[بندرأبن طريف المظيبري]

الليل هوّد واكهف النجـم لغيـاب ... قضى الحديث وودعونـا المساييـر
أحدٍ قفل من دون هوجاسـه البـاب ... وأحدٍ غدت جدران بيتـه تفاكيـر
ياساكن الهوجاس ممسـاك ماطـاب ... راحـت مجاهيـم وجتنـا مغاتيـر
لا والله الا ضامنا بعـد الاحبـاب ... والشوق ظالـم لاتعـدى المحاذيـر
احبابنا اللي عقبهم كننـا أجنـاب ... لوماجفتنـا الـدَّار دار المناعـيـر
ليت الثلاثاء ماكتب يوم في كتـاب ... من غبت ياجبر القلـوب المكاسيـر
كل ماذكرته قمت للوصل طـلاَّب ... وقلت القطاعه في هل الرحم تقصير
وين أنت ياغيثٍ من الجود صبَّـاب ... يمينك أكرم مـن سحـابٍ مزابيـر
وين أنت يامعتق من الحاجه إرقـاب ... ايضا وبك لطفٍ وحكمـه وتقديـر
والله لو تطوى له بحـور وهضـاب ... ماهو جزا له مير للشـوق تصبيـر
أنا أشهد إن الحب تكتب له أسباب ... وماكل قاعٍ فيـه تنبـت نواويـر
ياشيخنا تكفيك لو ضحكة النـاب ... وشلون وانتَ ماتحسـب المخاسيـر
حنَّا مثل غرسٍ سقي ديـن وآداب ... وتاريخ من فعله تعـدى الاساطيـر
وقت الرخا نرجى وفي الحرب ننهاب ... ولاجا لزوم الشيخ حنـا المذاخيـر
كبيرنا في السن نحسب له حسـاب ... وكنَّه مع اللي سابقٍ سنَّـه صغيـر
أنتم عمود العز وحنَّا لـه اطنـاب ... نرسى ولو هبَّت هبوب ومعاصيـر
وأرض الجزيرة مابها ربع وأغـراب ... الاصل واحد والشـرف والمقاديـر
والله فوق الكل والشـرع غـلاَّب ... حب الوطن من حب والي التدابيـر

الموضوع الأصلي: ©الليل هوّد © | | الكاتب: بندرأبن طريف المظيبري | | المصدر: شبكة بني عبس

[تعبت منك]

قصيده رائعه صح لسان شاعرها

[بندرأبن طريف المظيبري]

اقتباس من مشاركة تعبت منك قصيده رائعه صح لسان شاعرها

با الصميم
ياااااااااااااااااااااااااامرحبا ألف ترحيبة

[عايض حماد بن عريجه]

قصيدة رائعة لاهنت اخ عزيز

[مساعد الشويلع]

صح لسان الشاعر لاهنت بندر مميز

[بندرأبن طريف المظيبري]

اقتباس من مشاركة عايض حماد بن عريجه قصيدة رائعة لاهنت اخ عزيز

حيااااكـ الله
الله يعز مقداركـــ يا مرحباااااااااااااااا

[بندرأبن طريف المظيبري]

اقتباس من مشاركة مساعد الشويلع صح لسان الشاعر لاهنت بندر مميز

كذلك ياااااااااااااامرحبا فيكـ يا العزيز
لآهنت ع المتابعة والمشااااركة أرحبوووووووووووووو

[الـريـم]

صح لسان شاعرهااا
وتسلم يمينك ع الاختيار