[العريض]

على الله يامشاوير الضياع وعثرة الاقدام

يعين الله على عوج الدروب وباقي ايامي

على الله كل ماشان الزمان وخانت الايام

على الله كل مااشوف الطريق يظيق قدامي

على الله كل ماصدري يظيق وخاطري ينظام


على الله كل ليله حزنها يعزف على انغامي

[وحيد]

الموقف اللي جر حـزن الطواريـق

لـو مايسلـي خاطـري مابديـتـه

طعنه ولكن طعنةٍ(ن) فـي المعاليـق

ماهوب جرح(ن) لاسمرنـي كويتـه

من أول اضحك لو على خاطري ضيق

واليوم ضاق الصـدر واهتـز بيتـه

حصاه طاحت من حصى قمة طويـق

من بعدهـا رجـم الغـلا مارقيتـه

انام من طول السهر وأرجـع افيـق

واجمع خواطر ليلـي اللـي سريتـه

[وحيد]

الجادل اللي يسوق القلب طاريها \\

\\\ وتسوقني مثل ماتساق البعاريني

وانا نظر عينها وان طحت بإيديها

وهي ما بين الظلوع وفي شرايني

وليتها الحكم فيني قل واليها

وايضا كسرت القواعد والقوانيني

يرعد ويبرق قصيدي فوق واديها

حتى اصبحت بين غدران وبساتيني

حتى القصيده بصوتي قمت اغنيها

ولو ان صوتي ماهو مثل المغنيني

حاديني البعد واهي الخوف حاديها

وصابر وانا جمرة الأشواق تكويني

في حبها قد عطيت القوس باريها

وسلمتها الجرح واهي اخطر سكاكيني

ومادام طعناتها في قلب غاليها

محدن بناشد وراها لو تذكيني

الورده اللي روت من فيض ساقيها

وتصدرت بالقصيد أول دواويني

ماهو بكيفي ليا من جيت ساريها

الوصل والشوق والذكرى تعنيني

يصيبها الحظ نوب ونوب يخطيها

وانا مجرد حنين الشوق يكفيني

يسعدلي ايامها ويسعد لياليها

لو ان دربي يسار ودربها يميني

[النايفه الوفيه]

الحـب ماهو بالمتاجر يباعي
مشاعر بين النفوس محكومه
ماللزعل ومعاند النفس داعي
محد على كيفه يحقق حلومه
بلهون ياراعي العيون الوساعي
لاتجرح الغالي وعقبن تلومه
إن غبت عن عيني عشقت استماعي
أحرك الهاتف وأدور علومه

[شداد المظيبري]

تدري وش اللي يقتل الحـب بسكـات
لاصرت فـي بوحـك تحـس بمذلـه


وتدري وش اللي يكسر الظهر حـزات
لامن عطيت احسـاس ماهـو محلـه


وتدري متى تستاهل الطعـن مـرات
لا من خطيت الـدرب وانتـه تدلـه


لا تتبع المقفـي علـى كـل حـالات
بعـض الوجيـه اللـي تقابلـك علـه


ولا تسال الغالي عن الجرح لا فـات
نبـش الحكـي يـزود الطيـن بلـه


طالع فمن حولـك وتاخـذ شهـادات
مانلتهـا لـو تـدرس الدهـر كلـه


ناس (ن) تجر من اسود الضيق ونات
ونـاس (ن) تقضيهـا وناسـه وفلـه


هذاك شال همـوم غيـره ولا بـات
وهذاك مايدري عـن احسـاس خلـه


احدن يهين اصلـه علـى كـل زلات
واحـدن ترومـه شيمتـه ماتـزلـه


لا تقول حظي من عنا الوقت قد مات
قل مات حـظ اللـي عنـاه استحلـه


ولا ضاقت الدنيا وعلى الكيف ما جات
اطلق حجاجك ثـم توكـل علـى الله

[عواض بن بهلان]

ماني بميـت لا تخليـت عنـي=الناس واجد وانت واحد من الناس

[ذيبان الرشيدي]

عرفتلي من مر الايام ثنتين = وجعلتهن .. للغير عقبي علامه
الحر مايدرج كسير الجناحين = والا الرخم .. يدرج جويع النعامه

لــ ذيبان

[وحيد]

ضميتك بعد طولت الغياب ولا غفت لـي عيـن

وانا لو أنت بحري واشربك ماأظـن تروينـي

انا ماعاتبك ليش الجفاء لأنـي اعرفـك زيـن

لكني لاكتبـت الشعـر فـي مثلـك يسلينـي

ادور لك عذر بين الظروف وسجـة الساليـن

وادله خاطري في كـل لحظـة بينـك وبينـي