[ابا الخيل]

اقتباس من مشاركة كــــاتــــب تم الاعتماد من الإدارة حصـــــــــــــــــــــــاد الموســـــــم اعزائي إدارة وأعضاء شبكة عبس قلعة المجد والتاريخ يسعدنا ان نعلن إنطلاق مسابقة ( حصاد الموسم ) تحت مسمى ( أفضل عشر قصائد لعام 1430هـ ) التي تحتضنها اكناف منتديات قبائل بني رشيد برعاية رجل الأعمال السيد / ملفي صالح الرشيدي يسعدنا مشاركة جميع شعراء الشبكة اهداف المسابقة 1.اختيار افضل عشر قصائد من جميع القصائد المشاركة 2. حصر القصائد العشر بموضوع واحد مثبت 3. بث روح الحماس بين شعار الشبكة واعطاء القصيدة المميزة نصيبها من المشاهدة شروط السابقة 1. تقبل جميع المشاركات سوا كانت بالأسماء الحقيقية أو الأسماء المستعارة 2.الأسماء المستعارة يجب على اصحابها مراسلة اللجنة بالأسم الحقيقي 3. لجميع أنواع الشعر النبطي الجديد منه والقديم 4. قصيدة لكل شاعر 5. لاتقل القصيدة عن عشر ابيات ولاتزيد عن عشرين بيتاً 6. بداية استقبال القصايد من تاريخ النشر لمدة شهر الجوائز المركز الأول : 1500 ريال بالإضافة للقب شاعر الموسم . المركز الثاني : 1000 ريال ووسام المركز الثاني . المركز الثالث : 500 ريال ووسام المركز الثالث . من الرابع إلى العاشر تمنحهم شبكة عبس وسام قصيدة الموسم . لجنة تقييم القصائد 1.العمدة ناصر خنيفر 2.... سلمان بن عمار 3.عبد الباري بن عبد العزيز سوف نستقبل القصائد هنا في نفس الموضوع نامل ان يجد هذا الموضوع تفاعلكم . وتقبلو تحيات اخوكم كــــاتــــب

السلام عليكم ورحمة الله وبركاته
احيي الشاعر كاتب وكذالك رجل الاعمال ملفي صالح
وعندي سوال 1 فقط
1-- لازم اعلم باسمي الحقيقي اذا كان لازم حيل الله اقوى
امانا هذي مشاركتي وطلبتكم تعفوني من ؟؟؟؟؟

الياطرالي موقفاً يوم الاثنين =اغيب من يسراه واصحى من ايمنه
ماكنه الا حلم يعرض على العين =همه وحزنه وسط قلبي مخزنه
امن عليه اشهور وايام وسنين = سجناً مؤبد مانوى العفو ساجنه
اقسى وامر عقوبه ابلا قوانين =موتاً عسى ربي عليه ايهونه
نزعاته اوسكراته اهون من البين =لاحي لاميت عزاء احبته عنه
مجنون لا والفاً اورب المجانين = اني اشك احيان واحيان ظامنه
ان الجنون اسبابها وقتنا الشين = اللي على الاجواد شانت ضغاينه
شانت معاوينه وبيس المعاوين =انا ادري انه ماحداً سالمً منه
رحماك يالمعبودعين الضعيفين =ياللي تجير من استجارك اوتامنه
اما رحيل الصبح ولا مقيمين=والعمر عربونه وصل عند داينه

[ولد حايل]

كل الشكر لك كاتب على هذه المسابقه
وبالتوفيق للجميع

[أمـــير بـكلمتي]

السلام عليكم ورحمة الله وبركاته

وهذي هي المـــــــــشاركه
:::::::::::::::::::::::::::::





نركظ على وضح النقا يالهوامير
نركظ على وضح النقا يالعفيري

نركظ على كف القدر بالمحاذير
نركظ على كف القدر بالنذيري

نركظ على درب العنى والمقادير
نركظ نخالط سهلها والعسيري

نركظ ونقطف من زهور النواوير
نركظ وسط ديره نفلها عبيري

ياحلوها السجه وشوف المغاتير
في بر مخلي تو روضه مطيري

يرتاح بالي من عناه وتفاكير
وارتاح من جو المدن والزميري

ياقلب ادله والليالي تصاوير
وقلب المعنى في هواها يحيري

ياحافي الاقدام قدمك مسامير
الدرب يمنى وانت دربك خطيري

لا لا تعذر ماتفيد المعاذير
خلك على دربك ودربك قصيري

اعرف مدى الرجال وقت المسافير
اما عطيته وجه و لا تديري

شفت البشر يعشق حياة المضاهير
وشفت الصدق غايب ويشكي اسيري

والحلم غايب والامل بالتباشير
والوقت ضايع والليالي تغيري

وين الصديق اللي يهز الطوابير
طاح الجمل والكل جاب الشطيري

اقدع شقى والهم يقبل قناطير
والعين تذرف دمعها ياخشيري

كل ماتذكر مامضى والمشاوير
اضيق واصبر واتعشم بخيري

وارجع واقول الله يجزى الدنانير
كم ضيعة ناس ن وسوت اميري

وكم احرمة جايع وتصنع هوامير
وكم نوخت شيخن مضى له هديري

متى نشوف اللي نجيهم مسايير
واسعد بهم مثل الكفيف البصيري
بيدين وحده من فصيل الحميري


تحياتي لكم

[ابو ريان الرشيدي]

مسابقة رائعة ...
و مجهود جميل منك أنت أخوي كاتب
و طبعاً ألف شكر لكل الداعمين
و أتمنى التوفيق للجميع ..

[كاتب الرشيدي]

ابا الخيل



سعيد بمشاركتك

اما بالنسبه للأسماء الحقيقية ترسل على اللجنة وتتم بسرية


بالتوفيق




تحياتي

[كاتب الرشيدي]

ولد حائل

هلابك وتشرفت بتواجدك

بارك الله فيك

[كاتب الرشيدي]

هلابك امير بكلمتي


تشرفت بمشاركتك والله يكتب لك التوفيق



تحياتي

[كاتب الرشيدي]

ابو ريان الرشيدي


مرورك عذب

واشكرك على التفاعل



تحياتي