[نوماس5]

اللي بقى لي مع الأيام .. وفّيته
والضيق لو ينهمر تشربْه ودياني
ماهي كبيره علي والحزن غنيته
وْلاهي غريبه إذا وقتي تحداني
الخوف -واللي تطوف الخلق في بيته-
لاعشت زهرة شبابك وانت وحداني!!
كم جرح خذْته من الأحباب.. ضمّيته
وجروح قلبي زكاة لْحُبّّ خِلاّني
مطعون؟ عاااادي ،، جفا الأقراب؟ داويته
تعبان؟ مبطي ،، ردى هالحظ؟ خاواني
صدمه؟ بسيطه ،، هَوان الحال؟ مرّيته
مقرود؟ خِلقه ،، وإذا حرمان؟ عدّاني
ما فاح همّ ٍ لك الله ما تقهويته
ما مرّ حزن ٍ بغيري ما تبلاّني!
ياما وياما من الخذلان .. عديته
إلا بصاحبْ .. بعد عِشره تناساني!!
أزريت لأنسى غيابه لين ناديته
والموت لامن تجاهلني وجافاني
وينه يجيني .. وكل عْتاب كنّيته
ياليت يدري بعد فرقاه وش جاني!!
من كنت طفل ٍ وانا أرجاه في بيته
شيّبت.. واثره على هالحال خلاني!
حتى جناح العَتَب لرضاه ذليته
ماطِرْت بعده فرح من ذلّ جنحاني
يا قلب صبرك .. ترى كل شيّ سويته
ما كان أفضل من اللي كان بإمكاني
لو بيّ قوه على الهجران؟ خليته
لو بيّ ذره من النكران؟ يفداااني
الجرح أرحم .. إذا يرجع من أغليته
مجروح؟ فِدوه .. ولكن صعب وحداني


النووم زيييييييييييين

[ذبحني غروركـ]

صاحبي والجرح لا يمكن يدوم
والحزن والفرْح ، حالات وتُمر !

لا تضيق إن كان ما طلت النجوم
يمكن يكون إرتباطك .. بـ القمر !!

[نوماس5]

أنت ِالقمر أو القمر ما خذ ٍ منك
اشعاع نوره أو يشع منك أو فيك

[الـشـقـاوي]

أحس بظلوعي قفص والطير مكسور الجناح
وأحس .. بعيوني .. دمع مسجون .. في داخل جفن




والليل قرب ينتهي ويزول في وقت الصباح
وانا وليلي نكتفي بس المواجــع ما اكتفن

[ذبحني غروركـ]

يَ مدعين الغلآ , و العشق مو منكم ,
‌ ‌ ‌ ‌ ‌ ‌ ‌ ‌‌ ‌ ‌ ‌ ‌ ‌ ‌ ‌ متبري العشق منكم حآضر و مآضي !
مآتشبهون ( الهوى ) و أنا أراهنكم ,
‌ ‌ ‌ ‌ ‌ ‌ ‌ ‌‌ ‌ ‌ ‌ ‌ ‌ ‌ ‌ أغلب علاقاتكم كانت : على الفآضي !

[الـشـقـاوي]

كل هذا .. صـآر من .. / ( زود الغلا )
أدري إنَّه .. [ يفرَح ] بـ / لحظة بكآي

[ذبحني غروركـ]

يا اغلى من الدمع واجمل ذكريات السنين
يا كذبةٍ كنت كاذبها .. وصدقتها

يالحب الاول .. يأأول شوق واخر حنيين
ياللي عليك أكبر الآمال .. علقتها

إي والله اني فقدتك .. بس ماني حزين
وابّشرك بعدك الاحزان .. فارقتها

لي بسمةٍ .. كل ماجيتي ببالي .. تبين
ولي دمعةٍ .. ماتجيني غير في .. وقتها

[الـشـقـاوي]

علمتني سـود الايام تهويـن الصعاب
وكيف : اثبّـت : خطوتي في مدى الدرب البعيـد

وكيف اغظ الطرف عن كذبهـ وعـود السراب
وعلمتني كيف : اداري : عن الجرح الجديـد

وكيف اميّـز فعلتي هي خطا ولا صواب
وكيف اهـدّي ثورة : الغيـظ : وعناد العنيـد