[(*العرعري*)]

ياهل الـهـروج الـعـرج لو تمشي العرج
خـطـوه وراء عـن خـطـوةً للأمامي


الصمت في بعض المجالس عنالهرج
يسوى مائة كلمه من أغلا الكلامي

[زهو الايام]

يا وسع صدري مير للضيق مرهـون
وأن ما توسّع كلّـه .. يضيـق كلّـه

أحيان أجامل وأترك السـدّ مدفـون
وأضحك ما بين الخطّـر المسفهلّـه

وأحيان أجي مشحون وأروح مشحون
وأقول مـن يعقـد حجاجـي يفلّـه

ثلاث تحكمني ولا قلـت وش لـون
المعـرفـه والعاطـفـه والجبـلّـه

العقل صاحي لكـن القلـب مجنـون
والكـل منهـم نظـرتـه مستقـلّـه

[(*العرعري*)]

كل ماقفيت ناداني تعال ......وكل مااقبلت عزم بالرحيل
الحقيقه غدت مثل الخيال.....هو عدوي وهو أوفى خليل

[مرزوق العجوني]

يسعد صباحي دام صوتكـ صباحي
أحلى صباح اللي يجي فيه صوتك
لبـا نعـومة بحتك وانت صاحي
لبـا صبـاح الخير مابين تـوتك
قـل للعذوبهـ فيكـ تطلق سـراحي
وانت اللي خابرني اضيع بسكوتكـ ..!

[حنان الرشيدي]

خلوه دامه راح لا تنشدونه
خلوه يبعد لا تجيبون طاريه

[وحيد]

لا تقرأي الفنجان و بروجـه

و أطفي سنا المكياج و الروجه

قلبي شهد نبضه علـى حبـك

ولْك الغرف بالقلب مهجوجـه

سبحان من صورك يالعـذرا

وجهك بدر و العين مدعوجـه

والخصر ملهوف كمـا الدلـه

ممشوقـة بالوسـط مبعوجـه

ونهـودك أكـواب مكفـاتـي

فوق أضلعٍ بالصدر منفوجـه

صدر من البقـلاوه و حالـي

زدتي حلاه بضحك و غنوجه

ليل الشتاء يدفا مـن أنفاسـك

الي بريـح الـورد ممزوجـه

ولا عاد أبـي ضـوّ تدفينـي

عن زمهرير الشام و ثلوجـه

وأنسى جميع الناس وهمومـي

والعاذل الـي سـمّ هروجـه

في غفلـة صادتنـي شباكـك

و خيوطهـا بالقـز منسوجـه

في روضة الغزلان و الريمي

بين البحر و السهل و مروجه

والكايده بعدك عقـب قربـك

و النفس من فرقاك مزعوجـه

[محمدالذيابي]

ياكبر جرح الزمان وياثقل دمه !

وياشين فقد اللي غيابه يشغل البالي ..!

من غاب عني وقلبي شايل همه !

ودي اسولفـ معه وأشوفه إقبالي !

فيني من الحزن مايصعب علي لمه !

وشلون أبفرح وأنا مشتاق للغالي ... !!

[وحيد]

طيب تعال مد كفك وسلم
اخطيت صح اخطيت لكني اغليك
تصدق اني ماعرفت اتكلم
وان الحكي لو اجمعه ما يكفيك
من شفت زولك قلت ياربي سلم
عز الله اني بعدها رايح فيك
اقوم واقعد والتفت واتولم
طيرت عقلي من عقب ليلتك ذيك
يلي عيونك من تخزه يبلم
يركض يبي قربك وفجأه يعديك
مثل الذي يحلم ولا هو يحلم
يذوب في عطرك وكحلك وباقيك