[أسايرها تعاندني]

ماهي المناسبه ؟

...

[أسايرها تعاندني]

صرت أفكر فالشباب وصرت أفكر فالكهوله=وصرت أفكر كيف اعيش العمربأقل الخطايا
والله أني من رجالٍ ما تهاب ومن حموله =بس قلبي مايطاوعني ولا طاع الوصايا
كني اللي غير العنوان من دوله لدوله= أو معايد قريتين وضاع ما بين القرايا
من عشيرٍ غاااب عني والسفر يا طول طوله= لو أقول أني بأشوفه قبل أموت من الوهايا
كل ما شاهدت زولٍ مثل زوله قلت زوله= والبشر دائم تشابه بالوصوف وبالتهايا
كل شيء ٍ في حياتي دائماً يدور حوله =وكل شيء ٍ لو يذكرني يزيد من الكوايا
جعل عينٍ فرقتنا تنعمي بأبسط سهوله= ما تشاهد من عماها لا عيوب ولا مزايا

[أسايرها تعاندني]

لاتزعزعك الروابع وتكلك الرديد = تصبح الأولى سواة الأخيره كايده
عبرة المشحون والموت في عرض الوريد= وان نشدته قال مالي وراها فايده

[أسايرها تعاندني]

قالوا منور..؟ قلت واضح بيانه =ياشمس غيبي خلي اليوم موجود
قالوا حنون..؟وقلت بخفي حنانه= اخاف اقول ويصبح الخل محسود
قالوا عيونه..؟ قلت فيها شطانه= فيها رضى ومنها قضى كل محمود
قالوا شفاته..؟ قلت عندي آمانه =وش ذنب بياع العسل يلطم خدود...؟
قالوا شعرها ..؟ قلت ليلي أدانه= لان الليالي ماغدا منّها فود
قالوا قوامه..؟ قلت فتنة زمانه= ياناس يكفي لامشى تزهر ورود
قالوا أميره..؟ قلت مابه طمانه= ذكره مع الأجواد والطيب مرصود
قالوا ملاك..؟ وقلت نفس المكانه= لكن حبيبي زاد والزود معهود
قالوا تكابر..؟ قلت جيت بخيانه= مفروض اسكت دام ماقلت مشهود
هي من بنات الحور وضح كيانه .؟= قلت الحقيقه يمكن ويمكن تزود
قالواتحبه..؟ قلت آه بليانه= قالوا علامك ..؟ قلت ماعندي ردود

[أسايرها تعاندني]

الواقعي .. من قَّرح القلب صدره=كنّه بطول العمر ما زَّل حالم
لا نِّم عنك الطيف في ضي بدره =وأصبح بعالم والخلايق بعالم
كنّه معك طاير .. والأمزان حدره= لأرض البشر تخفي جميع المعالم
يا مُنيتي .. والحب ما قّل قدره =فوق العدل ، يمسي مع الفقد ظالم
لو إنها في منطق زاد غدره= ما صرت مع فارض فراقك مسالم
وإلا الرجاء لو زاد شحّه بندره= يا نادرة ، ما صرت لليأس والم
والعمر ما عانيت من كثر هدره= إلا بواقع فقد.. والقلب حالم

[أسايرها تعاندني]

من جيت للدنيا وانا ( حظي ) مثل عابر طريق= يشّر ، على خط الزمن عل الليالي ، تنقله
صابر على مر التعب كرمال عينك يالرحيق= يطيح صبري ( واشقله ) وايطيح وارجع واشقله
يضيق صدري ( بالعَجَل ) واقول صدري مايضيق= استثقل اني انهزم وآخذ من الهم اثقله
ومع كل هذا بسمتي مافارقت عين الصديق= واللي يعرقل بسمتي أضحك عشان اعرقله
ماعرف اكون الا كذا صادق ولا احب البريق= مثلي مثل أية بشر بالصيف يرفع منقله

[أسايرها تعاندني]

تموت ( هل ) وتولد بخاطري ( هل )= وترجع تموت بحل مكسورة الهاء
صيغة سؤال وللأسف مالها حل= فرق الامل عن الألم غلطة املاء
ماتكتمل جمله بها حرف منشل= وشفايدة ( عندي ) اذا انشلت الياء
تعبت املّي هالقلم والورق مل= تعبت اصحح بالخطا نفس الاخطاء
تعبت ادوّر بالصحاري على ظل =وماتت طموحاتي عطش مالقت ماء

[أسايرها تعاندني]

شق صدري غيابك يا كثير الغياب= و انت لا جيت صوبي جيت كلي حفا
كنت اظن الكرامه من كريم الجناب= مثل رد الوفا لا جا من اهل الوفا
و أثر مالك مقام و مالقلبك حساب= هبت الريح فيك و كل سافي سفا
جندوك ( الثعالب ) و أخضعوك ( الكلاب )= و أكثر الظن بان و كل شي خفا
و أنت راضي و فاتح للزمان الف باب= باب ( هذا يروح ) و باب ( هذا لفا )
لايقين لبعضكم يالقلوب الهباب= بين ( شذاب ساق ) و بين ( راعي قفا )
لا تظن السلامه و أبتعادي أكتئاب= دام عندي مبادي جعل عمري جفا
المشاعر تبٌدل مثل بعض الثياب =و الرفيق يتبٌدل دام ( راسه ) هفا
و الطريق ان مشيته باتجاه الذهاب= واضح الصدق فيه و مايهم أن نفا
يالله اني بوجهك من شديد العذاب= عن خطاهم ( عفينا ) يوم وجهك عفا
ليت لي فالمنابر دعوة تستجاب= و أسألك عن عناي و عن ( مرضهم ) شفا
و الهقاوي تشيب و توٌ عمري شباب= يا جروحي تهادي جرح واحد كفا
جعل عمري طويل و فوق نجم و شهاب= و الله يديم قلبي في امان و دفا
جف حبر المحبه فالورق و الكتاب =و أسود الليل حوٌل فالضلوع و ضفا
رمش عيني يموت و يعشق الانتصاب= فوق طرفي و حتى يوم طرفي غفا
مالقيت بعيوني غير دمع السحاب= ينتثر في ضلوعي فوق كلمة ( أفا )