[عادل الشويلعي!!]

السلام عليكم ورحمة الله ..

اخواني واخواتي عضاء ومشرفين وزوار شبكة عبس .

امسيكم بالخير جميعاً واتمنى لكم دوام الصحة والعافية .

اليوم حبيت ان اقدم لكم قصة حصلت لي قبل بضع سنوات

القصة كنت اتمنى رمي الذيابه وقنصت عدة مرات وستعنت بناس عندهم خبره في قنص الذيابه ومن احد هذا المقانيص اخذت معي الخبير وتكفلت بجميع مستلزمات الرحلة ,

واخذنا ثلاث ايام نرقب المغرب ونرقب الفجر وماتوفقنا بشي ,

وبدلت الخبير في خبير اخر ونفس الموال مامن سنع ,

وفاجئني احد الخبرا بان ابو نادر صدم الذيب على طريق الشملي يبعد عن الديره حوالي 10كم وبعد هذا الخبر صار الذيب عندي ماله طعم ولا حماس وقررت صرف النظر عن قنص الذيابة وسويت قصيدة
بهذه المناسبة ..

لاعاد تنشدني عن الذيب يفلان=خلاص بابه مقفلة ميعناني
هذاك يومني ادوج الخلا دوج=يومن اله عندي مقام وشاني
ياماتمنيته قبل فجت النور =في ديرتً ماطبة المودماني
وياماتمنيته قبل غيبة الشمس =متوهلً قبل الظلام يغشاني
ويلاه ياشوفه ليازان مرماه = مادم في كفي نظيف الاماني
عزلله اني ماتمني غيره = ادوره لو الظروف اتحداني
ادوره تدوير راعي لـ مفخت =جاها الولاد ولصبحت بالمثاني
اول ولاد الها وخايف عليها = يسوق رجله من مكان لمكاني
ماهو غلا بسرحان لكن طناخة =طناختً طنت وزادت جناني
ودي اعلم من خفا الناس علمه =حيثن في قلبي لقلبه حناني
اعلمه وشلون واجهت انا الذيب= في موقفن محسوب فيه الثواني
واليوم لو ذبحت عشرت ذيابة= مالي سنع لله مع المترفاني
ان قلت صدت الذيب قال امس صاده =فهد ابونادر بذاك المكاني
ماكنت احسب الذيب مقلوب راسه = ولكنت احسبة من الدلاخه يعاني
اثره مصطل مايعرف القوانين =يمشي ولا يربط حزام الاماني
وحالف انه مايقف للاشاره = شاف التقاطع تله بقير ثاني
يوم اعترض نص الطريق انتها الطير = جاه ابو نادر من ورى سقف عاني
تله ولا دمه على عاير الجيب = خلاه في خطه طليق اللساني
واليوم لو تلقى مغارت ذيابه = فيها الذيابه غادياتن عطاني
لا تقول لي عنها فلالي شقاوه = خل السبع يرتاح برض الاماني
يازين مسراً لهجع من حمى الضلع = في لليلةً مافيه خوف وتواني
واحد معاه سماطنا مع زهابه = واحد معاه الماء وبعض الاواني
واحد دليله قدمنا يسبر الضلع =نمشي ولافينا كسول وهواني
نمسي بضلعاً مايبات السبع فيه= في مقطعاً مايصله كل عاني
في ديرتً فيها الجوازي مراتع= فيها البدون مربعاتً سماني
والعرف والشنير والوبر والريم = تلقى مداهلهن قديم وذواني
ومع الصباح اليابدا يشعشع النور =تسمع لوبرانه زفر وطيخاني
وصوت الحجل يطرب هوى كل قناص = مبسوط في صوحه يجر الاغاني
نقوم بسم الله والفال بالخير = ونمشي وموعدنا بذك المكاني
اللي يمين الضلع واللي شماله =واللي سبى لعدن يخبره زماني
وياما حلا شوف الوعل في طرف صوح = خذت عنه صار عنك بطماني
وخذت له مختال وحساب لريح =وليا تبين لك مرماه زاني
وليا رميته وكع خشمه على القاع = ما غير غادي له حرث وثغياني
وبشمام عنده ثم تلحق تذكيه= ثم تنزل لشعبن تقى مايباني
وتراسل الربع النشاما على طول = تقول ابشرم بالصيد والكيف زاني
وليا لفُم هذا يسوي مقاليب = وهذا يحط بدلته زعفراني
وهذا يحط من الهبر داخل الطاس = ترتاح ماكنك لفيت اتعباني
هذا مزاج اللي غمر قلبه الصيد = اجتاح في قلبي وحل بكياني
هذا مزاجي وكل شخص ومزاجه = كلن اله بالوقت حب واماني
اختامها صلو على سيد الخلق =اعداد من لبا وصام رمضاني
على النبي المصطفى سيد الخلق= شفيعنا في يوم حشر المكاني

وســــــــــلامتكم ...

ومن بعدها غيرت الموضوع لقنص الذيابة وتجهت القنص البدون والغزلان ,

وبدت المغامرة وانتم عارفين ان مقناص الجبال يحتاج لصبر ولياقة حتى تسهل عليك باذن الله القنصه .

ابدي لكم اول الرحلة .

اول شي اللبس الذي يليق بلقنص

وثاني شي الجهاز حق الياقة .

وبعد اكتمال عدة المقناص .

بدينا برحلة .

وليكم الصور .

اتمنى ان الموضوع ان ينال على اعجابكم وستحسانكم ..
ودمتم بود ..
حرره اخوكم/ عادل الشويلعي ..

الموضوع الأصلي: موضوع حــــصــريــاً لشبكة بني عبس /فيديو /وصور/ وقصيدة ,مع القصة. | | الكاتب: عادل الشويلعي!! | | المصدر: شبكة بني عبس

[شاعر الصعاليك]

صح لسسانك على القصيدة الطيبه
والذيب ما تقدر له لكن الغزلان والوبر يمكن هههههههه

وعز الله انها رحلة عز ووناسة وسعة صدر
اهنيك على هالرحلة المتميزه
وتقبل مروري

[صعصعة]

صح لسانك
لكن لاحضت شيء
وهو ..مااشوفكم لابسين بساطير
ولا ماا أنتم راعين ضلاعان وتعداي
اللي اعرفه راعين الضباء يلبسوون
بساطير ..ومن كلامك هذا منفذ
ويعطيك الف عاافيه على مااقدمت

[ثنان]

صح اللسانك

وبيض الله وجهك يالغالي

[أبو عيسى]

وعليكم السلام ورحمة الله وبركاته
بيض الله وجهك ياعادل على هذه الصور الجميله صيد وعلوم رجال وتصوير رائع لكن ماقلت لنا عن هذه الديره الذي قنصتوها.. الحقيقه يستاهل بنر وإن شاء أبو سامي أو أحد الاخوان المصممين مايقصرون...

[ابوصالح لرشيدي]

صح السانك ياعادل
وبيض الله وجهك على هذا المقناص وعلوم الرجال والله انه صور ومناظر وصيد وعلوم رجال تطلق الحجاج ..
تحياتي لك وبانتظار مقانيصك الي عندك كله لا تبخل علينا بشي ههههه
بس قل لبو عيسى وين قنصت ويش اسم الديره هههههه

[عادل الشويلعي!!]

اقتباس من مشاركة شاعر الصعاليك صح لسسانك على القصيدة الطيبه والذيب ما تقدر له لكن الغزلان والوبر يمكن هههههههه وعز الله انها رحلة عز ووناسة وسعة صدر اهنيك على هالرحلة المتميزه وتقبل مروري

ههههههههه هذي معك حق فيهاا الذيب على اسمه بس ابو نادر دعسه

التميز في مرورك وردك الاكثر من رائع لاهنت

[عادل الشويلعي!!]

اقتباس من مشاركة مطنوخ عبس صح لسانك لكن لاحضت شيء وهو ..مااشوفكم لابسين بساطير ولا ماا أنتم راعين ضلاعان وتعداي اللي اعرفه راعين الضباء يلبسوون بساطير ..ومن كلامك هذا منفذ ويعطيك الف عاافيه على مااقدمت

صح بدنك

بالنسبه لملاحضتك ..كل شخص حسب ارتياحه يلبس اللي يريحه

اما انا ابداا مااشفت راعي ضلع يلبس بسطااار

لكن ماهو دليل ان راعي الضلعي مايلبس بسطار كلن حسب راحته

مرورك عطر صفحتي