[شاعر الصعاليك]

ما بين شيخ ٍ يلبس الاحرامي = وما بين شيخ ٍ نيته غاياته
الله فرقنا ابصمة الابهامي = وكل ٍ يوثق جملة بأبياته
اللي يدور عيشة الايتامي = يبقى العمر مرهون في سياته
واللي يهيم بوادي الهيامي = ماله سلامه من غدر حياته
يا مهاجر ٍ في سنة الاسلامي = كل ٍ يجازا في عمل نياته

[ابوتوتو]

مدامه شريف والقصد شريف لا مانع
كم واحد تزوج من المنتديات وجاب اعيال
وعاش حياته احسن من اللي متزوج بنت عمه
كل يوم وهي نقره وطلايب ودني اهلي ههههه
انا حاضر وهذي ابيات بمناسبت موافقت الطرفين
مستحيه الاميره يالربع
وتبي اللي يشجعها ههه
وانا تراني متكفل بطلباتها هي تمون علي اكثر ولا تستحي مني ترسلي على الخاص
مبرووووووووووووووووووووك ياجزعان مقدماً



لعيون اخو جزعه نبي ناصل عريبين النسب // ونطلب يدين اللي معانا ياحلو منطوقها

صعلوك مع قناص مع توتو ومعهم كم شنب // بقيادت ابن خزيم اللي يعرفون طروقها

والله يغير نزورهم ونحط كم كيلو ذهب // وارواحنا واموالنا من شان يدها نسوقها

لاكن بعد ماتكمل الخطبه ونسقيك العنب // يعني تجي للمنتدى والا تغيب ابرووقها ههههه

[شاعر الصعاليك]

اقتباس من مشاركة ابوتوتو مدامه شريف والقصد شريف لا مانع كم واحد تزوج من المنتديات وجاب اعيال وعاش حياته احسن من اللي متزوج بنت عمه كل يوم وهي نقره وطلايب ودني اهلي ههههه انا حاضر وهذي ابيات بمناسبت موافقت الطرفين مستحيه الاميره يالربع وتبي اللي يشجعها ههه وانا تراني متكفل بطلباتها هي تمون علي اكثر ولا تستحي مني ترسلي على الخاص مبرووووووووووووووووووووك ياجزعان مقدماً لعيون اخو جزعه نبي ناصل عريبين النسب // ونطلب يدين اللي معانا ياحلو منطوقها صعلوك مع قناص مع توتو ومعهم كم شنب // بقيادت ابن خزيم اللي يعرفون طروقها والله يغير نزورهم ونحط كم كيلو ذهب // وارواحنا واموالنا من شان يدها نسوقها لاكن بعد ماتكمل الخطبه ونسقيك العنب // يعني تجي للمنتدى والا تغيب ابرووقها ههههه

هلا والله يا بوتوتو ، ابك كيف تبيني أخطب للعود ، ما يهبا ههههه
هذا عود مهذري لا ورى الخط ولا دونه ، يستغفر ربه
اخر عمره احسن له .
هذا والله الصعلوك هو اللي يستاهل ، مطنوخ وشبابي
هههههههههه

لكن اسمع اسمع

الشيخ ابو توتو خلط ما بين جده واللعب = ما باقي الا يلزم العالم بحد أحلوقها
اللي يبا الارزاق لا يجلس معا أهل الطرب = واللي يبا العليا يشوف الشمس وقت اشروقها
وان كان قصدك تجمع الغادين فاوطان العرب = لازم تجيب افروقها من قبل ذكر احقوقها
وأنا على درب الوفاء ما اشيل وأحط الحطب = اعّقل بعير العرب عشان يترك نوقها

[ابن اخزيم]

اقتباس من مشاركة ابوتوتو مدامه شريف والقصد شريف لا مانع كم واحد تزوج من المنتديات وجاب اعيال وعاش حياته احسن من اللي متزوج بنت عمه كل يوم وهي نقره وطلايب ودني اهلي ههههه انا حاضر وهذي ابيات بمناسبت موافقت الطرفين مستحيه الاميره يالربع وتبي اللي يشجعها ههه وانا تراني متكفل بطلباتها هي تمون علي اكثر ولا تستحي مني ترسلي على الخاص مبرووووووووووووووووووووك ياجزعان مقدماً لعيون اخو جزعه نبي ناصل عريبين النسب // ونطلب يدين اللي معانا ياحلو منطوقها صعلوك مع قناص مع توتو ومعهم كم شنب // بقيادت ابن خزيم اللي يعرفون طروقها والله يغير نزورهم ونحط كم كيلو ذهب // وارواحنا واموالنا من شان يدها نسوقها لاكن بعد ماتكمل الخطبه ونسقيك العنب // يعني تجي للمنتدى والا تغيب ابرووقها ههههه

حياالله ابو توتو
والله العووود راحين فيها يبي يتزوج اميرة البنات
من البارح ضرب سيوف وطق ارماح وعلوم واااجد

طال عمرك لكن شرط اميرة ماهو هين
1 مهرها 100000 الف ريال
و10 شرايا ذهب
2 مع بيت فله وفيها خدم
3 ماتروح معه لديرته
4 يبني لها الفله والقصر عند اهلها ويجي ويروح عل كيفه
5 يعطي كل من
1 ابن اخزيم سيارة اخر موديل جيب باترول ربع 4800 الجديد
2 ابو توتو لاند كروزر اخر موديل vxr
3قناص الضواري 1500000 الف ريال مع الاعتذار
4 الصعلوك يعطيه نص املاكه وعقاراته الي يملك

واذا نفذت الشروط هذي عل خير وبركه نقول مبروك
وملكلك وشكراا وتحياتي

[أخـو جـزعـة]

السلام عليكم


يا ابن خزيم والله لوني معرس على برميل نفط مدري انا اوافق ولا لا على هالشروط ههههه

[أخـو جـزعـة]

انتو تقصدون هاا ؟

واحد يباها والثاني خايف تغيب بروقها ايييييه

انت يالصعلوك مشنوق باذن الله بس بعد الموافقه
وانت يالتوتا لا تخاف ان اعرست انا بدخل بالمعرف واهستر فيك ياللعين هههههه

[قناص الضواري]

ابو توتو انت كاتبن لي 1500000 الف اريال ماتجي الله يهديك ههههههه


هاذي مليون وخمس مية الف الريال

انا ادري ان قصدك 150000 الف اريال

ببس هلحين هات ياخو جزعه مليون وخمس مية الف الريال


على حسب شروط اميرة البنات هههههههههههه

[شاعر الصعاليك]

دامك رجال بتعرس وبتسافر سويسره هههههه
أجل لا تخلي اخوك الصعلوك ، محتاج فزعتك ههههه

يا أخو جزعه أخوك اليوم ما هو تمام = خاطره ضايق ٍ من حملة ٍ شالها
أفزع لنا يا صحيبي والهمام الهمام = الحمولة تزايد فوق حمالها
اشتال حملي عسى ربي يردك غلام = ويا جعل حظك شهاب ٍ طاح بجبالها
لانك عزيز ٍ والك في القلب كل أحترام = بعير ما يلتفت يا غير في أثقالها
والناس ما يختلف ميزانها بالكلام = ما يختلف غير كاذبها ومحتالها
وأهل المواقيف تثبت في نهار الزحام = يوم الخوي يحتمي له كلمة قالها
من هول ما صابني ما عاد ليه عظام = وسندت الك قبل روحي تشرح احوالها