[قسورة الغاب]

صباح النوور

ارحب ياشاعر الصعاليك اما التوقيع خطير وانت اخطر ههههه

منوور

[شاعر الصعاليك]

هلا يا بو نواف أرحب يالحاضر الغايب ههههه

التوقيع هذا له موضوعه خطير جدا ، وتدري وش المشكلة
أن الزمان دار وراح يتكرر ما صار للتوقيع

[قسورة الغاب]

اقتباس من مشاركة شاعر الصعاليك هلا يا بو نواف أرحب يالحاضر الغايب ههههه التوقيع هذا له موضوع خطير جدا ، وتدري وش المشكلة أن الزمان دار وراح يتكرر ما صار للتوقيع

المهلي ....

الجهل مابه عقايل = والكذب عينه كفيفه
وقل المعرفه غلايل =وقل الادب ريح جيفه
والخبث ماني بقايل = ياهل القلووب النظيفه
الوقت كله هوايل = اسرع من البرق سيفه
ومن لا تحرا الوسايل = بطيب الخصال الشريفه
يمووت مغبوون شايل = غبينته في زريفه

[شاعر الصعاليك]

اقتباس من مشاركة قسورة الغاب المهلي .... الجهل مابه عقايل = والكذب عينه كفيفه وقل المعرفه غلايل =وقل الادب ريح جيفه والخبث ماني بقايل = ياهل القلووب النظيفه الوقت كله هوايل = اسرع من البرق سيفه ومن لا تحرا الوسايل = بطيب الخصال الشريفه يمووت مغبوون شايل = غبينته في زريفه

العلوم النا دلايل = في شتاء والا بصيفه
من رقب نو المخايل = ما رمى جنب الطريفه
بين حط وبين شايل = تشرب المر وتعيفه
وقتنا ما هو بمايل = والسبب فعلة عريفه
لو تمعن فالخصايل = النظيفه والعفيفه
ما ترك حق الفصايل = والبشر تبغى وظيفه

[ابو حشر]

سلام عليكم يا اهل المجلس

مافيه احد ايه عطنا الدله ياحشر خلنا نتقهوى يمقن يجون ويمقن مايجون

اسمع هالقصيده ياحشر يمقن تصير مثلي شاعر وانا ابوك لو ماظنتي هالكشه يبي يطلع منها شعر يجمل ههههه



القصيده ذي للمرحوم معلث المقوعي يرثي بها زوجته الله يرحمهم

نبي نسمعها المجلس والي به

يا عيد ما جاك أول الوقت جاني=فرقاء الحبيب وحب نجل العيوني
يا عيد فارقني بعيد ارمضاني=من عين ناس عقب ما عيدوني
يا عيد والله ما تعدوا مكاني=لين اجدعوها بالنظر واعطبوني
جوني نهار العيد في يوم ثاني=الله يفاجيهم مثل ما فجوني
الله ايفاجيهم مثل ما فجاني=يبرد بها الخاطر وهم يتلفوني
عميان ما واحد يفكر بثاني=وصقهان حتى الصوت ما يسمعوني
يا عيد كيف أنسى رهيف المثاني=والناس عقب افراقها ما يبوني
ارهن لهم نفسي بسهل المعاني=والبدو من كثر الحجج عذبوني
يا عيد ما هي كبار المثاني=ولا هي من اللي همهن بالبطوني
وصينيه يرمي بها كل شاني=وتجمعت عنده حريم العفوني
تاقع خصايلها بكل المعاني=بالطيب والمذهب وزين العيوني
والصدق غالبها وحلو اللساني=والضيف يشكرها وهم يسمعوني
تزها بزين اخلاق هالمودماني=الشاهد الخالق وهم يشهدوني
يا عيد وين القاحلي الجناني=ذهبو مداويرى وهم ينشدوني
امشي مع الفرقان وطرق اعياني=ونشد اللي بالوعر ينزلوني
الزين واجد مع ارجالن حصاني=لا شك نفسي ما تبي اللي يبوني
نفسي تشوم عن الردى لودعاني=لو زين بنته لا يقن بالعيوني
يا عيد ماني للعذارى مداني=لو عرضن لي وضعكن يالسنوني
الياهويت البيت زاد امتحاني=والبيض يطلع بغضهن من عيوني
اخاف من عذار طويلة الساني=تبحث خفايه والعرب يسمعوني
اجلي عن الديره واخلى مكاني=وتثر عليه ما بقي من اطعوني
يا عيد فرقا صاحبي من هواني=والمبغظين يصورن اللحوني
حسبي عليهم كان محدن شكاني=غير الدقر يا عيد ما يفهموني
يا عيد لو ناخذ ثمان وثماني=مدله عنه يا عيد لو دلوهوني
ساطي غلاها بالخفا والبياني=ومن فرجته يا عيد يا كبر كوني
يا عيد مالي بالأقاصي وداني=انكرت عشراني وهم ما نكروني
لو يضحكون قلوبهم ما تخفاني=الناس تخافهم وانا ما يخفوني
عشران حزات الرخا باللساني=والا على العازات ما ينفعوني
تمت وهذا ما حكى به لساني=ومن سمع قصتها عسى يسمحوني

[ابن اخزيم]

صباح النور والسرور
ياشاعر الصعاليك

ويامرحبا ومسهلا
بقسورة الغاب

[شاعر الصعاليك]

ارحب يابو حشر انت وورعك حشر ههههههههه
وصح لسان الشاعر على هالقصيدة ، والعلوم الطيبة

[شاعر الصعاليك]

أرحب يابن خزيم ، يالله حييه