[سعد بن عادي]

التزام الصمت بعض احيان .. ماله داعي
اشهد انْه يثوّر اعصابي .. ويحرق دمي

وانت ياللي فيك احس .. بقمّة استمتاعي
لا تضايق .. لو اذوّب كلمتي في فمـي

والله انك يا غذى روحي .. وسر ابداعي
محتويني بالغلا .. من كمي اليا كمـي!

[سعد بن عادي]

*


*


يا ذربة الطبـع هـذا وش تسمّينـه ؟
غموض رغباتك .. وسلاسة إعجابي !

رايي بمجمـل تفاصيلـك .. تعرفينـه
ومن جابك الحظ وأنـا فاتـح أبوابـي

أعشّـم القلـب فـي جيّـة محبّينـه
وإن صار ما صار كتم إحساسي أولابي

قولي لعذب الشعـور اللـي تقولينـه
وراه مـا يطلـع ألا حـزّة غيابـي ؟

[سعد بن عادي]

عند رحيلك ..
احسست بمرارة الانكسار
وبحجم الفراغ الذي احدث بي هذا الانهيار
يا والدي ...
عند رحيلك .. انفتحت في حياتي جميع الابواب
التي كانت في وجودك موصدة
وتوارت خلف احزاني الافراح


انتهى

وكلي في غيابك ( غصة حزن )

[سعد بن عادي]

*

*

يا مرحبا بالرضا والحب والطيبـه
بعد التعب والهجر والجرح وضماده

تعالـي أسمّعـك قصايـد الغيبـه
يا شوق نبض القصيد وغاية مراده

أنتي بلد ناقصهْ شاعر يغنّـي بـه
وأنا قصيدٍ فقـدَ شاعـرهْ وبـلاده

[سعد بن عادي]

•

وشلون ماتملكين القلب .. وانتي مـلاك ؟
وشلون مانعتبر .. والحـب كلـه عبـر ؟

يا (( سيدة قلبي )) المشتاق .. يسعد مساك
راسي مشيب غلا .. ماهو مشيـب كبـر

ابعترف لك فديتـك .. واعرفـي مستـواك
صبر ؟ لا والله حشا .. ماعاد عندي صبـر

اي والله اغليـك .. والله لايبيّـن غــلاك
اللي جبرني .. على فضح المشاعر جبر !!

[سعد بن عادي]

ماخذ على خاطري من غيبتك عني
احس قلبي مزعلني من اسبابك
مدام قلبي زعل منك وزعل مني
خذني على قد قلبي وأترك غيابك

[سعد بن عادي]

اعيش عالي راس ما طحت واخنعت
عزيز جاه ووجه نفسي كريمـه..!
ابيع ذل الروح من عرض ما بعـت
واشري كرامتها بطيب وشكيمه..!
أشبع وفا للناس وأن جعت ما جعت
سندتهـا للـي يحـل العظيمـه..!
اللي لوجه قمـت ولغايتـه طعـت
ومن عقبها ذبيت راس الخريمه ..!
وطلعت مافي والج الصدر واسمعت
وطلعت من صافي بيوت يتيمـه..!
هاذي حياتي كانت للعلـم شرعـت
وهاذي مقادير الحيـاه السليمـه..!

[سعد بن عادي]

زَوج ‏​‏​‏​‏​‏​‏​‏​‏​‏​‏​يبَارك لزَوجته [سابقـاً] تطلّقت منهٌ لأنه عقيم ويرسِل لهـا بمناسبـة قـدوم مولـودها بعد مافرّقَهم القَـدر لتٌصبِح زوجَـه لغَيـرهـ

سّلامتك .. من كلّ ..شرّ و سُوء وجهاد وألم!
ومَبروك ما جاك وعسّاك بخير يا الغصن الندي

جعلك تشوفينه بعرسَه: ضَابط وشاعر علَم،
ويطلع على جدّه (أبوخالد) سّنافي وأجودي

لكنّ يا نٌورهـ أنا لي قلب جرحه ماسلم ..!
هذي سنه وأنا أنقل إحساسي على راحة يدي »!

إلين ماسَويت من نبضي وأحاسيسي قلم!!
وكتبت لك أغرَب شٌعٌور أمَر بَه من مولـدِي؛(

أنا أشهد إن حظّي ردِي وأشهد إن وقتي ظلَم!
لاصرت (أبارك) في ولد !! كنت أتمنّاه ولدَي !:'(