[شداد المظيبري]

بتروح ؟ هذا الجــفا تبخصه وتدله
لكن تأكد [ ترى الروحه هي الروحه ]

ما عــاد فيني شــبر تطعنه وتعله
إللي تشوفه: جسد واقف على جروحه

[النمر1012]

مستحيل اطيح من فوق السحاب
طالما انك في جواري جالسه
ومستحيل ايطولني كف العذاب
وانتي ابعين المحبه حارسه
والعتاب الله يجنبك العتاب
اصبحت فيني عروقه يابسه
ما اقول إلا صواب (ن) في صواب
كل علم (ن) زين خيك دارسه
اتلذذ بالهوا مثل الشراب
وان طرى لي طاري العن خامسه
اتركي عنتر وابو زيد اوذياب
للمحبه خيل وانا فارسه
وان تباروا في القصايد والخطاب
جيت بالجزله وبالمتجانسه
وان غرس فيّ الزمن مخلب وناب
الزمان اللي بقلبي غارسه

[ذبحني غروركـ]

ليت الذي جاب الهواجيس جابك
وليت الدروب .. المُهلكه ما أجيها !

اللي ذبحني بس [ فكرة غيابك ]
أموت وأعرف كيف .. فكرة فيها !

،‘

[النمر1012]

وكنـي أسمـع بيـن الاضـلاع النحيلـه كـل يــوم طفـل حـزنٍ يبكـي ونفـسـه مــن الغبـنـه روت

ذيــب يـاذيـب الحنـايـا لاتعـلـيـت الـرجــوم جـر صـوت الحـزن مـن قلـبٍ جروحـه مـاقـوت

ثـم بعدهـا لاسـريـت باليلـتـك عــد الـحـزوم وصًـل الونـات للـي عــوج الاضــلاع احـتـوت

للهنـوف اللـي بالتنـي لـيـن عـديـت النـجـوم ومثًلـت دور الهـواء والعشـق وأقـفـت مهـتـوت

[سحايب]

ياهواجيـسٍ بقلبـي وماطـاها ثقيـل
اشهدٍ مااللّـه عطى القلب يوم اللّـه عطاه

قافلـة صكات الايام حطتني عميل
مـن تريســها ألا شـافنـي يحـذف عصـاه

وقفت لي وقْفت الماء على الضامي المحيل
وراوحت بين المحاديب مـٍن عقب المشاه

[النمر1012]

طموح ٍ على شاني وأنا شايم ٍ عن iiغير
هواها..ولا فكـرت فـي ذي ولا iiذيَـه

وإلى هب نسناس الهوى للحزين عصير
وربط غترته من تحت حلقـه بأياديَـه

ويم بوجهه للهوا وقم حومـة iiالطيـر
وتنهد..وون..وحـط ايديـه iiبمخابيَـه

تذكر ذعاذيع الهوا يـوم كـان صغيـر
يوم ان أكبر احلامه سديـري iiوطاقيـه

وقفَا وهو مابين واقف وبيـن iiيسيـر
ووقف..من جديد وحط ايدينـه فأذانَيـه

[دانه]

اكذب عليك لو قلت بعدك شي عادي...
اضحك وانا من جور الايام مجروح...
جرح توسط في حنايا فؤادي ...
وليت الجروح ضيوف يومين وتروح..
.بعثر جروحي هالزمن الرمادي...
واصعب شي على الانسان هي غربة الروح
:::::::::::::::::::::::

[النمر1012]

انا من غير مشعر في سنيني جيت بهدابـك
تصورة الحياه وجيت اسوق العذر من شده
تناسيت الزعل والبرد وسنيني على بابـك
وظلم الليل في عيوني. سهر واحزان من قده
عزاي ان الغرام اكبر من التوديع وغيابـك
وعزاي ان الشعر رسمة عيونك والغلا مده
تعال ارجوك طمني وش اللي صار بغيابك
ترا صبر المشاعر فيك يالغالي وصل حده