[نوماس5]

أسبوع مـرّ !! ولاوصـل منـك مرسـال ياقوّ قلبك كيف تقطعني أسبـوع ؟!

الجـوع كافـر ! وانـت ماترحـم الحـال وانـا عليـك مــن الـولـه مـيـت ٍ جــوع

ياللي غيابك صعب يطري على البال تركتـنـي ضـايـق وحـايـر ومفـجـوع

ماكـنّـي الا: شـايـب ٍ فـاقــد عـيــال وماكنـك الا: محـرّم ٍ حـق مـشـروع !!

يفـوع لــك قلـبـي لـيـا مــر الاطــلال ياليـت مالـي قـلـب يشـتـاق ويـفـوع

حسبي عليـك شلـون قطّعـت الآمـال بآآآمـوت لاصـار الامـل فيـك مقطـوع

ياصـاحـبـي مـاكــل نـــزّال رحّــــال انت الحيّا مـن ويـن مارحـت متبـوع !!

نسيـانـي لــزول ٍ بالاعـمـاق يخـتـال اصعب على صاحبك مـن حبـة الكـوع

لـو الثمـن فـي شوفتـك عمـر رجــال كان الثمن من يوم ماغبـت مدفـوع !!

ولـو القـدر مــا تــم قـولـه لـيـا قــال ماضاق صدر ولا انحنـى راس مرفـوع

ياصاحبـي عشقتنـي فعـل وخصـال وانا عشقتك شعر واحسـاس وطبـوع

وشلون تتركني كـذا لا اشهـب الـلال وقدّام عيني تجف ينبـوع .. ينبـوع !!

وانـا عشانـك جـيـت والغـيـم هـمّـال اسـيّــل الـوديــان واداحـــم جـمــوع

مـاردّنــي عـنــك سـوالـيـف عــــذّال تزعـل علـيّ ربـوع وتـقـدّر ربــوع !!

كـان المهـم اعيشـك جنـون ووصـال ويكون لي كلمـه ولـي راي مسمـوع

واليوم ضاقت بـي مـن الجـال للجـال فرقـاك تقصـم ظـهـر وتـحـز وتـلـوع

لو جيت شفـت الحـال ماسـرّك الحـال في غيبتـك ضايـق وحايـر ومفجـوع

هذا غيـاب اسبـوع وشلـون لـو طـال طالبك .. لايطوّل غيابك عن اسبـوع !

الموضوع الأصلي: أسبوع مـرّ !! ولاوصـل منـك مرسـال ياقوّ قلبك كيف تقطعني أسبـوع ؟! | | الكاتب: نوماس5 | | المصدر: شبكة بني عبس

[رعد الرشيدي]

قصيده رائعه بيض الله وجهك يانوماس5

[نوماس5]

منوور فديتك

[ابوصالح لرشيدي]

هذا غيـاب اسبـوع وشلـون لـو طـال طالبك .. لايطوّل غيابك عن اسبـوع !


اشهد بالله إن هذا إلي متضايق من مفارق خليله ..
صح اللسان شاعرها وسلمت يد ناقلها ..
يعطيك العافية ذوق في ذوق ..ننتظر أبدعك ..

[احمد منيف]

صح الله لسـان شاعرها ..

وتسلم نوناس ع النقل الطيب

[نوماس5]

اقتباس من مشاركة ابوصالح لرشيدي هذا غيـاب اسبـوع وشلـون لـو طـال طالبك .. لايطوّل غيابك عن اسبـوع ! اشهد بالله إن هذا إلي متضايق من مفارق خليله .. صح اللسان شاعرها وسلمت يد ناقلها .. يعطيك العافية ذوق في ذوق ..ننتظر أبدعك ..

منوور لبى قلبك

[نوماس5]

اقتباس من مشاركة احمد منيف صح الله لسـان شاعرها .. وتسلم نوناس ع النقل الطيب

صح بدنكـ
يسلمك ربي
نوماس مهو نوناس هع

[الجمره البارده]

روعهـ القصيدهـ



شكرآآ