[سعد الشقل]

المقداد

اللي يبي يلعب مع المقدااد يصحى ماينـام=واللي يحب النـوم لعلـه منـام العافيـه
سلام من شاعر يحب اهل المواقف والنظام=اهل النفوس الطيبه واهل النوايا الصافيـه

السبع الضاري

السبع مثل النور والنور ان طلع جلا الظلام=والنيه الزينه ترا لاهـل الضمايـر كافيـه
يامرحبا ترحيبة ٍ كبر الجمل حـدر السنـام=مثل البيوت اللي برعشات العقارب دافيـه

المقداد

يالسبع اعرف انك سبع نابك مثل حد الحسام=لكن نارك بالزمان الشين صـارت طافيـه
تهرف طوال الليل ماتلقى يـدام ولا لغـام=هذا مابين منك مـن دون الامـور الخافـه

السبع الضاري

نابي كما شامان قطاع الشواكـل والعظـام=حذراك تاقف والضواري الشهب تمشي حافيه
أما عليك الحرب وألا ارفع لنا راية سـلام=لا.الناهيه معنا كما لو جبت عنهـا النافيـه

المقداد

شد الحزام اسمع كلامي قلت لك شد الحزام=وحربي معك يا بالخلا يشبه لحرب المافيه
يالسبع يالضاري عليه بالحرام امن المـدام=انك لتبلش بين وضع الراضيـه والجافيـه

السبع الضاري

السبع يالمقدااد مايمشي عليه أيـا كـلام=يسرق عشاه من العيون الصاحيه والغافيه
اطلق رسنها والوعد لحن رعاد الغمـام=الفقر ماتفنا منـه كـل الغنـاه الظافيـه

المقداد

انا اعرف انك شوق راعيت الخلاخل والزمام=لكـن انـا دكتـور ياسبـع الخـلا بالقافيـه
اليابغيت اذبحك لفيت الكفـن لـف الحـرام=وسفت على جرتك ياسبـع الخرايـم سافيـه

السبع الضاري

كما تشاهد صورتي مابيـن زمـزم والمقـام=حرام اخوي ناس لو تسعـى ذممهـا هافيـه
الموت ماهو في يدك .والسبع ماهو ذرع خام=أليا كواك اعطاك كويه .مابعدهـا.. شافيـه

المقداد

ليه ثلاث ايام وانـا اقـول ياسبـع الهمـام=وانته سوات اللي يقول اسمع لفعل اسلافيـه
ماحاصلٍ لك من زهابي لو كبر وزن الجرام=وان كان عندك شك عنهـا نشـد العرافيـه

الموضوع الأصلي: المقداد × السبع الضاري | | الكاتب: سعد الشقل | | المصدر: شبكة بني عبس

[المغرم اليائس]

محاورة قمة بالجمال

صح لسان كل من الشاعرين

ودام هذا الابداع في ظل منتدانا الغالي

ولك الشكر اخي على هذا التنسيق

[برق الوسم]

محاوره رائعه

[خاتم الرشيدي]

صح السان الشاعرين

محاوره رائعه
اشكرك على تنسيقها