[عواض بن بهلان]

بسم الله الرحمن الرحيم
السلام عليكم ورحمة الله وبركاته
اخواني اخواتي اعضاء وزوار
هذى المنتدى الشامخ
اقدم لكم قصيدة استاذي
الشاعر الكبير الكاتب عبدالله بن عبيان اليامي
في قبيلة بني رشيد
وكصفتي كشاعر من ابنا القبيله
رديت في ست البيات فقط
تمجيد له ويستهل
لااني لااقدر ازيد على استاذي
وامل ان تحوز لرضاكم
وامل تثبيتها





قصيدة
عبدالله بن عبيان

سلام ياهل الشهامه بالفخر مكسي=يسوقه الطيب والخافق يهليبه
على سلايل دليم وعنتر العبسي=اهل الظفر والكرم والعز والهيبه
قبيلة ٍ لصفق موج البحر ترسي= تطب سوق المنايا ماتبليبه
على الدروب المراجل تصبح وتمسي=خيالهم لعتزا بانت مضريبه
اقولها من لساني وبصم بخمسي=من شلن من يجهل التاريخ يدريبه
ان كان للمجد بشت وللفخر كرسي= انا اشهد ان الرشيدي دوم يحريبه

تابع ردي

الموضوع الأصلي: رد عواض بن بهلان على عبدالله بن عبيان | | الكاتب: عواض بن بهلان | | المصدر: شبكة بني عبس

[عواض بن بهلان]

قصيدة

عواض بن بهلان

يامرحبابك عدد مايطلع الغرسي = وعداد مالشعر غنابي وغنيبه
بالشاعر اللي على شط الشعر يرسي=يرسي مراسي البواخر يوم ترسيبه
استاذ وسط المدارس يشرح الدرسي=وطلاب شعره تفاخر في مكاتيبه
منروس يام العريبه فعلهم شرسي= على العدو نار والصاحب تهليبه
اهل الكرم والوفا مع عزة النفسي=ومجادهم فوق والعربان تدريبه
ان كان للطيب ساس وللشعر هجسي= ابن عبيان يصبحبه ويمسيبه

[عواض بن بهلان]

والله مشكله كبير


خمس ساعات

محد قراء الموضوع


فعلن مشكله

[مرزوق العجوني]

صح لسااااااانك يابن بهلان ولا هنت على الرائعه ويستاهل ابن عبيان

[سالم الرشيدي]

صح السانك وبيض الله وجهك على النقل

[(فارس الرشيدي)]

صح السانك وبيض الله وجهك على النقل

[خلف العايضي]

لاهنت ياشاعرنا القدير على هذا الرد الجميل وابن عبيان يستاهل كل خير

وقصيده تستحق التصفيق


تقبل التحية والتقدير

[عواض بن بهلان]

اقتباس من مشاركة مرزوق العجوني صح لسااااااانك يابن بهلان ولا هنت على الرائعه ويستاهل ابن عبيان

صح بدانك


يشرفني مرورك