[وحيد]

ياقلب جيتك وإفهم العلم ياقلب
إلي تحبه يموت في حب غيرك !!

كم قلتلك ياقلب خله على جنب
يمكن مسيره ما يتفق مع مسيرك

الدرب واضح بس لا تجهل الدرب
إلي يحبك دايمٍ يستشيرك

ماهو مثل صاحبك عايش على الكذب
وإن ما كذب يموت الله يجيرك !!

تبي الصراحه مالك ومال هالقرب
ماهو كفو شرواه يصبح عشيرك

لا تحسبن السالفه كلها لعب
إصحى معي من شان يصحى ضميرك

اللي تحبه صعبه شوي ينحب
قله يروح وكثر الله خيرك

تدري وش اإلي يذبح القلب ياقلب؟؟
إنك تحب إنسان ويحب غيرك؟

[مرزوق العجوني]

ناس تجي وتروح ماهزت الروح=وناس تروح وتاخذ الروح معها

[شاعر بني عبس]

امر تدلل يابعد نور الأعيان = روحي فدالك والهوى حاجتيني
اما غرام ٍ يسكن الروح بجنان = ولا فراق ٍ يقتل العاشقيني
ان كان بفراقي الك سهم ربحان = ابعد عسى ربك ببعدك يعيني

ابيات من شرد افكاري وليدة اللحظه
> لحد يدقق عليها ترى فيني النوم\ "_" \

[وحيد]

تبغى القصيد وصاحبك جاه ماجاه=
عنده كلام ولا توفي قصيده
اللي حصل صعب علي اتناساه =
فقيدة ياكبرهــــــا من فقيده
اشكي زمان ضيع الدرب واخطاه=
واسهر ليال موحشات عديده
قلت النصيب, وجرحي الوقت يرفاه=
وادعي لخلي بالحياة السعيده
اللي يبيني يا اريش العين ابغاه=
واللي عطى صدق المشاعر بزيده
ومن يبتعد ربي يحفظه ويرعاه=
بفتح مع الاحزان صفحة جديده
وآخر كلامي كان خطي بتقراه =
اللي يبينا بالزياده نريده

[عنقود البدو]

انتا مو قد الكلام كل يوم ولك كلاام
انتا تلعب بالقلوووب انتا جاهل بالغرااام

[وريث الحزن]

يعني وعودك كلها كانت مْزاح
والاّ انت ما لك في المحبّه رغايب
وين العهود ووين لحظات الافراح
يعني تلاشت مع هبوب الهبايب

[وحيد]

الزمن لاصار ضدك واحتوى درب المصايب

.................... لاتحاول تنكســـــــــرله لاتزيد (الطين طينه)

لزمن حكمه غريبه تحـــــكم بدرب الصعايب
.................... وياكثر من ضيع الفرصه وهي فرصه ثمينه

عـــــــز نفسك في زمانك لاتقول (الحظ خايب)
.................... وسوق عمرك للمعالي واكسر النفس الحزينه

والطــــــريق اللي تشوفه يرسم لدنـــيا عجايب
.................... مـــد يدك في طريـــقه ليما تمســــــــك يـــمينه

والرفيـــــــــــق ان طال وقته لاتحاتي كل غايب
.................... حجــــــته دايم معاه ولاتقول ( فــــــلان وينه )

ولا تكــــــــــابر بالمصيبه لاحكو بأغلى الحبايب
.................... قول غــــــــالي وكل غالي ( تكرم لعينه مدينه)

والبـــــــــــلا واكبر مصيبه لاتناسوك الحبايب
.................... وصارت الدنيا ظــــــــلام وصارت الحظه حزينه

وقتها لا عاد ينفع لاعتــــــــاب ولا طــــــــــــلايب
.................... والزمن والحظ الاقشـــــــــر العنه والعن سنينه

[العريض]

ليش ماغيرت فيني شي ؟!! يوم إني ,,أهابك
ليش ماعلمتهم !! عن قصتي وتوحد,, الله

يعرفون إنك سؤال {؟} ويعرفون إني جوابك {.}
ويعرفون إني حلفت ,,ولا أعرف أغلى,, من الله !!