[راعي البلها]

السلام عليكم ورحمة الله وبركاته

اخواني واخواتي في منتديات عنترة بن شداد
اقدم هذه القصيده وهي من القصايد المشهوره لشاعر عبدالله بن باتل(البحر الميت)

سر ياقلم مالي على الصبر طاقه=صبراً تعدى الحد ماعاد ينطاق
أكتب لمثلي قصته وأشتياقه= بخطك الواضح على بيض الاوراق
قصة حزين(ن) صافي المر ذاقه=وليا ذكر ماصار له خاطره ضاق
باقوبه الاصحاب والوقت باقه = اصبح ضحيه بين بايق وبواق
يمشي وهو ماحس في كسر ساقه= أمسى على ساقين وأصبح على ساق
وهاذي سوات الوقت شين اصطفاقه=الوقت لو يصفيلك أيام دراق
ان شان قطع عنك كل العلاقه=وان زان خلالك مع الناس عشاق
ومن شان معه الوقت قلو ارفاقه=وراحت حياته كلها هم واقلاق
والله خلق خلق يحب اللباقه= كما خلق له خلق ماعندها اخلاق
أحد يعيش بخير وأحد بنفاقه=وأحد يعيق ايام وايام ينعاق
وأحدٍ معه حكمه وصبر ورواقه=سبحان من هو للمخاليق خلاق
لكن يامن معك عقل ووثاقه =ابنصحك كانك للامثال تشتاق
لاتنخدع بأهل العلوم الرقاقه = اللي سوالفهم توهق توهاق
صــادق رجالٍ يعرفون الصداقه=يقفون صفك يوم يبسات الارياق
من رغب في فرقاك فأرغب فراقه=جاز الذي يجزيك بفراق بفراق
وتعلم التعشيق قبل السواقه=لاتحسب انك بالدرقسون سواق
ورزقك يجيك بدون تحضر بطاقه=عندالله المعبود تقسيم الارزاق
يــــقــــولها اللي جاير الوقت عاقه=ولازال في غيبوبة الهم مافاق
من أنعزاقه باديٍ بإنعزاقه=واللي يوده صار شوفه بالاشفاق
ولاقال هذا القول قصده طفاقه= ماقال هذا غير من نار الاشواق

وسلامتكم

الموضوع الأصلي: ســــر ياقلم لعبدالله باتل | | الكاتب: راعي البلها | | المصدر: شبكة بني عبس

[محمد بن نفوع النامي]

شكرا راعي البلها علي ونرجو المزيد من شعر الاخ ابو باتل لحيث انه فيه قصايد غير مشهوره علي لســــــــــاحه
اخوك ///////////صباح النامي من ينبع//////////

[صالح سعود]

الاخ الغالي - راعي البلها



صح لسان البحر الميت


وسلمت يداك على هذا النقل


تقبل تقديري الخالص

[وحيدالطعس]

صح لسان قايل هذه الأبيات
وشكرا" لك على النقل

[مرضي الداموك]

صح لسان الشاعر عبدالله بن باتل


ولاهنت على هذا النقل ياراعي البلها


تقبل تقديري

[الجـــــادل]

صح لسان الشاعر عبدالله بن باتل


ولاهنت أخوي راعي البلها على النقل الموفق

تقبل تحيتي

أختك الجادل

[صوت البدر]

صح لسان قايل هذه الأبيات
وشكرا" لك على النقل

[سلطان]

صح لسانك ولسان الشاعر ابن باتل