[النايفه الوفيه]

عرفت الناس والدنيا وطريقي
وعرفت ان الهوى كذب وأماني!
خذاني الشوق والحب الحقيقي
لذاك اللي عقب وده جفاني!
نساني للأسف في عز ضيقي
وأنا في غمرة جراحي أعاني!
لقيته في هوا غيري غريق
تنكر من هواي ومن حناني!

[النايفه الوفيه]

في أمان الله ياللي مسكنه داخل الجوف . .
ياللي على عرش المحبه تغلا . .
لو ان مقياس الغلا هرج وحلوف . .
حلفت أني أحبك حتى تملا . .
ان كان ما يكفيك قلبي خذ الشوف . .
تفداك عين اللي لشوفك تحلا . .

[النايفه الوفيه]

منهو بقالي كان عني تخليت..
وأنت الوحيد اللي بعمري بقالي..
الحب ماهو بس خذني وانا جيـت..
الحب وقفه بين غالي وغالي..
احلم بشوفك شوفت الحي للميت..
اللي عن ايامه خذته الليالي..

[سالم الرشيدي]

.
:
.
اصوم واودع خيالك وذكراك
وافطر وكنك يا عشيري قبالي

احب انا لا ماك واكره لفرقاك
ويضحك زماني كان ودك صفالي

اموت من فرقاك واحيا بلاماك
وتغيب وان شفتك هواجيس بالي


.
:
.
..::.:.:.:.:.:.::..

[النايفه الوفيه]

والله ورب
اللي قسم بيننا روح..!
يا أني لا اطيع الضيق لو ما استطيعه..!
ماغير ضيقة
صدر يومين وتروح ..!
وشلون.: لو ضاقت ((عليّ الوسيعه))..!؟

[النايفه الوفيه]

كسرت بـ خاطري يومي أجيك بلهفتي محتاج ..
عن العالم تمنيتك بأحزاني معي توقف !!
تحريتك و ناديتك و حس القلب ..( بالاحراج )..
رجعت و خاطري مكسور و حـــــزني فوق مايوصف !!
خلاص أقول من قلبي" أنا آســــــف "
على الازعاج ,,
و آسف منــك " ياقلبي "
حطيتــــك بهـ المــــــوقف !!

[النايفه الوفيه]

خذني بحنانك وطف البرد بعظامي؛؛

يمكن "بحضنك" أنام الليل واحكي لك

محتاج أسافر بعيد فيك بأحلامي؛؛

وأنزل بصوتي على شاطي مواويلك

واحط راسي على "صدرك" شوق وهيامي؛؛

واترك خفوق تعذب فيك يشكي لك.

[النايفه الوفيه]

لو الغلا يزرع كما زرع بستان

يكون زرعك في فؤادي مكانه

أحط لك غصن تميٌز بالألوان

مافيه مثله مختلف في زمانه

غصن خضر للحب بصمة وعنوان

أعطيه من روحي وأكثر حنانه

أسقيه من دم الشرايين فنجان

وبيني وبينه بالمحبة ميانه



مع السلامه,,,,,,, بروح أدرس,,,,,,,تمسو على خير