[سعد الشقل]

بتال

بعد طول الغياب وبعد طول المسيره=ياسلامي على الشعار واهل الصحافه
يالجحش كيف تطبخ قمحتين وشعيره=اشهدن العقول اليوم فيهـا سخافـه

الجحش

بعد طول الغياب إلعب بعرف وبصيره=مرحبا والطريق الي معه عين شافه
طبخة القمحتين شويّ ماهي كثيـره=والعقول السخيفه ماتجيـد الطرافـه

بتال

ااعرف اني بدعت الدرب مافيه غيره=البقـا قالهـا بتـال بعـد الضيافـه
لا تعزويت لي في نجد عزوه خطيره=وانت مابك قصور ورحت منا حسافه

الجحش

عطني علومك الي جبت من كل ديره=كان مامن غموض وكان مامن كلا فه
راح وقت الخناجر والسيوف الشطيره=وبتدى عصربرمجت السلاح بحرافـه

بتال

ياحليل الجيوش وياحليل العشيـره=اثر هذي عوايد ربعكـم بالصافـه
هيه يالصايم اللي مفطرن لك فطيره=كب عنك الفطيره هاك زبد وكنافـه

الجحش

بان علمك عسى في تالي الامر خيره=آه ياطولها ياصاحبي مـن مسافـه
كل جودٍ من الماجود شـره وخيـره=ومدة الرجل للرجال رمـز اكتشافـه

بتال

اوالله اني عقيد ولي مكانه شهيره=لاكن اني لبست الثوب جيت بلطافه
جيتك وشفتك اللي تايه وفيه حيره=لاتدوج فروضن ممحل (شعيل) عافه

الجحش

ياعقيد إقرب إقرب والعميد استشيره=لايردّك كما كنت بعريـن العرافـه
ليزر الطب سايد بالليـال الاخيـره=كل عضوٍ يحدد قوتـه والضعافـه

بتال

الحبوب اتدقدق والرحا مستديـره=عزوتي كتفو الملقوف راع القافـه
طبلوله وانا قلت الولد فيه غيـره=واثر راع العلوم يجيب علم الخرافه

الجحش

عزوتي عبس عز الاسلحه والذخيره=قوّةٍ ضاربه عبر الزمن وختلافـه
اترفع عن اصحاب النفوس الحقيره=والحقير الترفع يحسبنـه ماخافـه

الموضوع الأصلي: عميد الشعراء × بتـــال | | الكاتب: سعد الشقل | | المصدر: شبكة بني عبس

[مسندالعويمري]

مشكوريا سعد على التنسيق

[الجحش]

سعد الشقل كم انت رائع مشكووووووور بيض الله وجهك على التنسيق المستمر للمحاورات

[بتاال]

الشقل سعد

شكراااااااااااااااا

جهد تشكر عليه

لاخلا

و

لا عدم

[فيصل الرشيدي]

تسلم يمينك يا سعد على هذا الجهد الرائع والتنسيق الدائم للمحاورات ...


ربي يوفقك ,,,

[العويمريه الغاليه]

تسلم على الموضوع الجميل

[علي الهيفي]

محاوره رائعه من اجمل المحاورات وصح لسان الشاعر بتال وصح لسان الشاعر الجحش

ولاهنت ياسعد الشقل وبيض الله وجهك

[بتاال]

شكرااااااااااااااااااااااااااااااااااا