ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
الشاعر مساعد الرشيدي وحنان..وما حدث خلف الكواليس
 يسعد مساك ياأبو فيصل.....أنا الوايلــ حنان ـــية جاية وودي أسولف معك شوي بس ماني لحالي معي عضوين ..... الاول اخوي راع الفرس والثاني أخوي هذيان إلي متهمني بالتحيز لأبناء قبيلتي وجبته معي اليوم عشان يعرف إن الإبداع ما يرتبط بقبيلة أو جنسيه وللعلم ياابوفيصل جينا ثلاثتنا مسايير وضيوف إخوان لو كلن لفا من قبيلـه > < طيب ياحنان هلا بك من قدمك لغرتك لشعرك المنثور هلا في كل شي فيك وأنت أغلى مساييري تكفى ياابوفيصل لايزعلون إلي معي رحب بهم هلا والا هلا قد قلتها قبلك لذاك وذاك أبدور جديدن ما سمعته وانثر أشواقي بداية ياابو فيصل خل نخلص من الهواش والمشاكل وبعدين نتفرغ لقصيد الحب والغزل وودي أعرض عليك شي ممكن؟ طب وتدلل فـداك اللـي تمنـاه لو تطلب الشمس وسهيل وعطارد طيب ياابوفيصل للمرة الثانية على التوالي تعتذر عن أمسيات الدوحة على المشاركة في أمسية الكويت مع الشاعر عمر الفرا تعبت ألقى الجواب المقنع إلي ما عليه جدال تعبت ألقى طريق ما يكون بآخر ه شتفـه تعبت اجـامل.. أيامـي ولـو ورتـنـي الأهـوال تعبت أقـول عن حـملٍ ثقيـل أتـفه من الأتـفه تعبت أهز راسي غيظ !.. و ألقـى في يدي أغـلال تعبت أسـير خلف الوهـم ولو غيري ركض خلفه تعبت أرسم حروفي شمس و ألمـح بالوجيـه ظـلال بعض نـاس تعـرف النور بس تقـول ما تـعرفـه طيب ما تخشى من فقد احترام الجماهير الخليجية لك؟ ما تحسب حساب ردات الفعل ؟ بالعربي ما تخاف يطيح سوقك يا مساعد وما عاد أحد يلتفت لك ولقصايدك؟ شعري زها بجباه بيـض المكاتيـب شعري على طرياه هبـت هبوبـي شعري رسايل عيد طيبن على طيب عطر الشمال وهفهفـات الجنوبـي شعري وسايـد مترفـات رعابيـب شعري لوى تلعات الارقاب صوب وربي قمة الغرور يا سيف العشق احد ربي يحطك له حبيب ومايجيه غرور أنا ليه التفت للغير وعيونـك جماهيـري طيب دام ما يهمك احد وواثق من نفسك ليش تقول : صاحوا..تناخوا دوروا بي عذاريب تجمعوا ليلة وزا وسولفـوا بـي؟ تدرين ليش يا حنان؟ أثري مسوي بالقلوب الأعاجيب وأنا مثل وجه السما نقش ثوبي طيب وش سويت؟ بردت كبدي من قراح المشاريب دوبي رويت من الشهاليل دوبي طيب وهم؟ خليت للحاقد طشاش وحثاريب يتـوب والا قلعتـه لايتوبـي """""" طيب بأعطي مجال لراع الفرس يسألك هلا ابوفيصل ......أنا والجميع يعرف انك مساعد بن ربيع الرشيدي عقيد بالحرس الوطني وشاعر بني عبس الاول تشرفني نجومي فوق متني والقصيد أهواه الياصار الوطن للشعر ساحات وميادينـا ....طيب كلمنا شوي عن أهلك على راي الوايلية حنا كل واحد من قبيلة وودنا نتعرف عليك أكثر حنا سلا يل قاسم الخيل ودليـم وزعاتنا يوم المكايـد رجيحـه بدو حفايا ما أنصفتنا المقاسيـم وبصدورنا عزن تطارخ فحيحه أقول مساعد .....تذكرت شي يمكن يرجعنا للهواش خل اسـألك قبل اعطي فرصة لأخوي هذيان انت تقول : يقولون لا ضاقت عليك الوسيعه غن وانااقول شفت مقرد الخلق وش قالت وتناقض نفسك وتقول : نوب قلبي يشيل الحزن دان نوب سامر....ونوب الميجنه إيه يا حنان المهم : إني عبرت العمر وادمنتني ضفافه آه ياقل الخطا مني ويا كثر الرزايا لا والله ماهن رزايا بس.......؟ تدري دامنا بسيرة الأغاني والدان دان ارتبط اسمك بإسم الفنان محمد السليمان واغلب أو أفضل قصايدك خصيت بها محمد دون غيره من المطربين ايه انصتي يا شجون الروح ممنونه جاني رقيق المشاعر ناوي الخـوة محمد مطرب حساس وأحس انه أكثر واحد ممكن يؤدي قصيدتي مثل ماانا ابي طيب دامنا بالثنائيات اقترن اسم مساعد وارتبط ارتباط وثيق في فترة من الزمن بإسم نايف صقر بس نايف في لقاء أخير في مجلة المختلف يقول : انه تجاوزك وتجاوز الجميع....... الأسماء والثنائيات و و .....انت وش ردك؟ عندي تساوت هرجة العذر واللوم هذيك ماابغاها وذيـك احتقرهـا أقول الوايلية عطينا فرصة تراي ما خلصت أسئلة............خلاص راع الفرس لا تعصب اسأل......طيب الوايلية عندي كلمة راس لمساعد ممكن تهوينا شوي؟ مساعد تقول : من يحدثني حديث الجمر للثلج بثغرها والله إني كنت ناوي لي بذاك الجمر نية صراحة ياابو فيصل بيت قوي جدا وحرام انه يندفن بس يا ترى منهي؟ جادل كل الدروب المعشبة تنبت بأثرها جت تبي جرح وقصيد وخلت الثنتين ليه أقول الوايلية وراع الفرس وربي ماتنعطون وجه ترى أنا جاي معكم ولي حق بأبو فيصل مثلكم خلاص لا تعصب هذيان اسأل أولا انت شاعر الوطن وش كتبت للوطن؟  وطن ...يسعد مساك الشمس ما غابت تبي فرقاك تعدت للمغيـب تعلمـه عـن طيـب مشرقهـا تستاهل حبة راس على ها لبيت صح لسانك وربي انك طيب والشعر وش يعني لك؟ أنا الشعر عندي مثل الإنسان كاين حي رفيق وله حق الوفـا فـي مواثيقـه شوي هذيان اسمح لي بها لسؤال....دام الدعوة كذا وين جديدك يا مساعد انت مقل جدا تدرين ليش ياحنان؟ الطواريق ما عادت تسلي والحنايا تدامـى وتحـدا طيب أبو فيصل.....أكيد سمعت عن زيارة خادم الحرمين الشريفين لنا بحايل ما ودك تقول لأبومتعب شي؟  سلام الله على الي من خلقـه الله علـى مبـداه خلق فينـا البطولـة يـوم صافحنـا بأيادينـا عريب والله انك ما تشوف اليا ارتكـى حليـاه سوى ( نوا ) برق في نجد والرعاد في ( سينا ) ابوه الي ترك للشلف بالمصمك بعـض ذكـراه غرسها بالبداية وانغـرس حـب الوطـن فينـا ابو متعب.....ولالك بالكلام ليا كثـر وانسـاه ترى لو نذكر اسمه بس (( عبـد الله )) يكفينـا صح لسانك يابوفيصل قمة.........طيب وحايل؟  سلام ياحايل حبيبة طي بنت الخيـال الليلة أنتي سيدة حرفي وانا شاعـرك المسعد الي كل ماريع عليك الظـلال لم البختري والنفل والشيح عن ومعشوقتك الرياض ؟  تدرين ليه المطر يشتاق لك يالرياض من بين كل الفيافي والقرى والمدن يبغى يفضفض لصدرك عن حنين الفياض عن لهفة الشوق عن لحظه حنين وشجن ... بأرجع للهواش يا مساعد.....كثر الكلام عنك وعن شراء الشعر وبيعه وخاصة إني انا بنفسي سامعتك بلقائك مع نجاح المساعيد ببرنامج دانات على قناة ابو ظبي تقول انك ممكن تنشر قصيدة لواحد يمون عليك بإسمك انت لأن المجلات مايردون لك طلب وبكذا تكون ساهمت بشهرة القصيدة .....وكثر كلام الناس عليك وعلى قدرتك الشعرية والنصوص الي يوم تطلع قوية ويوم ركيكة بس ماسمعنا لك لارد ولا تعليق ولا دفاع ليش؟ عن ساقط الهرجة نطق الملاطيم ومن طاح فيها ما رحمنا مطيحه العيب مو بك بالناس. يعني معقول كل الناس على خطأ وأنت الوحيد على صواب....؟ ماعلينا من دنوع" على الجره يحوس يحسبنه صار حاجه وهو من جنبها أقول الوايلية بالله قومي....حنا جايين نسولف مو نكدر الرجال ونضيق صدره افااااااا...صحيح كلام هذيان يا مساعد ضيقت صدرك انا؟ وش سويت بي لارحم حيك اكتفى القلب بس من الجروح اجل ابسكت وماني متكلمة بس عندي تنويه بسيط ياابوفيصل انا قصيدك أعطيك عليه1000000% بس أفكارك وقناعاتك احيانا اختلف معك بها أدور أنا وانت مثل السبت والجمعة ياقربنا والصحيـح انـا بعيدينـي اقول خلها عنك وجاوبني على أسئلتي ولاعليك امر طيب راع الفرس تفضل (( عبسية عيت على قلب عبسي ))....ممكن توصفها لنايامساعد؟؟؟ ما تورث زين عمه ولا خاله يا ولد عم القمر يا القمر عمه طيب بسألك سؤال خاص بس انتظر لحظة الوايلية.....كن به احد يناديك شوفي مين بسرعة يا مساعد قبل تجي.... يا ترى شفت حبيبتك ..حصل بينكم لقاء؟ جت في يديها وردتين حمر قبل الشفق والشمس محمـرة العنق نافر والسوالف خمـر والموت بين العنق والغـرة والريح تاخذ من شعرها غمر تلعب معـاه شـوي وتثـره ذاك الثليل الي جمرني جمر الي بغيت اموت مـن حـرة شوي راع الفرس بأسأله انا طيب هذيان قل ولا تكثر مساعد يوم جتك وش صار ؟ ولع رماد الشوق يا معذبي نار من كان يحلم بإشتعال الرمادي ماكنت اظنه يكون اللقاء حار لين التقينا واشبكتنـا الأيـادي هاه هاه يا مساعد كمل وبعدين؟ يوم انه اقبل خدين الروح يوم انه واقبلت اراعيه والقومة هي القومة وبعد كمل.... فز وتطرق رطيبه قلت ماعنه بالم شيحه وريحانه وقيصومه هاه ولميته؟؟ صد وتلعثم هديله في برد سنه ياقوم ذا النور يوم انكت ياقومه الله على الاحساس يامساعد صح؟؟ لحظة باذخة تذبحك بإحساسها كنها تبعدك عني وهي تقترب طيب وش قلت انت بهاك اللحظة؟ قلت انورت كل الدروب السمر والعيد جا يمشي على الجـره الليلة ليلة مـن ليالـي العمـر واحلى ليالي العمـر بالمـرة قالت غيابك وانتظارك جمـر وابطـت تعاتبنـي وتتشـره وش رديت عليها؟ قلت ابشري والرمش يامر امر يالـول وجدانـي ويــا دره والي جمعنا ياانتظـار العمـر مااعـود هالفرقـا ولامـره طيب دام حصل بينكم لقاء ليش تقول : كان الرجا في شوفتك يوم فرقاك الله يجيب موادعك لأجل أشوفك أأأأف منكم ؟ على كثر الكلام وكثر غيضي مانويت ابوح عساها ماتعود الكلمتين الـي علـى بالـي اووووووووه جت عسى ماهلا لا بس سمعت طراطيش من كلامك وودي اسأل مساعد منهي الي انت قلت فيها (( ثوبها من رذاذ وشالها من قصب)) هذي ياحنان طفلة ترسم الغيمـة بكراسهـا ترسم النجمة الي غافية بالهدب طفلة؟؟ اجل ماعندك سالفة الأطفال حركاتهم غريبة ممكن انت تتحملها؟ خلها تقلب ايامي على راسها ليتها ماتمل ولايجيها تعـب طيب ليش كل هذا؟ لان (( القصايد تبي دافع قوي وسبب )) خلاص حنان عطينا فرصة اصبر دقيقة هذيان عندي سؤال واحد بس مساعد انت تقول (( الحب ماهو كل شي الياوقف حظن بخيل))..ليش؟ لأنك وأنتي بمتناول يدي تبديـن مثـل المستحيـل في عشرتك صوت العقل يقتل طموح العاطفة بس يامساعد انا؟ لا ياحنان لاتكملين من غير ليه استسلمي واستلهمي صبرن جميل ولاتسأليني وش جرى مالك بطـول السالفـة خلاص ماني مكمله خل هذيان يكمل مساعد انت تقول : من شرب من كف غيره ماروى لعن ابو كف عن المدة قصيـر فعلا ياهذيان بس لاتعاتب ويش أسوي يا خوي لاقرار ولاخيار ولامصيـر طيب يامساعد : العنود اللي مساء البارح وانا سيد سهرهـا أقبلت مثل البياض وودعت مثـل برديـة المساء ضج بسوالف عطرها وأشعل سفرها والعروق اللي روت مسيرها خضر ونديـة لو ما وفق الله واجتمعت بها لو مثلا ما وافقوا أهلها أو الوالد مثلا قالك لااااااا وش بيكون ردك؟ بأقول له : آمر وتحت أمرك تهون المطاليب انخى وتلقانـي قريـب موالـي شلون شلون شلون يعني بتتخلى عن حبك عشان أبوك يامساعد؟ طيب ليش تقول ؟ والله لأحبه ولو حظي وقف دونه مافيه قوة تصد الحـب بالقـوة؟ هذا ابوي ياحنان وانا تحت امره وبأقول له : ياابوي لا يلحقك شـك ولاريـب انفض هجوسك وارفع الراس عالي وعادي ينجرح قلبك؟ ينجرح قلب.. لكن ترتفع هامـه والله اني لأموت ولا انحنى راسي وربي بي ضحكت على موقفك يامساعد هاتها يا بعد عمـري بعـد ناسهـا ضحكتن ماربت بشفاك ماتنحسب... وربي متناقض بس بأسألك تقول : كيف أطفي الريح بثيابك , وكيف أشعلك كيف أتنثر على جمرك , وكيف أحتويك بديت ها لقصيدة بسؤال ومااتوقع انك تبي له إجابة صح ؟ على كثر الكلام وكثر ما قبل الكلام جروح سكت وما لقيت الكلمتين الي علـي بالـي طيب مساعد انت تقول : ردي سلام النحيل لفيّه العكـش قولي هلا مرحبا أو قولي اية شي وتقول : أنا اشهد يا لعيون المرجهنة غير أجيك أقصاي نحيل طاولته أجيـال همـه وانتخـى فيهـا وتقول :: يوم تضحك لي عيونك عيونك وش تبي كم لها تشرب نحولي ولا هـي راويـة وبعد تقول : كنت أنا الصدر الحنون المحتوي وكنت انا لاحساسهم سلك الحرير وصرت أنا هاك النحيل المنطوي تلهث أنفاسـي ورا حلـم كبيـر وش قصتك انت والنحول؟ عين تشربك شوف وعين تظماك لا ذبحني ظمـاك ولا رويتـك صراحة ضيعتني يامساعد نحول والا ظمأ والا عطش والا والا؟ يوم تضحك لي عيونك عيونك وش تبي؟ كم لها تشرب نحولـي ولاهـي راويـة طيب ها لظمأ وشو منه؟ من غدت همي وانا مالي ديار الا ديرها جالها بين الظلوع الظامية روحة وجية لهالهدرجة يامساعد؟ يا صاحبي عطشان عطشان لك حيل مظمي وهمال السهـر مـا قويتـه بس عيبك ما تعرف تعبر أو يمكن ماعندك إحساس صح؟ حبيبي وكل الله لا تحسب اني بليـد شعـور لو انت المستحيل الصعب ماابدي لك معاذيري بس انت تقول : وصلت آخر مداي وقلت لك خلك على مركاك لو إن الموت كاسك باشربه يا حضرة الساقي معناها خلاص يأست؟ مادام فيني نفس يذري وفيني طموح باب وراه اعتزازي طارقه طارقـه طيب وش يخوف مساعد الرشيدي؟ تخوفني مشاوير الطريق المظلم المهجور وانا لامن ذكرتك قلت طولي يا مشاويري مساعد الشاعر سعود الفهد يقول : صبري على اللي جرحني ما يعذربني تحشم احثال العرب من شأن طيبهـا انت وش تقول ؟ نكبر عن الطفسة ونجزع من الضيم ونموت ماناطى شليـل الفضيحـة لا فهمتني غلط يامساعد بس ياحنان سادت مفاهيم وبادت مفاهيـم ويح الزمن يابنت الاجواد ويحه ابرجع لسيف العشق يامساعد برايك صحيح مايقتل؟ مدري حرام الموت بين يدبك والاحلال لكني ادري ليه انا احبك ولااشـاورك اهااااا يعني مايقتل ومامت ؟ في طريق كنه الموت ولحالي وحيد واتغنى بالمقابيل واخطـب ودهـا طيب وش صار مت ما مت؟ والله اني مااتنازل ولي راس عنيد لين اداعب غرة الشمس والثم خدها وقدرت اوانهزمت اعترف طيب.. ياابن الحلال انت وش تبغى بهالدمعه بتموت ماشفت دمعه ذل من عينـي لاوربي ماقصدي كذا بأشوف وش سويت؟ التجارب علمتنا وصمينـا الـدروس نعرف النفس المريضة ونعرف طبها < << الصفحه الثانيه مباشره < < انزل الموضوع الأصلي: الشاعر مساعد الرشيدي وحنان..وما حدث خلف الكواليس | | الكاتب: محمد الراشد | | المصدر: شبكة بني عبس
آخر تعديل بواسطة المر العذب ، 05-03-2010 الساعة 01:04 PM.
|
|
|
لا مو كذا آآآآآسفة ياابوفيصل والله ماقصدي ادخل بخصوصيات و ..... بس ياحنان لاللندم.....لاللعتب او شي من هذا القبيل وانتي ماجاء منك خطا حتى تقولي آسفة أجل دامك تشوف اني مااخطيت خل اوسع وجهي حبتين واتهمك بالسرقة علنا أثبتي ياحنان؟ انت تقول : حلفت لا مااقولها لك وانا حي الا اذا قلت انسني اقولـك لا وشاعر عربي قديم يقول : ماقال:لا قط الا في تشهده لولا التشهد لكانت لاؤه نعم يلا انفي التهمة او اثبتها انا من قصيدي لاحشا مانفضت يدي ولامر يـوم واخذلتنـي طواريقـه ايه ماهي مشكلة بس ليش تسرق؟ خلص مخزونك يعني ماعند افكار او خلاص راحت عليك؟ ياقصيدي كان الاشعار سادات وعبيد والله انك من بحور عريـب جدهـا ماتقاود مهرة الحرف للقلـب البليـد ياقصيدي خذ رسنها وخلـك قدهـا طيب بأسوي نفسة مقتنعه وبأغير السؤال : مساعد واصدقاؤه شلون العلاقة بينكم؟ انا من الي مايخـون الصديـق يوم ان ولد اللاش خان بصاحبه كفو....مساعد ضيدان قال : قولوا هيا واقول لبيه...لبيـه ايلين تغرق غرتي من دموعي طبعا عارف منهي هيا( هيا بنت ضيدان بن قضعان ) مساعد وش قال عن ريناد ؟ طلي وهلي على صدر البحر حطك وش تالي اخبار ريحانك ورينادك ابوفيصل ابرجع للحب لو حبيبتك شكت فيك وبحبك لهاوش بتقول ريح ملايكتك ولاتقلق جهدك والله لاقبلـك ولابعـدك ولا مساعد كثر الكلام الحاقدين عنا كسعوديين وخاصة بعد الاحداث الي صارت وُجنس الارهاب بجنسية سعودية واصبح السعودي منبوذ دوليا وحاولوا تفريق صفنا بكلامهم واتهمنا بتهم نحن منها براء منها الخيانةونقض العهد و و ماتكلمت عنا بقصيدك ولاقلت شي ليش؟ لاياحنان انا الي قلت : سعوديين لامسنا مفاريع الكواكب لمس = وطناقبلة الدنيا وتاج العز والغره سعوديين ماخذينا الريادة بالحكي والهلس = تعدى قرن ماخنا مبادينا ولامره وحنااليوم ولباكروحفاظ العهود من امس = نجدد رحلة العز التليد ونرجع الكره ولايمكن تفرق صفنا حيلة خدوع ونمس = نشوف الموت من شان الوطن بالدرب ونمره عليه الله اكبر كل شيطان مريد ونجس = عليه الله اكبر لين حتى ينطفي شره صح لسانك عز الله ماقصرت الحين ودي اسألك عن الرديات والمحاورات لك فيها؟ لي بس قليل مع ضيدان بن قضعان وفيه ردية ساخرة بيني وبين بناخيك عطا الله بن فرحان ودك تسمعينها؟ والله ياليت . طيب انتي عارفة اني اهلاوي ياحنون؟ يله اسمعي وش قال ولد عمك ؟ يلي لقبك ( الزعيم ) وتعشق الاهلي وحنا نحسبك هلالي مدري نصراوي على مهل قذلتك والا علـى مهلـي ونحب جدة مدام مساعـد اهـلاوي على فكرة حنون ( على مهل قذلتك ) وحدة من قصايدي.. اسمعي ردي عليه : احب الاخضر لأن العشب يشبـه لـه واعشق عطا الله عرباوي والا قدساوي رسايلهـا كنهـا الهـتـان تندهـلـه والعشب لو المطر يصبح وهـو ذاوي اقول وماتزعل ؟ افاااا ياحنون : ان طلبت الغلا قلت : الغلا جاك وان سكنت الخفوق البيت بيتـك لا مابي غلا ولابي احبك ولاشي بس بأقولك هالمحاورة ماجازت لي اطلااااااااااااااقا عسى ماانتي رجايه يابروقن في سماي تلوح يشرهبني رعدهاوالضما بالصـدر همالـي مساعد لك بيت تقول به : قال : يابويه وهو ماهو حجازي قلت : وابويااااه من قلبن تلوفه وش قصدت؟تستهزئ والا كيف ول لاعادت طواريك ياليل الهجـاد من هنا كنت احتريها وجتني من هنا تراي فاهمة .....يعني ماتوقعت اني انا الي اهاجمك واناقشك قلت هذي بنت الخوف من هذيان وراع الفرس صح؟ اقول حنان : البنادم لاتعافى على كفه يبـوس وش يبي بأعرض الاجواد يسبها انا ماسبيت احد ودامك تبيها بالشعر اسمع ياابو فيصل : لايحسب ان المراجل تجي درباي روس ينتبه من جمـرة النـار لايلعـب بهـا طيب ياحنان : اذا ماارضى غرورك لاكتبتك تنكسر يمناي وربك ماتخون القوس هقوة كـف باريهـا اقول ابو فيصل وش رايك نسوي هدنة بيني وبينك وابدأ أسأل اسئلة محترمة شوي؟ لاعاد تنشد مابقى عندي علوم كل العلوم المبطيات تخبرهـا اسئلة بسيطة وماتزعل يعني كأنا نلعب بس بطريقة سين وجيم تراي انا مليتها لعبة النار مااحد لعبها قبلنا واستفادي شكلك زعلت علي أجل بأسكت وبأتسمع لكلامك مع راعي الفرس أحسن اسكتي بس اخاف انت الي تكلمني؟ من رد للجنة عقب صالي النار حتى السموم يصير عنده برادي انا ماصدقت افتك منك ابوفيصل خلك منها وخلك معي انا طيب راع الفرس : بس لاتجرح وقاري واعتزازه من بغى فرقاي عيني لاتشوفه لاوش دعوة يامساعد لاعاش من يجرحك حنا نبي نسولف ماعليك من هالخبلة انت تخبر الحريم ناقصات عقل ودين: انا بأسألك يابوفيصل عن الجنادرية تضمنت نشاطات المهرجان الوطني السادس عشر للتراث والثقافة الذي افتتح في 22/10 /1421_هـ أوبريت غنائيً من كلماتك وألحان الفنان رابح صقر وشارك في أدائه لأول مرة عدد من الفنانين من دول مجلس التعاون لدول الخليج العربية وهم أحمد الجميري من البحرين ومحمد المازم من الإمارات ومحمد المسباح من الكويت وناصر صالح من قطر وسالم بن علي من عمان إلى جانب الفنانين السعوديين محمد عبده وعبدالمجيد عبدالله ورابح صقر معنى هالشي انك اصبحت شاعر الوطن وخليفة خلف العتيبي وش تقول؟ ابشعلها قصيد من اول الدنيا الى دنيـاك تهب مع الهبوب لياندهتك جذوة اوراقي وابنظمها قلايد لين تقدح بالسماطريـاك مادامي شاعرك ليه الظلام يرف بأحداقي يلعن ام الغرور يعني قصدك بتسحب البساط من تحت خلف العتيبي؟ في زمان كنه البرد شبيت القصيد قلت ابدفى والليالي تموت ببردها طيب علمني وش ببالك الحين؟ في البال اغاني وخلان ومواعيد قل لليالي تسولف لـي وعدهـا مساعد خلك معي انا شوي هلا هذيان معك كتبت قصايد بنجد و بحايل وبأبها والسودة وبالجوف ومدحت بني عبس انت ليه تبي تتميز انت وقبيلتك على حساب الغير؟ تتذكر يوم قلت (( حنا طنايا عبس؟)) هذا سطو علني على السناعيس وبعدين ليش تقسم المناطق وتتحيز لمدينة عن الثانية كلنا بلد واحد؟ مدحي لربعـي مايـذم الاكاريـم ولايستشـك الاخبيـث الشريحـة والشر من جية ( معزي ) وهو نيم واليوم وحدة والشريعـة سميحـة اقول حنان تعالي إسألي انتي وربي ابرك من هالاسئلة؟ شفت انك رجعت تدورني؟ يابنت تو الهوى ماصرت انا خلك للحين مازالت الصورة رماديـة الحين من جاب طاري الغلا ومن قالك اني ابيك اصلا؟ ليه امشي الدري دامه مايوصل لك تخاف رمضى الضياع اقدام رجليه اقول مساعد : شبيك لبيـك قلـب العبـدلله بين اصبعينك إذا خاتم ومارد قبل انسى المنتخب السعودي ماذا تقول له؟ أقدم أقدم ياالسعودي ودافع عن شعارك بالعزيمة يقرب المجد ويهون الصعب طيب ياابو فيصل انت تقول : انت ماشفت رقص (( الخيزران )) وانت ماشفت ضحـك السوسنـة ليش انت شايف رقص الخيزران وضحك السوسنة؟ لا ياحنان بس هذا : حلم البنفسج رذاذ وهب له نوبه ذعذاعة مايبل الكبد ماطرهـا ابو فيصل تقول : انا وسيع بطان راهي مطاليب مااضيق لوشانت نوايا دروبي وترجع تقول : الليالي تلوي ذراعـي لـوي والرفيق السيف يغريه الجفير والضياع بسكتي يدوي دوي اتصفق لاسراب ولاغديـر؟ ايه ياحنان كل يوم اقول باكـر تستـوي وخاب ظني بالزمان وبالنصير طيب مساعد ليش انت متردد؟ اثبتي ياحنان شف انت تقول : واليا لفحك القيظ بأطراف الاجفان خذ نصف قلبي....لاخذ القلب كله اكيد ياحنان كلك تعالي غلا والا ارجعي كلك بعض الغلا منك مايستاهل الجية طيب ليش تقول : حزين من الشتا والا حزين من الظما ياطير دخيل الريشتين الي تضفك حل عن عينـي لان؟ اناماني بخير وجيت يمي وانت ماانت بخير واناياطير في من الهجـاد الـي مكفينـي لاعاد مو كذا يامساعد وسع صدرك اضحك ترى ماتسوى الله على الضحكة نهار المواصيل هاك النهار الي بعمـري فديتـه مساعد ماودك اني امشي؟ مرات تقفي واقول فراقها عيد ومرات تقبل نكد واعشق نكدها حلو يعني ماانت زعلان مني ولا متضايق....اجل خلني اودعك قبل اخربها بسؤال مني او من الحبايب الي معي بس وش ودك تقول في نهاية هالمطاف؟ آخر عباراتي وداع آخر مشاويري رحيل جيتك وكبدي ناشفة واقفيت كبدي ناشفة افاااااااا ليش؟ تعبت من القصيد...من الجروح من انتظار طال تعبت استقبل طعون الزمان واربت على كتفـه وليش يامساعد وش ذنبك الي جنيته؟ ماهوبـذنب الوفا والنية البيضا وطيب الـروح الى من صافحت كف الردى في بعض الاحوالي بس يامساعد من عجز لايدوس الهم بأقدامه لازم انه مع الايـام ينداسـي ايه ياحنان ويمكن ؟ يندمل جرح قلب.....ماتت احلامه بس مااظن يبرا جرح الاحساسـي صح لسانك ياابو فيصل اجل بأودعك الحين والى لقاء آخر عذب السجايا وعوده بأول الكنه متى تزين السوالف وىخذ علومه محبكم محمد الراشد
وانتظروا الجزء الثاني
|
|
|
موضوع جميل جداً اشتمل على مقتطفات من شعر أبو فيصل
لكن ما لم أفهمه ما هي قصة حنان؟
آخر تعديل بواسطة المر العذب ، 05-03-2010 الساعة 01:06 PM.
|
|
|
|
|
صح لسآنه وإعتلاء شانه زعيم الشعر
طرح غاية في الجمال والروعه كل الشكر محمد على طرحك الوافي
|
|
|
محمد جدا ابدعت في هذا المتصفح
ومجهود تشكر عليه لاكن تمنيت لو ذكرت تفاصيل اكثر عن حنان وإخوتها ؟ الف شكرا لكـ يامبدع
آخر تعديل بواسطة المر العذب ، 05-03-2010 الساعة 01:07 PM.
|
|
|
تسلم اخوووووووووي محمد الراشد على الموضوع الرائع
تقبل مروري اخوووي الكريم الهدووووووووء طبعي
آخر تعديل بواسطة الهدوء طبعي ، 04-03-2010 الساعة 11:25 PM.
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| مرثية الشاعر محمد الجفال في الشاعر مساعد الأسود رحمه الله أداء عبدالهادي الرشيدي | هاوي شيلات | قسم القصائد الصوتية | 5 | 19-09-2012 04:11 AM |
| الشاعر (مساعد الرشيدي)::. | ذيب المناخ | قسم الشاعر (مساعد الرشيدي) | 28 | 09-01-2009 07:11 PM |
| الشاعر (مساعد الرشيدي)::. | ذيب المناخ | قسم الشاعر (مساعد الرشيدي) | 15 | 28-10-2008 08:13 PM |
| الشاعر :: مساعد الرشيدي | ذيب المناخ | قسم الشاعر (مساعد الرشيدي) | 2 | 21-08-2008 05:52 PM |
| الشاعر (مساعد الرشيدي)::. | ذيب المناخ | قسم الشاعر (مساعد الرشيدي) | 3 | 19-08-2008 11:21 PM |
الساعة الآن +4: 11:37 PM.
جميع الحقوق محفوظة شبكة بني عبس
