[أجهلك]

سمعت إن المدارس بطلو يعطون الطلاب والمدرسين ( فسحه )
والا هم من زود الحرص مايبغون يتفسحون .


المهم ماعلينا أنا جيت !! أكيد فاقديني والا مافقدني إلا مدونتي خخخ

...

( أتمنى حياة سعيده لكل مخلوق على وجه الأرض )

[أجهلك]

البس ثياب الاماني ،،، وانتظر منك وعد
الهوى اللي لك دعاني ،،، ما جمعني فيك ابد
طالما اهديتك زماني ،،، وش تبي مني بعد

[أجهلك]

برررررررررد
برررررررررررد
برررررررررررررد

ومن شدة عشقي للنوم بالبرد حضنت البطانيه وقفلت الجوال وسحبت على الدوام.

صباحكم خير وبرد ومطر

[أجهلك]

على فكره والله فيه شي محزني هاليومين بالسعوديه

( الفقع )

واتسب فقع
تويتر فقع
انستقرام فقع
فيس بوك فقع

والمشكله الكل متحمس ومتلهف وتصوير وطهمجه ( يعني أكل بس بلغة الاشاره قصدي بلهجة الحجاز )
لا ويجيك واحد يقولك تخاوينا نروح للفقع. وش ذا.

كاسر خاطري هالفقع.

عموما عساه بالعافيه على اهل السعوديه كلبوهم ومطرح مايسري يمري.

[أجهلك]

لي يومين ألبس نفس الملابس ،أغسلها وألبسها قبل تنشف حتى ( تنشف بطلوها صح )
علشان لابس بجامة للبيت جديده مكشخ فيها ونفسي حتى اروح فيها للسوق وللبقاله ولكل مكان
ولكن اكتشفت لاحقاً بأني ما قطعت كل الاوراق اللي عليها وتفاجئت بوجود ورقه مكتوب عليه
( remove before wear )


ماعلينا تصير بأحسن الناس. صح؟

[أجهلك]

تصدقون ماعاد ألوم الحريم بالسوق. قسم مررررره فله السوق.
بالويكند اللي فات كانت ناقصتني جزمه ورحت اشتريها ومحدد
المحل والسعر وكل شي. المهم طلعت بالنهايه مليان اغراض بسعر
عالي وابشركم كل هالاغراض لا تحتوي على الجزمه اعزكم الله.

[أجهلك]

بسافر
بسافر
بسافر

بس وحدي هالمره ولأول مره. بجرب السفر لحالي.

[أجهلك]

سئلني ذات يوم : أيش أخبارك ؟
جاوبت : الحمدلله طيب.

صرخ بوجهي كعادته ليقول : اذا سئلتك عن اخبارك لا تجاوبني هكذا
فأنا اريد ان اعرف يومك كيف تقضيه وساعات نومك وأكلك ولباسك
واين ذهبت والى اين ستذهب. فأنا اريد كل تفاصيلك لأعيشك.



في خربشاتي السابقه كل تفاصيلي
هذا أنا اخبرك بكل شي في غيابك
أعلم بأنك ستأتي وتقرأها وتعيد قراءتها
وستبتسم وستكون سعيداً وتذهب وتتركني للغياب.

سيدي كل تلك الامور التعبير عنها سهل للغايه
ولكن ماذا عن الشوق وألمه والإنتظار وأوهامه
كيف أعبر لك عنها وكيف تصلك شظايا الوجع؟