطحني الشيخ طنطاوي
ناس تشيل الخطاكبربحرجده=ماتعترف في خطاهاذيبها عاوي

الشاعرسعدون الاسودالرشيدي

الموضوع الأصلي: غلاك | | الكاتب: ثامركو | | المصدر: شبكة بني عبس

[كاتب الرشيدي]

هلا بك ثامركو


صح لسانك وسلمت



تحياتي

[محمد الراشد]

شكرا ثامركو
وصح لسان شاعرها

[ثامركو]

مرورك يرغمني على احترامك كاتبنا

[عاشق الذكرى]

عـزالله انـك تشـد الحبـل واشــده
ماينقطـع حبلنـا لـو يلـوي الــلاوي
اناادري انـك تحسـب الوقـت وتعـده
وانا حسبـت الليالـي جمرهـا كـاوي

سلمت يد من وضعها وصح للسان شاعرها
وتقبل مروري اخوي ثامركو

[الشمال الشرقي]

تسلم ثامركم علي النقل الرائع وصح لسان الشاعر الكبير سعدون
ابيات مختاره ونابغه من معناه صادقه وكل بيت يعبر عن قصيده
كامله ويحمل بين احرفه الحب الكبير والصادق الذي هو نابع من
خلجات الصدر والقلب ----------- تقبل مروري وتسلم ياشاعرنا

[ثامركو]

شكرا للجميع على المرور وتقبلوا تحياتي

[برق الوسم]

عـزالله انـك تشـد الحبـل واشــده
ماينقطـع حبلنـا لـو يلـوي الــلاوي

استاذي ثامركو سلمت على نقل القصيده لشاعر معروف وغني عن التعريف
ابو عادل شاعر وانا من اشد المعجبين فيه وبشعره
صح لسانه ولسانك
وبأن القصيده تعتبر منقوله اسمح لي بنقلها للمكان المناسب
تقبل خالص الود والتقدير