[نوماس5]

ويش أسوي لا طريق و لا خوي..
لا قرار و لا خيار و لا مصير..
الليالي تلوي ذراعي لوي..

و الرفيق السيف يغريه الجفير..
و الضياع بسكتي يدوي دوي..
أتصفق لا سراب و لا غدير..

أطوي الظلما و عيت تنطوي..
و إشتهيت الشوف بعيون الضرير..
مثل طير(ح) طاح بيدين بدوي..
يلعن الطيحة و لا يقوى المطير..

كل يوم أقول باكر تستوي..
و خاب ظني بالزمان و بالنصير..
كنت أنا الصدر الحنون المحتوي..
و كنت أنا لإحساسهم سلك الحرير..

و صرت أنا هاك النحيل المنطوي..
تلهث أنفاسي ورا حلم(ح) كبير..
ضاعت الحيلات حيل الله قوي..
لاني الأول و لا أظن الأخير..

قلت بأصرخ و آخر علاجي كوي..
وصلت الحلقوم و الخاطر كسير..
من شرب من كف غيره ما روي..
لعنبو كف(ح) على المده قصير..

لا تعاتب ويش أسوي يا خوي..
لا قرار و لا خيار و لا مصير..

الموضوع الأصلي: لا قرار و لا خيار و لا مصير | | الكاتب: نوماس5 | | المصدر: شبكة بني عبس

[أمـــير بـكلمتي]

تسلم واشكرك على النقل الرايع

[العريض]

نقل موفق يعطيك العافيه

تقبل مروري تحياتي

[نوماس5]

يسلموووووووووو منوووووووووووووووورين

[ذبحني غروركـ]

صح لساانك واعتلى شاانك

[نوماس5]

صح بذنك منوووووووووووووووووووووووووووووووورين

[ولد حايل]

كل الشكر لك خيووو على نقل هذه القصيده
وليتنك ذكرت قائل القصيده

اللي هو الزعيم
مساعد الرشيدي

[بدر حيي]

تسلم واشكرك على النقل الرايع