[مرشد الصقعان]

ياصاحبي لو يطول الوقت وسنيني=هذي محبتك يالمزيون موجوده
هلحين مرن على فرقاك عاميني=وانا أترقب نهار الوصل والعوده
خبري بك انك عن الفرقى توصيني=حيث التفاريق بين الناس منقوده
وخليتني ياوزين الروح حوليني=ونفسي من البعد والحرمان ملهوده
خليتني للزمان وللهوى الشيني=وأثر الهوى ينقص الرجال مايزوده
ياسين وين الغلاء والود ياسيني=وين المواثيق وين الحب وعهوده
ماتدري اني حزين ومسهر(ن) عيني=أخاوي الليل وأنت من أول ارقوده
حتى الهوى لاطرق من صوبك ابحيني=قمت أنشد النود عنك ولاحكى نوده
وقصايدي فيك يابو الحسن والزيني=شفها مع الناس والعشاق منشوده
تراي دين عليك ولاتخليني=لا يابعد حايل وبرزان وحدوده
تدري وش اللي الياطريت يبكيني=آخر وداع على البستان ووروده




كلمات:مرشــد الصقـعـــــان

الموضوع الأصلي: (وقصايدي فيك يابو الحسن والزيني) | | الكاتب: مرشد الصقعان | | المصدر: شبكة بني عبس

[عيد الداموك]

مرشد الصقعان
كلمات مميزه ولاتحرمنا من جديدكـــ

[راسبه بالحب]

ماشاء الله عليك ,, مبدع ..

كلمات رائعه .. لاعدمنا نزف قلمك ..

[مرشد الصقعان]

لاهنت اخوي عيد على المرور
وشكرا على المرور راسبه في الحب...

[احمد منيف]

صح الله لســـــــــانك قصيدة طيبه وجزله :)

[مرشد الصقعان]

شكرا احمد منيف على المرور الذي عطر صفحة القصيده
لاهنت...

[الخشف]

صح السانك

مافيني ارد وتفهم مقصدي شيني = عشان لا تقول عني دوم مقروده
صح الله السان من يقصد ويسقيني = جزل القراح الذي ينبع من اعدوده

مميز مافيك حيله
تقبل مروري

[مرشد الصقعان]

الخشف اولا آسف على التاخير كنت بعيد عن الاتصال
ثانيا انتي اللي مافيك حيله تجارين كل قصايدي
ترى ابهجاك بقصيده ههههههههههههههه
مميزه دائما وكنت متوقع انك تكتبين ع القافيه
شكرا شكرا شكرا تقبلي مروري