[مسعود الرشيدي]

يادفتر الشعر وقف في قوافينا=سجل على صفحة التاريخ وأمجاده
عادتك يالشعر لاقمنا تحيينا=ومثلك لنا من حضوره صدق ميعاده
حنا بني عبس يشهد مجد ماضينا=بني رشيد الوفا في فعلنا عاده
في حاضر الوقت تزهى الرايه ايدينا=والطيب بأفعالنا صدره وميراده
نارد حياض المنايا لاتعزوينا=لاقام شر الملاقى يقدح زناده
رفيقنا عنه مايوم(ن) تخلينا=أهم ماعندنا راحته وسعاده
ودخيلنا لازبنا عنه عدينا=عنه الخطر واهتنى في لذة رقاده
والجار ماكنه إلا منا وفينا=لوكادنا الوقت جار البيت ماكاده
وِان ضافنا الضيف رحبنا وهلينا=له من كرم طيبنا مايسعد فواده
ولاالعدو وعذاب اللي يعادينا=يبشر بليل(ن) طويل(ن) يوجع سهاده
ولاقول ربي وحدنا بس معطينا= على جميع الحمايل نوف وزياده
لكن لنا مع هل المبدا مبادينا=خيل(ن)وجيش(ن)وفعل رجال وسياده
قسم(ن) لنا ماخذينه في يمانينا=حفيدنا به يعيد الفخر لاجداده
مجد(ن)جمعنا بفعله دنيآودينا=سلم(ن)وعلم(ن)وجود ودين وعباده
ولاجحد حقوق القبايل من حوالينا=بكل القبايل أسود رجال(ن) وساده
واليوم في نعمة الحاضر تساوينا=في ضل حكم الشيوخ اللي لنا قاده
وخيرة جيوش(ن)عن العدوان تحمينا=ودول عدل(ن)تصون الشعب وأفراده
نعمة اسلام وسلام(ن)به تسامينا=وصرنا بعصر الحضارة نصف رواده
الله بعزه يزيد بعز والينا=القايد اللي بحكمه عزنا قاده
وأخر كلامي على المختار صلينا=على نبي تبعنا بالهدى رشاده

الموضوع الأصلي: ((حنا بني عبس يشهد مجد ماضينا)) | | الكاتب: مسعود الرشيدي | | المصدر: شبكة بني عبس

[مرزوق العجوني]

صح لساااانك مليوووون يامسعود ولا هنت على الرائعه وننتظر جديدك

[بحــ الخليج ــر]

صح لساااانك مليوووون يامسعود ولا هنت على الرائعه وننتظر جديدك

[ولد عبس الرشيدي]

صح لسانك على هالقصيده

وتقبل مروري واعجابي

والله يعطيك العافيه

[مسعود الرشيدي]

اخي الكريم مرزوق العجوني

اهلا وسهلا

ويشرفني ويسعدني مرور حرفك الراقي

و دام تواجدك

واشكرك على مرور قلمك العطر واتواجدك المثمر والمميز في في شبكة بني عبس

وصح بدنك

وتقبل منـــــــي فأأأأيق الاحــــــترام

[ابراهيم الرشيدي]

صح لساااانك مليوووون يامسعود ولا هنت على الرائعه وننتظر جديدك

[حمدى معلث]

الشاعر مسعد الرشيدي



صح السانك قصيده جزله من شاعر جزل




تقبل تحياتي وتقديري



أخوك أبو مشارى

[مسعود الرشيدي]

اخي الكريم بحر الخليج



اهلا وسهلا

ويشرفني ويسعدني مرور حرفك الراقي



و دام تواجدك



واشكرك على مرور قلمك العطر واتواجدك المثمر والمميز في في شبكة بني عبس



وصح بدنك



وتقبل منـــــــي فأأأأيق الاحــــــترام