[السبع الضاري]

هذه محاورة بين السبع الضاري والعمدة الشهير

العمدةالشهير

يالسبع ياللي تلهب الناس بالنـاب=وشلون تلهب ناس والناب مكسور
انته تدوج وانت يالسبع منصـاب=الناب طايح والسفل الساق مجبور

السبع الضاري

أبا ألهبك بالناب وأنحاش للغاب=من شأن تأخذ عدت أيام معثور
أنااحمدالله بيني وبينك الباب=واللي بقا امن أنيابي أيذكي الثور ههههه

العمدةالشهير

عندي قرايه توقف اسـم بالـداب=والسم يصبح داخل الجوف محصور
ولوكان مابه باب وش يعمل ذيـاب=حنا هل حل الوقفات يالسبع والكور

السبع الضاري

تقرأ من الخيمه لياحد الأطناب=ومن السبيب إلين تقبل على الزور
الباب ما يفكك ليا جيت طلاب=سبع الفلا يسري بعرعر وابا القور

العمدةالشهير

اقرايتي تطوي سباريت وهظاب=ارسل قرين يجيبك اليوم مخفور
اركد لاتوصلها الى قطع الارقاب=اصبر شويه لين يطلع لي النور

السبع الضاري

مالفرق عندك بين (نصاب). (كذاب)=أرسل قرينك يا اشهب الرأس خنفور
غاب القمر وسهيل والجدي ماغاب=الصبر مفتاح الفرج يا جبل طور

العمدةالشهير

الحـال وحـده كلبوهـم بالاعـراب=وانته حدى الاثنين والعلم محضـور
ابا احرف الموضوع ياعرب الانساب=هو ويش علم ٍ بالدواويـن منشـور

السبع الضاري

يشيب طير إكنات والزور ماشاب=تشهد عليّ الزور شهّادت الزور
ماني بداري سب وألا كذا اعتاب=مدري عساك بخير ياطير مذكور

العمدةالشهير

اثر يك صقارن رقا كل مرقـاب=صقار لكن مانت بلحيل مشهور
وحيات من نزل على عبده كتاب=ان النوايا طيبه يابـو منصـور

السبع الضاري

أنا سبع صيدي من ديار الأجناب=اشوم عن صيدٍ من السور للسور
يا الله دخيلك عقب تفتيل الأشناب=ذبحت في شلفاي سحلي و عصفور ههههه

العمدةالشهير

وين الشهاده كان مانته بكـذاب=ريش الحباري ماهو بالدار منثور
هاذاك انا والصيد تلعات الارقاب=ولا انت من يبغاك بعيونك العور

السبع الضاري

عندي شهادة حفر شيول وقلاب=ماني على البهتان والكذب مجبور
ياصاحبي بالليل لاتأمن الداب=واحذرتطيح من الزلق ثم ماتثور

العمدةالشهير

يالسبع ياللي مهنتك جرح الاصحاب=مرات سبع ومرتن شكل جرجـور
لايصير في قلبك مثل ريشة غراب=نضف صداء قلبك ولاتقعد تخـور

السبع الضاري

المهنه اللي مالها بنك واحساب=مرات تجرحني وأنا سايق المور
قلبي دليلي وأعرف اعقاب واحجاب=امن الضحايا لين عديت بالقور

العمدة الشهير

بعض المهن تجيب لراس الاعصاب=يصيرمنها صامل الراس مشعـور
وانته لهامنتج وشـاري وجـلاب=مصانعك في حره بـراس عثمـور

السبع الضاري

أجرها عويه على اعصاب الأذناب=ماني وأنا سبع الفلا اهنيه طرطور
أنتجتها من بعد مكوى ومشهاب=لحقتني الحذفه وراء سبعة ابحور

العمدة الشهير

بعض العوى يحذفك في وسط الانشاب=عويتك لاتجيب الك طلقه على الزور
مالك عن اللي قلت صـده ومجنـاب=الشر يذكـر عنـد بـدوان وقصـور

السبع الضاري

وش حيلتي في بعض عيات الأقراب=لاصار مايفهم ومبلي ومغرور
أنا حبيب أحب مزيون الأحباب=والشين اجنب عنه جعله بحادور

العمدة الشهير

حول معي في وضع طيب وجـذاب=عساك تعرس في مماتك على الحور
كم في نصيبك من جديدات الاسلاب=يوم العمر في زمته وانت مسطـور

السبع الضاري

انا امتعلي ماانزل إذا الهوا هاب=عساك بالجنة على ظهر بابورههههه
عشرين قباء مابها اعراب واتراب=هذي على هذي وأنا ألف وأدور

العمدة الشهير

انته ماتدري فيه قاري وكتـاب=واحد كتب شرن ولاخر كتب نور
يحاسبك بكره بهن رب الارباب=في ساعتن فيها لواهيب وحرور

السبع الضاري

أدري ولكن يغفر الله لمن تاب=من تاب ذنبه ياابن الأجواد مغفور
الله كريم ومن ترجاه ماخاب=ماهو بمثلك يعسره قول مشكور ههههه

العمدة الشهير

اليا امس وانته ماسكن كل جلباب=يقوله اللي معك في راس طابـور
تتوب ياحطو على راسك اتـراب=ولا تتوب اليا قربت نفخت الصور

السبع الضاري

السبع فحط عنك من فوق دباب=أقعدبها مافي يدك غير باكور
وأمع السلامة واستلم مني الكاب=عزالله إنك في سواياك معذور

العمدة الشهير

هذا زمانن يالسبع كلـه اعجـاب=تفحط ماتفحط سبت رجلك مسمور
تعال وقع عند الاجهـر وشبـاب=ان الخزينه خلصت وانت معسور

والعمدة الشهير هو العمدة.........شكراً

الموضوع الأصلي: المعركة الشهيرة مع العمدة الشهير | | الكاتب: السبع الضاري | | المصدر: شبكة بني عبس

[ابا الخيل]

السبع الضاري صح اللسانك واللسان العمده
نعم انها محاوره تستحق التنسيق بين شا عرين
من عما لقة الشعر

[ناصر خنيفر]

السبع الضاري الله لايهينك على التنسيق واعتقد ان هذه اطول محاوره صارت على سطح الكوره الارضيه من ذا مائة عام تحياتي لك وانا بعد هذه المحاور معتكف عن لعب المحاوره لمدة اسبوع

[السبع الضاري]

اقتباس من مشاركة ناصر خنيفر السبع الضاري الله لايهينك على التنسيق واعتقد ان هذه اطول محاوره صارت على سطح الكوره الارضيه من ذا مائة عام تحياتي لك وانا بعد هذه المحاور معتكف عن لعب المحاوره لمدة اسبوع

الله يسلمك
ما قلتلي عن الشهادة بالمعارك
انت تمنح الناس شهادات
والسبع الضاري محمرمه لانجوح ولارسوب
وهذي ماهي اطول محاورة كان لي محاورة في احد المواقع المجاورة تساعدوا علي ثلاث شعار وكل شاعر جاب 60 بيت وانا قابلتهم بمائة وثمانون بيت واطلق علي لقب (.......) ما اقدر اذكره ينكشف امري لكن لقب يعني بحر ماله ساحل هههههه

[مسندالعويمري]

السبع الضاري صح اللسانك واللسان العمده

[ناصر خنيفر]

اقتباس من مشاركة السبع الضاري الله يسلمك ما قلتلي عن الشهادة بالمعارك انت تمنح الناس شهادات والسبع الضاري محمرمه لانجوح ولارسوب وهذي ماهي اطول محاورة كان لي محاورة في احد المواقع المجاورة تساعدوا علي ثلاث شعار وكل شاعر جاب 60 بيت وانا قابلتهم بمائة وثمانون بيت واطلق علي لقب (.......) ما اقدر اذكره ينكشف امري لكن لقب يعني بحر ماله ساحل هههههه

لايكون خاطره الا طيب
اعلان من العمده يطلق على السبع الضاري لقب
فارس المحاوره ويكون الخط الاول لمصادمة الاعداء بالشبكه
ثلاث شعراء والله كفو اثر الك مواقف مشرفه من زمان

[السبع الضاري]

اقتباس من مشاركة ناصر خنيفر لايكون خاطره الا طيب اعلان من العمده يطلق على السبع الضاري لقب فارس المحاوره ويكون الخط الاول لمصادمة الاعداء بالشبكه ثلاث شعراء والله كفو اثر الك مواقف مشرفه من زمان

الله الله مدة الله ولا مد اليدين البخائلللللللللللللل هههههههه
مشكور يالعمدة الشهير

[ناصر خنيفر]

اقتباس من مشاركة السبع الضاري الله الله مدة الله ولا مد اليدين البخائلللللللللللللل هههههههه مشكور يالعمدة الشهير

ياولد كلمة العمده الشهير كنها ملغومه ادخل على الله انها سليمه ام لا