[بدر الحشية]

قم سو فنجال ٍ على الكيـف سـوّه=يطلق نظر عيني ويطرد اعماسـي
واحذر تطول البن ياسعـود ضـوّه=لاحمسـةٍ حرقـه ولابـه يباسـي
بالهيـل كثـر فيـه حـبـه وروّه=وبنّه ومـاه مقايسينـه اقياسـي
صبه على اللي يدركـون المـروّه=اللي تبيّن في السنيـن القواسـي
وعده عن اللـي مابقلبـه جـروّه=لاصار في بعض العلـوم إلتباسـي
واكتـب لنـا مبـداً بدينـاه تـوّه=فكري حظر عندي وهيّض احساسي
فكرٍ يصوغ اللعـب لاطـاب جـوّه=صوغ الذهب ماهو بصوغ النحاسي
ولاتوخذ الطوله من النـاس قـوّه=والبيت مايبنا على غيـر ساسـي
لاخان ساس البيت يطـرح علـوّه=والريح ماهـز الجبـال الرواسـي
بني رشيد اهـل الوفـا والحمـوّه=لاصار في دور الزمـان انعكاسـي
انشد وتلقـا فعـل كـل السمـوّه=يوم الحرايـب حدهـم مايداسـي
حنـا وطنـا مانجـامـل عــدوّه=دون الوطن فينا اندفاع وحماسـي
مساهميـنٍ فـي رخـاه ونـمـوّه=ونحميه من فتنة ارخومٍ اخساسـي
وعدونـا مـردود كيـده وســوّه=ليا إلتحلف بالكم خطـو الهداسـي
فعلـن قديـمٍ شـاع ماهـو بتـوّه=بين القبايل منـه مرفـوع راسـي
والناس فيهم مـن شجـاعٍ ولـوّه=ومن يكسب الطولات مافيه باسـي
وإلا مـرد النـاس لأدم وحــوّه=مافيه فـرقٍ بيـن كـل الجناسـي
إلا بتقـوى الله وتـبـع النـبـوّه=اللي ذكر ربـه بصبـح ومماسـي

وسلامتكم :الشاعر شبيب الدقباسي الرشيدي
ولــــكــــم تــحــيــاتـــي
ارجو حذف المشاركة اذا كانت القصيدة موجودة من قبل

الموضوع الأصلي: قصيدة رائعة وجميلة | | الكاتب: بدر الحشية | | المصدر: شبكة بني عبس

[الاجهر]

قصيدة رائعة

ماننحرم منك ومن ابداعاتك

[صقر عبس]

صـــــــــــــــــــــــــــــــــــــــــــــــــ ـــــــح لســـــــــــــــــــــــــــــــــــــان قايلها ولاهان ناقلها

لاهنت يا(الحشيــــــــــــــــــــــــــــــــــــــــــ ــة)


:p :p :p

[صادق الوعد]

صح السان الشاعر ( شبيب الرشيدي ) ويعطيك العافيه على نقل القصيده الرائعه

ماننحرم منك بدر

[عبدالعزيز الخياري]

بني رشيد اهـل الوفـا والحمـوّه=لاصار في دور الزمـان انعكاسـي

صح لسانك وصح لسان الشاعر الكبير / شبيب الدقباسي...


قصيده وافيه الله يعافيك يابدر الحشيه على النقل وحسن الاختيار....

تقبل تحياتي..

[الهنوف]

صح لسااانك اخوي ومشكوور على النقل...

تمنياتي لك بالتوفيق
اختك الهنوف

[بدر الحشية]

مروركم الرائع اسعدني وشرفني
دمتم سالمين

[ناصربن سعود]

شكراً لك اخي الكريم