[سعد بن عادي]

في ثغرها بلسم وفي داخلي نوح
لا داوت جروحي .. ولا خفّ نوحي


مدري هو المكتوب في محكم اللوح
مسجّلٍ بلواي .. وآخر جروحي


والا انها صدفة مع زفّة البوح
تكتم لي آهاتي وتهدم صروحي


الحاصل اني / ضعت في صوت مبحوح
افداااه يا دنيا .. وتفدااه روحي ..!!

[سعد بن عادي]

أجرح ما دام أن قلبي ملكك ( لحالك )
وحقوق الأنسان : لاتدري عن جروحك

أخاف منهم عليك / وما ألى ذالك !
واللي بقوله [ عسى روحي فدى روحك ]

[سعد بن عادي]

الليله الجوّ برد وْ حالتي حاله
مدري وراه الدفا صاير يجافيني!!

قالو لي: إسهر وخلّ النار شعّاله
واناْ اعرف اللي بــ هالحاله يدفّيني
: )

[سعد بن عادي]

.. لا تشتكي لي يالغظي وابكي لك
أنا على درب الغـلا متسـاوي ..
.. من كثر مابي ما قدرت أحكي لك
جاثم ..! وقلبي بالمحبّـه راوي ..

[سعد بن عادي]

شفت القصيد اللي كتبته عشانك؟
هالحين لامني قريته تحسّفت

[سعد بن عادي]

لقد تعلمنا في المدرسة ونحن صغار أن السنبلة الفارغة ترفع رأسها في الحقل، وأن الممتلئة بالقمح تخفضه، فلا يتواضع إلا كبير، ولا يتكبر إلا حقير.

[سعد بن عادي]

الجـوّ حامـي وأنـا ملتهبـه أعصابـي

أزحف عن الشمس .. وتزحف عنيّ الفيّه

يا عطلة الصيف كيف أصبر عن أحبابـي

يطري عليها السفـر مـع كـل صيفيّـه

والوف قلبي على اللي كـلّ مـا غابـي

ما كـنّ فـوق البسيطـه نـاس موليّـه

لوّ أني أسرق جوازه وأشـرح أسبابـي

مانيب محسوب من ضمـن الحراميّـه !

وإن راح يصدر ( بدل فاقد ) على حسابي

أشكـي عليـه القـرارات الحكومـيّـه

وأقول ممنوع مـن دقنـي ليـا إشنابـي

روحـي معـه بيـن مامـوره ومنهيّـه

من غيري أولابه .. ومن غيره أولابـي

ردوّه وأعـدّ لــه رحـلـه سياحـيّـه

لو انها رحلـة ٍ فـي ديـار الاصحابـي

محصوره من الكويـت إليـا السعوديّـه

منهـا .. أتلـوّا بحبيـبـي ويتلـوّابـي

ومنهـا .. نشجّـع سياحتنـا المحليّـه !

أهم حاجه ما يتركنـي علـى اعصابـي

اجامـل النـاس واخـلاقـي تجـاريّـه

وأصارع الشوق ميـر الشـوق غلاّبـي

عز الله انّه مـا يـاوي لا رحـم حيّـه

[سعد بن عادي]

طفله لو انّ العمر مرّت فصوله
دلالها ساحر على كل الأحوال
من كثر ماهي غارقه فالطفوله
حتى عشاها تطلبه وجبة أطفال