[مرزوق العجوني]

كان مالك بعمـري غيـر درب الرحيـل..!
.................................. النهايـه بدايـه ل/ الشقـى السَـرمـدي..!
قلّ ولو كـان قولـك دمعتيـن وعويـل..!
.................................. جرح عمري تطمَن وسط صـدري مِـدْي..!
قلَ ولو كان موتي مـن كلامـك حصيـل..!
.................................. نزعـة الـرَوح فينـي سابقـه موْلـدي..!
قلَ ولـو كـان حظّـي بالعطايـا بخيـل..!
.................................. ما تمنّيـت حاجـه واقبلـت بـ/سْعـدي..!
قلَ ولو ما كِتب لـي فـي ظلالـك مقيـل..!
.................................. يابس الرَيق ولْضـوح السـراب آعـدْي..!
قلَ ولو مـا بقـى لـي فالليالـي خليـل..!
.................................. من يواسي عيونـي غيـر نجـمْ الجـدْي..!
مقتفينـي سـواد الليـل وانـت النزيـل..!
.................................. كل ما اجتـاح سـوَاح السَهـر مرْقـدي..!
ارقب العمر من رجـم الامانـي وآخيـل..!
.................................. من ورى الصبر بـرقٍ بالوعـود يحْـدي..!
ما لـ هتّان حظّـي فـوق قاعـي مسيـل..!
.................................. عشبة الحلـم ماتـت بالظّمـا الجرْهـدي..!
لا تظّن ل/ شتاتـي فـي سكاتـك بديـل..!
.................................. غير تعبيـر رجفـة دمعتـك مـع يـدي..!
صوتك الريـح وضلـوع الحنايـا نخيـل..!
.................................. كل ما همهمت طـاح التمـر ب/ جْهـدي..!

[مرزوق العجوني]

لو انت غايب بفقدك واتحراك=واقول عادي كلها ايام ويعود
ماازعل على غيابك وفقدك وفرقاك=زعلان لاني فاقدك وانت موجود

[مرزوق العجوني]

هذي اللي كنت اسمعها الجديد=من سنين الزهو وايام البياض
قبل اعرف اهل الصحافه والقصيد=وقبل اعرف دروب خالين الوفاض
هذي هي الحب الاول والاكيد=ايه طبعا فيه اجل غير الرياض

[مرزوق العجوني]

الناس حولي كلها شعور واحساس=وانا هنا معهم ولا حس في شي
اما ان عندي شي ماهوب بالناس=والا ان عند الناس شي ماهو في

[مرزوق العجوني]

آحتاج لك وإن جيت ضيعـت وينـي=آلقاك فيني نوب وآحيـان ماألقـاك

[مرزوق العجوني]

تعال خذنـي تعبـت أجامـل الدّنيـا
ملّيت حتى الغروب اللي على خبرك!

من عقبك الضيم يطوي خافقي طيّـا
لين المواجع تقـول الله ياصبـرك

[مرزوق العجوني]

يضيق صدر الغريب اليا فقد داره
...............ويضيق صدر الحبيب اليا فقد غالي

ياليت بين البشر والخافق ستاره
.................وما تقدر تشوف هذا الحزن عذالي

لو أمسح الدمع تاره وأتركه تاره
................من يمسح الذكريات اللي على بالي

[مرزوق العجوني]

عذّبت سمعك بصوت الحب يا منـادي=يا للحزن كيف دمعـك يبكـي عيونـه
وعكّرت صفو القلوب وجوهـا هـادي=ذكّرتها بالحنـان وعشـت مـن دونـه
مشتاق شوق المطـر لمعانـق الـوادي=ومحتاج حاجة غريب الروح لشجونـه
أسير الإحساس مثـل البلبـل الشـادي=غرّد حـزن والمـلا طربـان للحونـه