[النايفه الوفيه]

الروح في شوفك عليك اليوم ولهانة والقلب يفرح فيك إلى من شافتك عيني
القلب لعيون الغلا وعيون خلانه بنسى الزعل كله ولو بعدك معنيني
أنت الوله والشوق وأنت الحب سلطانه يا بسمة أيامي ألا يا ضحكة سنيني
من قال يا عمري عليك النفس زعلانه أجرح وعذبني مدام الجرح يرضيني
لبيه يا قلب ملكته وأنت وجدانه لبيه يا من هو عن همومي ينسيني
يا عمري الباقي ويا حلمه وعنوانه بيديك تجرحني ومن لمستك تشفيني

[النايفه الوفيه]

ليش أنت مبعد عن عيوني ومجفني
يانور عينٍ بشوفك كنت أحليها
حتى اتصالك وصوتك منقطع عني
وأعد الأيام اللي بتعود لي فيها
إن كنت زعلان ياكل الغلا مني
مجبور أراضيك وعيونك أراضيها
وإن كان قصدك بها لفرقا تعذبني
ياكيف تتعب حياتي وأنت غاليها
ارجوك طمن شقى نفسي وطمني
اشغلت روحٍ غيابك عنها يشقيها
تعبت أحاتي واسال عنك لاكني
مالقى جواب لآجل نفسي أهديها
أطلب من الله عسى أنك دوم متهني
في دارك اللي إلهي بك مهنيها
وعساك دايم في قلبي تحسن الظني
ياشمس داري وبدرٍ في لياليها

[النايفه الوفيه]

سلام ياللي عليـه الدمـع مسفوحـي
طول غيابه وحال الياس مـن دونـه
خبري به العام يوم الوصل مسموحـي
يوم الهوى سنتـه للنـاس مسنونـه
واليوم عني وزين الـروح مطروحـي
حسبي على اللي على بابـه يردونـه
ليلة فراقـه بعينـي عيـت تروحـي
دايم على البال تخطر دمعـة عيونـه
هو نور عيني حبيبي هو بعد روحـي
وشلون ابقضي حياتي سالـي بدونـه
لي قلت ابنساه احس بنزعة الروحـي
وان جيـت ابلقـاه عيـو لا يخلونـه
يفوح صدري على شوف الغضى فوحي
نار الهوى تشتعل بالجـوف مكنونـه
باقي على الود لونـي فيـه مذبوحـي
لا خان عهدي وانا والله مـا أخونـه

[حنان الرشيدي]

لاعاد تسأل عن مصيري وتشتــــــاق ..
فكر بنفسك لايهمك ضياعـــــــــــي

يمكن نعاتب بعضنا يوم الفـــــــــراق ..
لكن عتاب ما وراه انتفاعــــــــــــي

مايستمر حــــــب الرسايل والاوراق ..
صعب يجي بعد الفراق اجتماعـــي

[مرزوق العجوني]

عيد النظر بـ اللـي تبيـه وتـروّى =ترى فراقك صعب ماهوب عـادي
ماشفت طاري البعد وشلون سوّى =فينـي وأنـا قـدام عينـك وهـادي
هلت دموعـي وانـت عينـك تقـوّى =حبست دموعك مـات جفنـك ينـادي

[النايفه الوفيه]

قلـــت لك لاتحبـنـى تـتـعب معاي
شـــوف غـيرى يمـكن أنـك تسعـده

خـلنـى عايـــش بهمـنـــى يا شـقــــاي
كل مـاقــــربـت قـــربــــك تبـــعــــده

أنت مـا أنتــب عــارفأرضـى من سماي
واللــى مثـلــى ممـكـن أنـك تفقـده

من عطـانـى بــرد فى حـاجة دفـاي
سـهـل جــدا مـن حيــاتـى أحــجــده

يــوم اشــوفــك حيـل تفــرح فى لقــاي
ويـوم حلـمـى فى لـقـــاك تـبـــدده

فى تـصـرف منـــك تقتــــل بــى هنـــاي
فيـــك لحظـــة فــرحتــى متحــــدده

ان جـفــاك اللـيــــل خــذ مـنـى مســاي
خـل جـفنــى للسـهــر وانت أرقـــده

[شداد المظيبري]

لحظة وداعك وانت من حولك احصار
طَرَت بفكري .!! رسمتك في جبيني



كنت اتمنى وقتها اتحول إعصار ...
واطير .... بللي حال بينك وبيني



وذكرت ليله وقتها صار ما صار
عيني غفت .! واعيونها تحتريني

[لايغرك زمانك]

شفت منهو تحبه صد من دونك
إقرا علية الفاتحة وريح أعصابك
قلة ترى الشمس ماوقفت على كونك
يجيب غيرك أكيد الوقت اللي جابك
حرام لا صد تسهر لجله عيونك
لا عاش منهو لجور الوقت ضحى بك