[احمد منيف]

السسسسلام عليكم ورحمة الله وبركاته
مساء الخير ومساء الشـ ع ـر

قصيدة انشالله انها تنال الاعجــآب

سرى بليل وبرق وانغام ونجوم. . . وزرى على اللي مهتني في منامه

جا حافـلاً غربـه مـن المـزن مـردوم. . . وشرقـه جـزر مـزنٍ تبـدد ركـامـه

ساعه بفخـت وساعـه أخـرى بعلجـوم. . . يقـمـر ويديـجـر عجيـبـاً نظـامـه

بأرضٍ غطـوشٍ سملـقٍ مابهـا احـزوم. . . جـبـوب سـبـروتٍ ملـيـحٍٍ ثمـامـه

يفـهـم وفـاهـم ومتفـهـم ومفـهـوم. . . وان كنـت منهـم فانـت عنـدك فهامـه

راودنـي الإحسـاس باسلـوب مظلـوم. . . وتوسلتـنـي عـاطـفـه بانسـجـامـه

قامـن يحثنـي علـى ســر مكـتـوم. . . وابطى وصـار إبـداع عقـب انكتامـه

لامفاخرٍفيـهـا ولانـــي بـمـوهـوم. . . ركبـت ركـوب اعقـال فـوق العمامـه

سبحـان رب النـاس حاكـم ومحـكـوم. . . اللـي نهـاره يسلخـه مــن ظـلامـه

ربٍ عليـه الـرزق للصـقـر والـبـوم. . . مـراح رزق اغـراب يــم الحمـامـه

ياشامـت اشمـت مـدرا عنـك مشتـوم. . . ولايجنـي الشـمـات غـيـر النـدامـه

والـذم مايستخـدمـه غـيـر مـذمـوم. . . ولاهي اطبـوع ارجـال فيهـم شهامـه

ولاصار حقـك عنـد غالـي ومهضـوم. . . عليـك تصـعـب فـكـرة الأنتقـامـه

ولاجاك يشكيلـك مـن الضيـم مضيـوم. . . ولـو جـاك يمكـن ماتحقـق مـرامـه

وبعض الكلام ليانحبـك حبـك مسمـوم. . . ودايـم يغسـل المـخ سحـر النمـامـه

وكلش يـروح وينسـي بعـد كـم يـوم. . . وكلش يسامـح غيـر جـرح الكرامـه؟؟

وبالنـاس متعـلـم ومحـتـاج تعـلـوم. . . وفيـهـم بلـيـدٍ مايـسـوي طعـامـه

وظمير غايـب عنـده اخبـار واعلـوم. . . جـرب وشـاف وصـار عنـده لمامـه

ماتقعـد النـمـات عـنـده ولاتـقـوم. . . وعـن قيـل والاقـال طـق اللجـامـه

ماهمـه الحرمـان لـو عـاش محـروم. . . الاليـانـاظـر رشـيــق الـقـوامـه

أبو العيـون السـود والخصـر مهضـوم. . . خشفٍ تحـت خـده مـن يسـار شامـه

هـادي طبـع مافيـه خفـه ولااوجـوم. . . بكلمـتـه وبنـضـرتـه وابـسـامـه

عـفٍٍ عـن الهفـوات مكـرم ومحشـوم. . . يمشـي واهـو واثـق ومرفـوع هامـه

مـن نـاس تحكمهـا تقاليـد واسـلـوم. . . عـبـقٍ ولـبـقٍ خنـدريـسٍ غـرامـه

حبـه شغفنـي شغـف جـارح لعيسـوم. . . وسـاوى الـدروب العـوج بلأستقـامـه

ياما عليـه أرقبـت فـي راس مزمـوم. . . ويامـا عليـه الجـرح طـال التئـامـه

وعني بعيـد وفيـه لااشـري ولا اسـوم. . . أبعد مـن سكاكـا عـن اقصـى تهامـه

ودعتـه آخـر يـوم وانكفـت مشـئـوم. . . انّــا تفارقـنـا لـيـوم القـيـامـه

مشيت كللـي حيـرت اهمـوم واغمـوم. . . وتركـت قلـبـي عـهـدةٍ باستـلامـه

احـن لـه حنيـن كومـاً مـن الـكـوم. . . شافـت ولدهـا ذبـح باقصـا العـدامـه

بيـن اربعـة شجعـان عجليـن وقـروم. . . ماتقوملـه مـن جـوه فـي شـر قامـه

اثنيـن طشـوا مايعسرهـم مـن اهـدوم. . .يبغـون عنـهـم ينجـزونـه شمـامـه

وواحد بسرعـه والحطـب عندهـم كـوم. . .وواحـد وقـود النـار والحمـس زامـه

قامـت تحـن وتلتفـت فـيـه وتـهـوم . . .بعـد ايـسـت والــذود لاذ بعسـامـه

ولا يحير امرٍ صـار واضـح ومحسـوم . . . تحيـر بامـرٍ منفلـت مــن زمـامـه

ولا يصير غيـر اللـي مـن الله مقسـوم. . . وعلـى المـقـدر ماتـجـوز المـلامـه

وماقـدر الوالـي علـى اللـوح مرسـوم. . . اصبر على المقسـوم وارضـى انقسامـه

وحاول تصير بساعـة الضيـق زيـزوم. . . وليـا حزمـت الشـي جـود احـزامـه

وطير الحبارى يزعجـه نـوب جرثـوم . . . ولااتفـه مـن الجرثـوم غيـر انتقامـه

وجنـاح للبعـوض وللفيـل خـرطـوم . . . ووش فايدتـك بعـرف زرقـا اليمامـه

والذيب يبقى ذيـب لـو صيـب بسهـوم. . . والثـور ثـور ولا يـغـرك سنـامـه

وبالشده الأصحـاب تعـرف مـن القـوم. . . وكلـن بوقـت الضيـق يعـرف مقامـه

ولاصرت لاعاقـل ولا مخـرم اخشـوم. . . شخصيتـك تصيـر فيهـا انفصـامـه؟

ومـن لايصلـي لايزكـي ولايـصـوم. . . لوهـو بمكـه محرمـنٍ فـي احـرامـه

وبيت العزاز يضل مـن حـر واسمـوم. . . وبيـت الـردى مبنـاه مثـل انهـدامـه

ولافيه لهل الطيب واهل الـردى اوسـوم. . . والمشكـلـه لــو إن فيـهـم عـلامـه

والطيب ساس ونفع واصـرار واعـزوم. . . ماهـو بكثـر فـلـوس والا وسـامـه

ومن ماخدم ماصـار فـي يـوم مخـدوم. . . وكـن تجيـه ألفـه وميـمـه ولامــه

ووش جاب ريح المسـك يانـاس للثـوم. . . والمعـرفـه وش جابـهـا للغـشـامـه

لو قلت هـذا الشـرق لإ نسـان منجـوم. . . يصيـر عنـده غـرب وقـت انجـامـه

مالـك سـوى تنسـاه وتبعـد الـحـوم. . . والمحتـرم حــقٍ علـيـك احتـرامـه

ومقطـع موسيقـى باغنيـه لأم كلـثـوم. . . يسـوى رديٍ يبلشـك فــي خصـامـه

وان انتصر منصور وان هـزم مهـزوم. . . لازم تقـول الـنـاس هــذا عـلامـه

ماخلـو اللـي بالخـلـى نـايـمٍ نــوم. . . جـوه اقعـدوه بخيـر مـدري شتـامـه

ولانـي بمـدح او ذم هالنـاس مـلـزوم. . . أبغـى السلامـه كـان حصلـت سلامـه

والعمـر لـو طالـت لياليـه مـايـدوم. . . لابــد مايفـنـى وتفـنـى عضـامـه

لابـد مـن يـومٍ يقـولـون مـرحـوم. . . وبالمقبـره يـدفـن مـطـوق بخـامـه

تفنـى ولايبقـى علـى الأرض علقـوم. . . وبالشـي يبـدا النقـص ساعـة تمامـه

مات الرسـول اللـي مـن الله معصـوم. . . الـلـي علـيـه الله ضـلـل غمـامـه

ولا خلـت كسـرى ولا قيصـر الـروم. . . أصحـاب تيجـان الذهـب والزعـامـه

عاشـوا حقيقـه وانتهـت كنهـا احلـوم. . . وافنـت بعدهـم ناطحـيـن الجهـامـه

ومهما وصلت بحال فـي حـال محكـوم. . . لو انـت فـي دنيـاك صاحـب فخامـه

الله يـبـدل عــج الأيــام بـغـيـوم. . . وتمطـر بعـد ماهـي عجـاج وكتامـه

تـم الكـلام اللـي مـن الفكـر ملمـوم. . . وازكى تحيه والسلام بختامه




والسسسلآم ختــآم

الموضوع الأصلي: سرى بليل وبرق وانغام ونجوم لشاعر(عبدالله باتل الرشيدي) | | الكاتب: احمد منيف | | المصدر: شبكة بني عبس

[سالم الرشيدي]

وعليكم السلام ورحمة الله وبركآته
صح السآن الشآعر عبدالله بن باتل
ولاهنــتـ احمد ع النقل الذوق

[احمد منيف]

ياهلا ورحب بخوووي ســآلم منور الموضوع :

[ذرا عبس]

صح لسان بن باتل ولاهنت اخوي احمد

[آهــذريــبــك]

صـح لسان آبن باتل
شاعر كفو وشاعر غني عن التعريف !
/
لاهنت اخوي منيف

[كحيلة]

مـن نـاس تحكمهـا تقاليـد واسـلـوم. . . عـبـقٍ ولـبـقٍ خنـدريـسٍ غـرامـه

ياااسلااام عليك وعلى الشاعر الكبير عبدالله باتل..
شااعر مهضوم اعلامياً,,حقيقة امتعتنا بالقصيدة الي تعكس لنا خياله الواسع ..
صح الله لسانه ..وعاشت يمينك ع النقل الأطيب من الطيب..
لاخلا ولاعدم يالغالي..

[عايد2001]

وعليكم السلام ورحمة الله وبركآته
صح السآن الشآعر عبدالله بن باتل
ولاهنــتـ احمد ع النقل الذوق

[احمد منيف]

اقتباس من مشاركة ذرا عبس صح لسان بن باتل ولاهنت اخوي احمد

ياهلا ورحــب بخوي ذرا منور يابعدي