[ابوعقآب الخرصي]

السلام عليكم ورحمة الله وبركاته





هاض الضمير وقلت بعض التعابير

من هاجس ٍ زين المثايل قصدهـا

ماني موجه ماطرالي على الغيـر

وربعي نهار الضيق كلن حمدهـا

لي لابةٍ تبيـن وقـت المعاسيـر

مثل الحرار اللي ينومس هددهـا

الكل منهم مايجـي منـه تقصيـر

عزالجماعه في اللـزوم وسندهـا

بني رشيـد منزحيـن الطوابيـر

اللابـه اللـي ماتخـون بعهدهـا

ريف الطروش ليا لفتهم خطاطيـر

وعز الرفيق وعز منـو قصدهـا

ربعي نهار الضيق ربعن مناعيـر

كم فزعةٍ بالضيـق بيّـن سعدهـا

هل فزعةٍ تبعـد جميـع التفاكيـر

ولاتلحق القلب الحسوفـه بعدهـا

حنا مع اهل الدرب مانخلف السير

لونجتهد تبقـا الصداقـه وحدهـا

نذكر هل المعروف والطيب بالخير

وقفة هل المعروف محدن جحدهـا

وربعي ارجالن ماتجيب المعاذيـر

في عزم نفسـن ماتـردا جهدهـا

ومن قام فالماجوب من غير تقصير

لاينثني يـوم الطويلـه صعدهـا

وان حالت الاسباب هي والمقادير

محدن يتـل اللـي يبيهـا بيدهـا

والعاقل اللي ياخذ الشور ويشيـر

خـلا سبيـل المقفيـه ماطردهـا

كلـن يبـي والله عليـه التدابيـر

سبحان ربٍ كـل خلقـه رصدهـا

ومن عاش بالدنيا يعرف المعابيـر

ويجهل بها كان العرب مانشدهـا

تقبـل لياليهـا ونوبـن مدابـيـر

ومن خالف الايـام نفسـه قردهـا

دنياه مادامـت لناسـن مشاهيـر

كلن يمـوت وغايتـه ماوجدهـا

وحنا بنعمـه والدعـاوي تياسيـر

بلادنـا كلـن عليـنـا حسـدهـا

الشعب عايش في معـزه وتقديـر

وكلن بنـوْ الخيـر نـاره وقدهـا

وعلى العدود الناس ورد ومصادير

بأمن وسلامه من بغاهـا وردهـا

بلادنـا حنـا عليهـا نواطـيـر


وفيها نضد اللـي حبالـه عقدهـا

يالله عسا تدوم مـن غيـر تغييـر

ولعلهـا فـي زود محـدن فقدهـا

وعلى النبي عداد ماغـرد الطيـر

صلاة ربٍ كـل مسلـم سجدهـا

الموضوع الأصلي: بنـي رشـيد. . . للشاعر شبيب جعيلان الدقباسي | | الكاتب: ابوعقآب الخرصي | | المصدر: شبكة بني عبس

[مسندالعويمري]

صح السان شاعرها شبيب جعيلان الدقباسي

ومشكوررر اخوي ابوعقاب على نقل هذه القصيده الجزله


تقبل تحياتي

[سالم الزير]

وعلى العدود الناس ورد ومصادير

بأمن وسلامه من بغاهـا وردهـا


ياسلام صح اللسان الشاعر

[مرزوق العجوني]

صح لسان الشاعر شبيب وسلمت يمينك على نقلها لنا يابو عقاب

[سعودالرشيدي]

مشكور يابو عقاب على القصيده الرائعه

[عبدالعزيز بن شري]

صح السان شاعرها شبيب جعيلان الدقباسي

ومشكوررر اخوي ابوعقاب على نقل هذه القصيده الجزله

[ابوعقآب الخرصي]

العفوو و و و و و و و وو و و و و وو و و و و وو و و و


شكراً لك اخي الكريم

[العبسي سبع]

صح لسانه و الله يعطيك العافيه وشكرا