[مشاااعل]

أبتديهـا بـس والله ماهـي بأيـة بدايـه
مثل طعم الموت لأجتاحك وقلبك راح فيها

دامها همٍ بهـم بهـم قلّـي وش ورايـه؟؟
خلني بدرهم همومـي وأعايشهـا وأعيهـا

لاتشفق يابعد روحي علـى حـزة لقايـه
اللقا بنـتٍ أمـام الغبـن مكتوفـه يديهـا

شايبي مات وتركني عقب موته في شقايـه
بس قلبي ريحة هدومـه وربـي مانسيهـا

شايبي أخذه نذير المـوت ماقـدر بكايـه
أخذه بعز إحتياجي يوم رجعتـه أحتريهـا

غيبته هدت مفاهيم الأمـل داخـل حشايـه
والدروب اللي بليا نظـرة عيونـه مابيهـا

كلما مرت طيوفه قلـت ياربـي عسايـه
أتجاوز لحظة فراقه أو أصبـر وأحتويهـا

والوجع لامر طيفه ضاقت بعينـي سمايـه
وإخنقتني عبرةٍ تلهـب فـؤادي وأنكويهـا

لاتساومني على النسيان تطمع فـي وفايـه
ماعلي النذر أنا أوفي غير لدروبٍ يجيهـا

يامحطات المواجع..ياهمومـي ..ياعنايـه
ياليال الدمـع الأحمر..ياعيـونٍ مشتقيهـا

لاتحاول تكشف المستور تبحث عن غلايه
لاتحاول تستثير جروحي وتزعـل عليهـا

خلني بأرجـع أدورللمواجـع بـي نهايـه
كل مالاحت لعيني غصب عنهـا تبتديهـا

[العريض]

عودتني" أكتم همومي عن الغير
"وازيّف الفرحة" وانا كلي "أحزان"

"وعلمتني" كيف اهتني "بالمخاسير"
"وفهمتني" إن الهوى فيك "حرمان"

"وخليتني" مقوى على كل تعبير
"مسكين"!! ماملك "قلب" حتى ولا "لسان"

"أووول" إذا شفتك أسوق التباشير
وافرح لشوووفك كل ما موعده حان

[مرزوق العجوني]

يا كثـر ما تكشف الأنفـاس عن ضعـفي =يا كثـر ما تجـرح إحسـاسي ولا ألومـك
مليـت قل العطـا وإحساسـك المخـفي =مليـت تقـسى علّـي وأسـأل عن علومـك
يا سهـل ما تقتـرب يا سهـل ما تقـفي =كنـك ملكـت الفـراق ولـذه قدومـك

[مشاااعل]

قدلـي ثـلاث أيــام للحـيـن مـارقـت

.. .. .. .. .. كل ماطرالي طعم وصله فهقتـه


إشتقـت..إيـه إشتقت..وإشتقت..وإشتـقـت
.. .. .. .. .. ولاعن قافٍ صوب ريحه طرقته


للحيـن أنـا مـن طعـم حبـه فلافـقـت
.. .. .. .. .. ماهوب أحبه والله إنـي عشقتـه


لاجيـت أسـج شـوي عـنـه وبـرقـت
.. .. .. .. .. أونس بصدري طعم لجة فشقتـه


أنـا وقلبـي يــم صـوتـه تسابـقـت
.. . ... .. .. مدري سبقني القلب وإلا سبقتـه


بـس الـوكـاد إنــي بقلـبـه تعلـقـت
.. .. .. .. .. إلا الوكاد إن أعذب الوقت وقتـه


عـلـى النقا..لاخنت..لابعـت..لابـقـت
.. .. .. .. .. إلا غـلاه إن ماعطانيـه بقتـه


ليتـه يعـرف المسألـه مسـألـة وقــت
.. .. .. .. .. ماهوب موضوعٍ يوقع ورقتـه


أصل الغلا إحسـاس لـو سقـت ماسقـت
.. .. .. .. .. مايمكن إنك تشعـره ماشهقتـه


وإلا شعـرت إنــك بعشـقـه تطـوقـت
.. .. .. .. .. يلذ لـك قلبـك إذابـه حرقتـه


ولاأقبل عليـك وقمـت ترجـف وعرقـت
.. .. .. .. .. إذكر قليبك وإعرف إنك لحقتـه


وأنــا إلامـنـه طـرالـي تعـانـقـت
.. .. .. .. .. مـع النجـوم ولذلـي ماعنقتـه


ولاغـاب مثـل اللحين..مارقت..مـارقـت
.. .. .. .. .. يعودلي طاريـه لامـن فهقتـه

[العريض]

لانت الذي حصلت شيء به اغروك
ولانت الذي طاوعتني يوم أحاكيك
ازعلتني قصدك رضاهم وخلوك
لافكرو فيني ولا فــــــــكرو فيك
خلوك تنسني ومثلي تناسوك
واصبحت ناسيني وانا صرت ناسيك

[مشاااعل]

مِنْ أي وَادِي العِطْر ؟!

مِنْ أي شَمس النُورْ ؟!
مَا سَألتَه ،،مَا مَدَاني..



كِلهَا كَانتْ ثُواني ..
حَرفْ مِن خُوفِي،،قِتَلتَه ..
وحَرفْ،،عَانَدني وعَصاني .!

[العريض]

لاتلومني لاجيت كلي من اقصاي
مافي غيرك لا تضايقت جيتك

جيتك ولاغيرك ذكرته بسمراي
جيتك وكل انسان غيرك نسيته

جيتك وانا ماني تايه الراي
جيتك وانا مدري وش اللي بغيته

جيتك وقلبي دقته تسبق خطاي
جيتك اقول مفارقك ماقويته

ان مر يوم بالعمر منت وياي
اشتاق لك شوق المسافر لبيته


مثل الهوى تحتاجه الناس والماي
يحتاج لك قلب (ن) هواك وهويته

انت الوحيد اللي يرد بسمه اشفاي
وانت الوحيد اللي بروحي فديته

دامك معي ماقصرت يوم دنياي
دامي خذيتك وش بقا ما خذيته

وان كان تنشدني بعد ليه انا جاي
ابشرك ابرد بقنعك لاقريته

جيت اعترف بالفرق يأخر مناي
بينك وبيني اللي عشانك جفيته

اني ليا من جيت لك همك ارضاي
واني ليا من جيت له مالقيته

[مرزوق العجوني]

شفتـك حلـم متى بشوفـك حقيقـه=الشـوق مايرحـم اذا جاء بـالاحـلام
وحشتـني يا أحلى مشاعـر رقيقـه=وصرت اتحـرّى شوفتـك قبل ما أنـام
غمضـت عيـني وشفتـك دقيقـه=بس الدقيقـه بهذلـت حـالي أيـام