[شاعر الصعاليك]

اقتباس من مشاركة محمد عياد البغيلي السلام عليكم ورحمة الله وبركاته مسيكم بالخير ياوجيه الخير

وعليكم السلام ويامرحبابك اقلط على فالك

[ابن اخزيم]

الرجال اله يومين وهو قالط ولحد جاة

ههههههههههههههههههه

صح النوم ياشاعر الصعاليك
اكيد تشخر الوقت متاخر
هههههههههههههه

[شاعر الصعاليك]

اقتباس من مشاركة ابن اخزيم الرجال اله يومين وهو قالط ولحد جاة ههههههههههههههههههه صح النوم ياشاعر الصعاليك اكيد تشخر الوقت متاخر هههههههههههههه

انا مريت ولقيت له رساله ورحب بالرساله وراعيها
ههههههههههههه

لكن اسمع دامك تدور المشاكل ههههههههههه

يابن خزيم عقب ما غبت شهرين= الحمد لله يوم ردك علانا
اقلط على فالك ولا انقول بعدين = حنا صعاليك العرب يا اقبلانا
بالمجلس اللي من خيار الدواوين = بانيه عود ٍ بالمحبه دعانا
وانا حلمت البارحه يا احمر العين = حلم ٍ وابي منك الخبر باللسانا
لانك مفسر تعرف الحق والدين = وتحارب الكفار من دون مانا
شفت القمر يا صاحبي صار نصين = ولون السماء ماله شبه مع سمانا
ثم اختفى من بين هاك المدارين = وبانت نجوم ٍ بالسماء ما تدانا
والجمله اللي سجلت بين قوسين = مكتوبة ٍ أذا انتهيتوا بدانا
ثم ٍ صحيت وقلت جعله ما هو شين = واستغفر الله عن خطايا يدانا

[ابوصالح لرشيدي]

مسا الخير عليكم جميعاً

صح السانك يالصعلوووك
هذا حلم والا لغز
اذا كانه حلم على ماتقول
عندي من ضمن المضافين بالاصدقاء لوجين عمران صاحبة برنامج صباح الخير ياعرب وفيه من ضمن الفقرات تفسير الاحلام .
عاد انا ابعرض حلمك عليها والله يستر هههههههه
والا انتظر ابوتوتو يجيب خافيك هذا رجال خطير جداً

[شاعر الصعاليك]

هلا وغلا يابو صالح ، وارحب تراحيب المطر
وهذا الحلم ما يفسره الا ابن خزيم هههههههههههه

اعرض عليها وعلمني هههههههههههه
قل هذي قصيدة الصعلوك |، والله انه من الاسم لتسوي
عليك بلوووك ههههههههههههههه

وابو توتو اللحين ما عاد هو صاحبك الاول
تغيرت الدنيا عاد ماتبي ابو توتو يتغير
هههههههههههههههههه

[شاعر الصعاليك]

هذي قصيدة من قريني الصعلوك الله يشغله في نفسه ههههه
يوم مالقى احد عود علي هههههه

لكن استخدمت معه مبدا ناطح الصياح بالصياح تسلم
ههههههههههههههههههه

الى هنا وقف يا زحل الصعاليك = واربط حصانك واسترح بالفياضي
لا تفتح ابواب ٍ وتقفل شبابيك = وانته تعيش العالم الافتراضي
انته عجل واليوم ما عاد يمديك = المسأله تحتاج تفكير قاضي
سليت سيفك تحسب انه بيغنيك = واثرك على ظهرك تشيل المقاضي
لكن راجع واعرف اللي يماشيك = ما دام فعلك ما تحول لماضي
ولا تحسب ان الموج ما راح يغطيك = بيجيك لو تسكن بروج الرياضي

من منطلق مبدا المحبه بجاريك = دام النتيجه بالنهايه تراضي
انته لمست الجرح في راحة ايديك = لكن علاجك صابني بامتعاضي
حديت سكينك مع اللي مخاويك = وصدرك ياراع الطيب بالطيب فاضي
وانا قضيت العمر وسط التهاليك = ادق زيري واعلن الاعتراضي
ولا همني لو يكثرون المماليك = مدامني في شاسعات الاراضي
والسالفة لو انها بيضة الديك = لا اقول لك (بّحر) ترى الديك باضي

[ابوتوتو]

كم جاب بيضه الديك
ياصعلوووووووك الشعر

تالي عمرك تهذري لحالك وترد على نفسك
وحلوووم وووو
الله يستر عليك من مصايب الدنيا

تراني على خبرك ماتغيرت
لو تغير الدنيا كلها

[سعد محمد]

ياكثر سوالفكم ياهل الشعر

بس علومكم غانمه الله يسعدكم ,