[كبرياء امراة]

ماعاد يعني لي غيابك رجوع
وأنا مجملني معك لين الأخير

وجة التشابة بينك وبين الدموع
اثنينكم طحتوا من عيوني كثير

[راسبه بالحب]

بغيتك تكون الشجاع وتجابنت
وبغيتك تكون العزيز وترديت

إلى هنا كافي وشكراً ولاهنت
أنا بلا عمدان كيف أبني البيت

[الزعيم..]

ياخذك غيري .. وأنا خاطري فيك
شطر وقف .. بين الرجا والقناعه !

[بعيد الطواري]

ضقت من جوالمدينه والسناتر
وشوف بوقً بين مدح وبين ذمي
جوهذا الليل محتاج لفلاتر
فلترلنبضي وتفكيري ودمي
ماتداول في عيادات الدكاتر
قدصرفها شاطحً بالعلم اُمي
قال جهزلك من خفاف المواتر
وخاولك واحد على دينك وذمي
وانصلك دوًومن دونه سواتر
عندهاتلقى مصل عن كل سمي
خيرمن لامن هرج يركب كباتر
يعترضلك لانضح في ما يضمي
وجهه من المرجله والطيب فاتر
عوذباالله منه وامثاله وسمي
لدسايس محتزم ياالله ياساتر
يحسبً ان المرجله ثوب ومعمي

[بنت الوهيداني]

طرد المقفي عيب لو كان غالي ..
خله وتلقى من يعزك ويغليك

ماقلتها من فيض شعرآ طرالي ..
لكنها حكمه عـن الذات تغنيك

[بعيد الطواري]

ولو كان كلن ياقف لجرحه قبل يصبح عطيب
ماشالت العربان هم ولحنت موالها
وش حيلة العاقل إلى من خالفه وقتن عصيب
يموت وأحلامه تموت ولاهو الي طالها
ماله سوى دعوة إلهٍ في دجى الليل الكئيب
لولاه ماشفت الخلايق حققت أمالها

[بنت الوهيداني]

لا ضاقت بعينك الدنيا و مافيها❕
لا تشتكي للبشر من جملة أحزانك
والله مايذبح الضيقه و يفنيها
إلا صلاتك وحفظ آيات قرآنك .

[بعيد الطواري]

يازين عيشتنا قبل عشرة أعوام
يوم القلوب من الضغاين نظيفه
يوم العرب للضيف تفدي له أنعام
ترحيبتن معها نفوسٍ خفيفه
واليوم دار الوقت والوقت هدام
وياقل ناسٍ بالفعايل شريفه