[رشيد]

.

العام راح.. وويش سويت بالعام
.....................
باسم بن علي الوشيل


...
..
.

بعض الظروف تلد عن وصل الارحام

بالذات لا صارت تشابه ظروفي

ظروف ما تعلن وتكتب بالاقلام

وتطعن حياتك مثل طعن السيوفي

مابين ضيق الوقت وإحراج الاكرام

تصبح مدين لغيرك وصعب توفي

العام راح.. وويش سويت بالعام

ما غير زاد الحمل فوق الكتوفي

حتى الهوى مادام.. يوم الشقى دام

والهم ما بدده خلٍ عطوفي

ياللي سألتيني قبل ليش ما انام

عيشي حياتي يوم واحد وشوفي

وسؤالك اللي بين طيّاته إلهام

تكفين خلي اجابته وسط جوفي

ولا تسأليني عن ظروفي والايام

الله هو اللي عالمٍ في ظروفي


.

الموضوع الأصلي: العام راح.. وويش سويت بالعام | | الكاتب: رشيد | | المصدر: شبكة بني عبس

[مرزووق]

الله عالم بظروفك ويشفيك بعد
صح لسانكو