[ذبحني غروركـ]

حزين اي والله ، ومحتاج لـ نحيب
لنّ الحزن آشد من دمعي وأشر

خل عني اللي قال بإن الدمع عيب
الدمع راحه للفؤاد إليا انحشر .. ~

[النمر1012]

يا غرام الكون زلزل داخلي فجر جنونك
اتبعك ليه ما اتبعك ما دامك الطيبه بزمانك
الحبر عاصي وشارد كلّ افكاره بدونك
يا قلم سطر حروفك كل ما يكتب عشانك

[ذبحني غروركـ]

لو مابه صبر و عزوم ، شيّبنا
الحزن ماهو على قلوبنا باخل

ليه لامـنـّـا ذكــرنا حـبـايـبنا
نبتسم لو حنّا نبكي من الداخل !

[النمر1012]

يا تُستباح ارواحنا ..! وبليلنا ينبت أرَقْ
يا ( تِنْعَوج ) ..او تنعدل .. واحلامنا منها نفيق


نجمع شتات اشلائنا ونصرخ ابد لا للغرَق
ليه التردد .. ؟ والتمهل .. ؟ دامنا في وسط ضيق

[ذبحني غروركـ]

مِن كثر ما حبّك ب قَلبي مطوّقني
جمَعتْ كِل الأوادِم فيكْ و أغليتِكْ

و عَرفْتْ ويّاكْ كِل شعورْ يَطرقني
أكرَه عنَادِك و أموتْ ب حِسنْ تَربيتِكْ

و أكرَهكْ مَراتْ لا شِفتِك مضَايقني
و إن جيتْ تِبعِد و صَار الجَد حبّيتِكْ

يَعني ليَا مِن زَعَلتْ أقول فَارقني
و أودّعك و إنْ بَغيتْ تروحْ نَاديتِكْ

هَذا جنوني و هَذا اللي يِفرّقني
و سُوء التّفاهَمْ يجي حتّى بَ أهَل بيتِكْ

[النمر1012]

كل التهاني جات من قلب يغليك
رروحي تبي روحك وروحك تبينا


يغلا من الغالي عسى الله يخليك
عيدي وعيـدك فرحتـه للتقينـا


أنا حياتي لك وكلـي فـدا ليـك
تكفـى دخيـل الله لابـد تجينـا


دور على أسباب القا لا أوصيك
العيد بوصالك ياعمـري يزينـا


كل الهدايا تحتري راحت ايديـك
وعطرك مخاوينا براحت يدينـا


طيفك يداعبني اليا حل طاريـك
وفكري مسافر لك وعيـا يجينـا

[ذبحني غروركـ]

الوكاد افترقنا ماعليه الحسوفه
صاحبي والعيون اللي تبيه اتركنّه

اذكره يوم روّح والهبايب تحوفه
يوم صبّح عيوني بالوداع وبكنّه

[النمر1012]

وان ضاق صدرك بْسبب شِين الاخبار
بعـض السوالـف لا يهمـك أمرهـا