[هداج]

لاتظهريـن عيونـك السـود تكفيـن

فـي خافقـي لاتكسبيـن الخطـيـه

ارجوك بس باقي عن العيـد يوميـن

بـاخـر صيامـك لاتفيديـن سيـه

يا أم العيون الللي هدب رمشها زيـن

فيهـا لمفتـون الهـوى جاذبـيـه

لاتحرجينـي داخـل السـوق وتبيـن

علـي ظيقـات الهـوى العاطفـيـه

السـوق زحمـه والاوادم فطينـيـن

قـد قالهـا لافـي واعيـد القظيـه

أمـا بقلبـي ياحيـاتـي تروفـيـن

وبعد الشقاء يلقـى الحيـاة الهنيـه

والا اتركيه يصـارع المـر والبيـن

دامك علـى ماقيـل ماانتـي وفيـه

روحي وصدي ماسألتك علـى ويـن

عسى الجروح تموت لوهـي طريـه

جرحي نزف من عام الاول الى اللحين

عيـت تطيـب اجروحـي الداخليـه

لاطبـت فـي قلبـي تفجـر براكيـن

تزيـد عـلات الـجـروح الخفـيـه

يابنت قلـب مولـع الحـب مسكيـن

دايـم ونـاره بالمعالـيـق حـيـه

دايـم ونـاره تلتهـب بيـن ظلعيـن

دايـم ونفسـه مـن محبـه شقيـه

عادة اقلوب اهـل المحبـه محازيـن

صـارت اجـروح اقلوبهـم عايديـه

دايم سهارى يمضي الليـل صاحيـن

النـوم مـالـه عنـدهـم قابلـيـه

يابنت كان انك عـن الحـب تدريـن

وعندك خبـر فـي قصـة العامريـه

روفي بقلبـن يقتلـب بيـن ناريـن

روفـي بحالـه حيـل حالـه رديـه

وان كان ماتدرين ياأحلـى المزاييـن

روحي عسى دنيـاك قدمـك فضيـه

مافيه داعي وقـت الاعيـاد تجنيـن

علـي واصبـح بالعيـاد الظحـيـه

اقفي وعمـرك بالهـوى ماتعرفيـن

ان الهوى ناره علـى القلـب حيـه



الشاعر \بدر منور الشعيفاني


منقول اخوكم
هداااااااااااااااااااااااااااااااج
:(

الموضوع الأصلي: مافيه داعي وقت الاعياد تجــــــــنيـــــــــــن$$علي واصبح بالعيد الضحيه | | الكاتب: هداج | | المصدر: شبكة بني عبس

[بدر الحشية]

الف شكر على النقل الرائع والجميل

[بندر الذيابي]

صح لسانك ولسان الشاعر

مشكور علي النقل


تحياتي


اخوك


بندر

[ابو براك الرياض]

الف شكر على النقل الرائع والجميل