[النمر1012]

لاتلومن كان انا ادمنت السهر
صار لي هالطبع انا على يديك
كنت واقف خايف اطب النهر
قلت لي : يالله معي لا ماعليك
خضت ماخفت الكوارث والخطر
الغرق بعيونك وفي حاجبيك
صار ليلي مع نهاري لك شعــِر
القصايد بس لك وحدك تبيك
ماأشوف الشمس هي وايّا القمر
انشغل واياك والا إحتريك
طال فيّ الشوق وشراع السفر
مالقى شاطي سوى راحة يديك
لاتحاول طمس قصه له أثر
صفحة الماضي ترى حده سميك
والمشاعر خلّها لاتنفجر
كبتها معروف خذ شوري عليك
الهوى ياصاحبي مثل السحر
لو تحاذر لازم اسبابه تجيك
قدّر الله واقتنعنا بالقدر
ماترجـّيتن ولا كنت ارتجيك
دام قلبي ماخلقــْــه الله حجر
لو ابيع الروح والله لااشتريك
راح كل الليل والحين الفجر
انت نايم واكتب الاشعار فيك

[نايف ابن عليثه]

حبيبي كل مافيني يذوب بملح همساتك
حبيبي كل أحاسيسي يعشقونك
حبيبي طالبك تكفى أبيك بكل لذاتك
أبي جنبك مثل ظلك ..
ولا أبي شي من دونك ..
ابا سهر في وسط عينك ..
واباشرب كاس نظراتك ..
والى منك بغيت النوم أبي أنام بعيونك
وأبي أصحى بكلمة صباح الخير بشفاتك
وأبي فنجال حبك والغلا .. تمده جفونك

[عاشق الصحراء]

ماعاد فيني .." أبتسم " مدام هالدمعه .. [ سلاح ]
ماعاد فيني أبتسم وأخفي ! همومي والحزن !

[نايف ابن عليثه]

احبــــــــــك ولكن...
من يعرف اني احبك ؟
سوى
ربـــك
وقلبي
والوساده
وليل الشوق اللي تسهره عيني
ودمعي يوم خانتني الإراده
فخمس شهود عندي تأكدلك وتعطيك الافاده

[عاشق الصحراء]

| ياليل |
تكفى ضمني .. ماعــاد فيني للجـراح .!!
| تعبت |
أجامل وأنتظر .. زود المصايب والمحن .!!

[عنقود البدو]

غـريـبه حـااالتي والله بـعـز الفـرحـه اتألم

[عاشق الصحراء]

لاصار " حظي مركبه " تبقى المصيبه .. ! بالرياح !
تجري " الرياح العاصفه " في عكس ..ماتمشي السفن

[عنقود البدو]

أزف الضحك للناس وسري بالقلب مدفون
والجآاهل يحسبني فرحان وانا بالحزن مطعون