[مبروك الجابر]

هذه القصيدة رثاء
في فقيد الأمة الأمير سلطان بن عبد العزيز رحمة الله
سلطان عمقه بالعطايا بعيده

لا والله الا راح منا فقيده = راح الذي عند النوايب لنا حزام
راح الجسد لا شك باقي رصيده = أفعاله اللي خالدة بين الانام
جانا الخبر مثل الرعود الشديده = وخيم علينا الحزن شعوب وحكام
شفته وكبدي تشتعل به وقيده = وجلست تايه بين حزني ولآلام
سلطان حبه داخلي هو عقيده = ماهزته سود الليالي والايام
حب الوطن يجري بداخل وريده = وعند المواقف دايم الدوم ضرغام
سلطان قوله فعل وهذا وكيده =لا قال قوله كم يحقق من احلام
ياما عطا والجود في كف إيده = أبو الثكالا والارامل والايتام
من غير سلطان العرب هو يجيده =حشى وكلا غير سلطان مادام
سلطان عمقه بالعطايا بعيده= ومن لاذبه والله فلا هوب ينظام
مواقفه يصعب علينا اتعديده = ما تنحصر في يوم او شهر او عام
ويا الله عسى قبره رياض مديده = ويا الله عساه بجنة الخلد قدام

الموضوع الأصلي: قصيدة رثاء بالأمير سلطان بن عبد العزيز رحمة الله | | الكاتب: مبروك الجابر | | المصدر: شبكة بني عبس

[مليت]

صح لسانك ع الطرح المميز
لك وووووودي

[مبروك الجابر]

صح بدنك ولاهنت على المرور الكريم

[عبيد الله دعيع]

صح لسانك على هذه القصيده المميزه
والله يرحم سلطان الخير
لك وووووودي