[أسيره بقلب دامع]

مآ بين نفسي وبيني مشتعل حيره

مرٌات اكذب على نفسي واصدقها

يا قلبي دامك تشوف فراقنا خيره

وش له تنَدٌم على ليلة مفارقهآ .؟

[النمر1012]

ترى الصديق اليوم بكره يعاديك
يصبح عدوا لك يريدالمهانه .
. خذها نصيحه لاتضيع من يديك
رفيق دربك عامله بالليانه .
. هذي ظروف اليوم ماهي تخليك
دنياك لاترميك بارض المهانه .
. ياكثر ماتوريك باكر لياليك
..ايه خوي العز؟ ولاالمهانه؟ .
. ترى الذي تغليه وبصدق يغليك
يستاهل بقلبك تعليه شانه .
. حاول توفيله وتخلص مماشيك
يبقى غلاكم مستقر بمكانه .
. ومادام لو تعطيه بالروح يعطيك
من راهن بفرقا تكسر رهانه .
. ولاالذي لااحتجت يبخل ويجافيك
كبر مقامك به تكفل زمانه .
. ياصاحبي حذرا للايام ترميك
بواحدا لارافق الرجل خانه .
. تراه شر مير تكفى لاوصيك
عوج المذاهب ماتعدلها صيانه .
. ترى الردي ماطاب,,ولوطاب ,,يوذيك
لاخاف رب ولا يعرف الامانه

[مفاهيم الغلآ]

من عاتب الدنيا بلاشك مجنون..... ومن عاتب الغالين لاشك مشتاق

[النمر1012]

الغصن ويبس وايبس بقايـا مـن طـروّه
واكتسى لون الرماد ,, ومات في وسط الافاقـه
كُلّ ذلك من جنون العشق , والليـل , وهـدوّه
بيـت ماهـو مستظلّـي ,, ماتهيّالـك رواقـه

[بروفسور الشعر]

الضيقه اللي دايم اخر الليل = وشحيلتي وردها لاتجيني

[النمر1012]

والليلـه اللّـي تجيـب اوهـام ماتعـفـي
كنّ " الوهم " فـي ظـلال الصـدر يتفيّـا
"و السوسن " اللّي روت وتشرّبت عطفـي
وشلون عقـب التسامـي تُنكـر " الميّـا "
أحيان طبع الجفاء مـن عارِضـه يشفـي
وأحيـان مـن غفوتـه ماتشعـل الضـيّـا
ولو كان " كلّي " يموت , ليا غدى " نصفي "
ماكان مـات " الغيـاب " وشفتنـي " حيّـا

[مفاهيم الغلآ]

الضيقه الي تقلبني وقلبها=يالله عساها طواري لليل وتعدي.

[ابن شلال]

الله من قلبنً نهيته ولا طاع*** لين ان وده مزع الروح تمزيع