![]() |
|
خيارات الموضوع | ابحث بهذا الموضوع |
|
أهدااااااااء بغيااااااااااابوه
لقيت الدار من بعـد الحبايـب خليـه باكيـه وبهـا عجـايـب وقفت ابها وانا حيـران ساعـة ودمع العين من موقي صبايـب الا يـــادار بالله خـبـرنــي عن المحبوب قولي وين غايـب تقول الدار بعـدك غادرونـي وخلونـي لعـيـات الهبـايـب وسافر من تـود وحـال دونـه بحر وبرور واخطـار ومصايـب رجعت ابحسرتي واهموم صدري وتقلانـي مـن العبـره لهايـب ألا يالله لاتقطـع رجـا الـلــي يسالك عن رجوع محـب غايـب عسى المحبوب يرجـع بالسلامـه بحفظ منك مـا تصيبـه نوايـب محـب مالـك عقلـي وروحـي وفي حبه رخيص العمر ذايـب يحلي بلو لـو البحريـن صـدره وحنا العين حطه في الروايـب |
ياعايش أيام الرخى فيه عمسه أيام ضيق تشيب منه الطحاطيح ومن ظن بالدنيا تجي قد حدسه خبل ٍ رجا تفاح من نبة الشيح ومن وده بيومه صحو مثل أمسه يمكن ويمكن ما تجي كيفه الريح ومن عاش شاف ومن غدا الوقت درسه ما احتاجله من باقي الناس تصحيح ومن له عقل ما احتاج لو بعض لمسه حتى يعد من الوجيه المفاليح ومن يولد وصدره به العز غرسه يكبر وتكبر ( غرسة العز ما تطيح ) والرجل يفطن لو سمع بعض همسه ما ينتظر يلحق ورا الهمس تجريح الحر يكفخ بس من بد جنسه يوم ان غيره كفخته بس تلويح ماني بمن يفرض على الغير نفسه أروح أنا من عند غيري بتلميح
|
|
ما دريت اني ..( بكيت ).. ولا بكيت إلا لعينكـ
والمصيبهـ وش يهونها علي ّ لاصرت داري ...!! ويــن كنت انت الذي لا شفتني.. يشرق جبينكـ ما بقى من ذكرياتكـ غير ..( تنهيدهـ ).. نـهـاري
|
تبي عقلي هديه لك ؟ خذه وخلنـي مجنـون
وانا كلي ترى كلي فـداك وتسلـم عيونـك انا عمري بعد عمري فداك وفي يدك مرهون ترفق بي حبيبـي دامنـي بيديـك مرهونـك وكانك ناوي التعذيب عذبني واقـول تمـون وخذ مني وعد ماقولك يـوم ٍ علـى هونـك وتذكرني رجل كتفته بحبك تقـول شلـون ؟ اقول اخبارك ؟ انت بخير ؟ بالله قلي شلونك ؟ انا ذاك الذي اعطاك واصبح للأسف مركـون باخر زاويه عندك مع انـه حيـل مجنونـك |
ليـش مستـغـرب وتـزعـل يــوم ادوّر عـنـد غـيـرك
"قلـب واحسـاس ومشاعـر" صـرت فاقدهـا معـك لا تحاسبنـي .. وحاسـب نفسـك.. وحـكّـم ضمـيـرك لــو أجـدْهـا مـعْـك .. مـانـي ْمـــدوّر .. الاّ باتـبـعـك كنـت أقـول: الحـب يـوم انّـه رمانـي فـي مسـيـرك نـفـسـه الـلــي فـيــك ضيّـعـنـي .. وفـيـنـي ضـيّـعـك والقليـل اللـي أحـسّـه مـنْـك.. يغـنـي عــن كثـيـرك صـرت ماحسّـه.. كأنّـي لــو أجـوعـك مــا اشبـعـك قلت: اثيـرك .. كيـف؟ مـدري.. المهـم انّـي أثيـرك قـمـت اســوّي كــل مــا يـرضـيـك.. حـتــى أقـنـعـك |
يوم انها جتني على غير ميعاد
فرحت من قلبي فرح ماله احدود فرحت فوأدي عدة اعوام تزداد ماهو غلا في عدة ايام محدود غلا محبتنا على روس الاشهاد ياعارفين الحب خلوكم اشهود هذا الاكيد وخلو العلم ينقاد ماهمني لاعلم ناقد ومنقود اعرف دروب الحب يابنت الاجواد ماني غشيم(ن)فالمحبه ومطرود درب المحبه ماعشق غير صياد واشهد شهاده منك انا صرت مصيود ماهو خساره يالغضي غض الانهاد لو صرت في حبك مكبل ومقيود راضي بحكم القيد ماحب الابعاد راضي بحكم القيد لو كنت مضهود عشان تعرف قدر حبك بالاسياد وتشوف قدر الحب مع كل معبود اخذ الحقيقه شوفتك عندي اعياد احساس صادق فرحتي مالها احدود |
المسا بارد.. وجمرك ما يدفـي والليالي سود.. ودروبي صعيبه
والقراح اللي حسبت انـه يكفـي شحت أيدينٍ تجيبـه مـن قليبـه يبست شفاهي.. وحظي مايوفـي والغدير ان ما سقاني ويش أبيبه؟ ليلةٍ كـان اللقـا ماهـو بشفـي جا يعاتبني علـى قلـة نصيبـه كل ماونيـت منـه قـال قفـي وين اقفي بس..؟ ياكبر المصيبه البـلا ماكـل موجـوعٍ يخفـي خاصةٍ لاجت جروحه من حبيبه والوسايد دمعهـا عيـا يجفـي والشتاعيّا سحابه عـن شعيبـه يوم ذقت المر قال:القلـب عفـي آآآآه والدنيا ظواهرهـا غريبـه الشتا قارس .. وقربك ما يدفـي والليالي سود ودروبـك مريبـه |
ذابت شموع الحروف بنبـرة استبـرق
وذابت قوافي على قافه من الشكـوى وذابت جوارح وانا مشتاق الـى ابـرق ويومه تحالا سماي بجد ؟؟ انا اهـوى من قبل يشكي وانا أبكي وهـو أحـرق ويومه شكى لي تنفست الهوا اشـوى يسعد مساه .. ومسا حرفه الى اشرق ويسعد مسا ابجديّـه للأسـم تحـوى ويسعد مسا ذبحته لي تلّنـي واهـرق نثّر كُرياتـي الحمـرا علـى النجـوى كلي فدا له .. عساني داخلـه اغـرق لاينتشلني أنا ميّـت .. وهـو اغـوى |
يتصفح الموضوع حالياً : 168 (0 عضو و 168 ضيف) | |
|
|
![]() |
||||
الموضوع | الكاتب | القسم | الردود | آخر مشاركة |
هل تبحث عن توصيات فوركس مضمونة ؟؟ | goldfxc | المنتدى الإعلامــــي | 0 | 08-05-2013 06:48 PM |
سجل حضورك ببيت شعر ...... | بندر الشويلع | منتدى الشـــعــــر | 9 | 19-02-2011 09:31 PM |
مليونيرة تبحث عن زوج هي وبنتهاء الطبيبة | عاشق الريم | المنتدى الإعلامــــي | 6 | 06-11-2010 11:51 AM |
عبر عن حالتك النفسيه ببيت شعر | The monsoon | منتدى الشـــعــــر | 4 | 14-10-2009 01:05 AM |
يا مــن تبحث عن إنسان يفهمك ? | مرزوق العجوني | المنتدى العــــــــــــــــام | 10 | 17-04-2009 02:34 PM |