[سيوف بني عبس]

شبيت شمعة الرجاء في دجـى الخـوف .. وأبحـرت مـع همـي بليـا جـدايـف

وسهرت أفتـش للأسـى كـل مظـروف .. وأعـيـد دولاب السنـيـن الطـوايـف

يـارب عبـدك حايـر الفكـر ملهـوف .. يسألـك وأنـتـه بالمخالـيـق رايــف

هذي دموعـه سطـرت جملـة حـروف .. ترجـم بهـا غيـب الضلـوع النحايـف

واليوم يومنـه بـدى الصبـح معـروف .. ياربـي جيـتـك والمـدامـع ذرايــف

يا ربي جيتـك حافـي الرجـل مكتـوف .. تقودنـي يـمـك مطـايـا الحسـايـف

ياربـي جيتـك والنـدم كنـه سـيـوف .. قطـع حشـا قلبـي وشـب السعـايـف

جيتك ولانـي بغيـر رضـواك مكلـوف .. إلا رضـيـت الفـانـيـة لـلـذلايـف

[الشاطئ المهجور]

انــاء العنا ونـــاء الشقا والغــــــرابيل=ونا خـــــوي الهــــــم فـي كل ليله
حضـــــــي ردي ومعانقتــــه البهاذيل=عـــــزاه ياقلب(ن) حمــــــــــوله ثقيله
مافيــه يــــوم(ن) مــــر شاف التساهيل=والــــرأس ماينزل عزومـــه تشيله
والــدمــــع ماهلتــه عينـــــي هماليل=للعين مـــــوق ولــرتوا شـــد حيله
وسط الضلوع العوج حـزن وتعاليل=اعيش معهـــا والمسافـــــه طـويله
وعيش يـــــومــي مــاخشيت المقابيل=لــــن القـــدر مافيــــــه شين يحيله
ومـــن الليالــــي مارجيت المحاصيل=كلن علـــــــى ماقيل عقلـــــه دليله
والنفـــس لا ضاقت تشب القنـــــاديل=ابيات شعر(ن) مثل بـــرق المخيله

[سيوف بني عبس]

قلبي واعرفه دايم الدوم معكووس.....مدري قرادت حظ ولا وراثه

[الشاطئ المهجور]

ماقد جرحتك ولا في يوم ضريتك ***** ولا اذكر ان الغلا قد طاح تقديره

تخطى وتجرح وتقهر ما تحديتك ***** اصبر واحمل على حمل الشقاء حيره

رغم اللي شفته من عنادك وتشتيتك ***** ماقد طرا لي أبدل حبك بغيره

لا وحسافه زمان فيه حبيتك ***** درب مشيته معك خابت مشاويره

تصدق اني كرهتك قدر ما غليتك! ***** والحمد لله عساها تكون لي خيره

مابي كلامك وعذرك وانت ياليتك ***** تصك باب العذر وتفضها سيره

والله لو لك قدر عندي؟ تحريتك ***** لكن غلاك انتقل واجتثت الغيره

وش جابك؟ الله يردك سالم لبيتك! ***** أرحل توكل تراك مضيع الديره

الله يستر عليك تروح ماجيتك ***** دور بدالي عسى بفراقنا خيره

[سيوف بني عبس]

ياصاحبي هانت عليك المحبه
لا واحسافه عقب هاك المواثيق

جمر الغضا في وسط قلبي تشبه
نارٍ حطبها يابسات المعاليق

كاسٍ مليته بالوفا لا تكبه
خله يبلل بالوصل يابس الريق

صبه بقلبي ثم ملَه وصبه
وان كان ودك غرق القلب تغريق

دام الهوى راسي وراسك يهبَه
خذ سجةٍ ترى زمانك توافيق

ترى حلاة العمر مع من تحبه
شخصٍ تريده من جميع المخاليق

[الشاطئ المهجور]

اتبعك كيف اتبعك وانته مقفي **غشيم من يتبع غرام المقفين

[سحايب]

حي السهر مادام نومـي كوابيـس ’’
وحي الخيال إليا أصبح الواقع أوهام ’،’

من يوم أبونا آدم همس بأذنه إبليس ’’
وحنا نشيل هموم وذنـوب وآثـام ’،’

حنا بشر دم ومشاعـر وأحاسيـس ’’
كل الفوارق بيننـا بصمـة إبهـام ’،’

[سيوف بني عبس]

ربي حسيب العنا والجَرْح و الذلّة ..
والله حسيبي على الطيبة .. و آمالي
البسمة اللي تكذّب دمعتي : زَلّة
والطيبة اللي توافيني لـ غربالي