[فضي البراك]

معه كنت أحلم بصاله كبيره .. وأمسية .. وجمهور=وهو جالس على الركن البعيد بزاويه صغيره
وأنا أسترسل قصيدي فيه .. أزيد.. من الغرور .. أغرور=ومعي عن ظهر غيب يردد أشعاري بتفكيره
ولكن صارت الفرقى .. قبل هالأمسية بشهور=((أقول .. فراقنا خيره .. وهو .. ماكان أبد خيره))

لـ ثامر شبيب

[فضي البراك]

يتصفح الموضوع حالياً : 6 (2 عضو و 4 ضيف)

‏فضي البراك*, ‏(ابوعواض)

مية ورد لك يابو عواض

[فضي البراك]

عليك الله .. إرحمني ذبحني , جرحي الدامي=وسيفٍ رافعه بوجهي عشان أرضيك / عانقته
حبيبي صَعبه أتحَمَّل جُروحي وعظَّة إبهامي=قضى صبري وكل حَلٍ عشان ...الحُب ؟ جرَّبته
إذا لِك يُوم مِتضايق ..؟ أنا الضِيقات أيامي=وإذا لِك يُوم تذكِرني ..؟ أنا النسيان زعَّلته
وإذا جِسمِك تعَب , حتى أنا خايف مِنْ عضامي=أنا أمري إلى رَبِّي .. مِنْ الصَدمات / سَلَّمته
محالٍ ألتقي بنقطه معاك .. وأنصُب خيامي=ربيعك وين يا الغالي..؟ أنا أسمع فيه ما عشته

[فضي البراك]

حبيبي روح لاتقعد عشاني لابغيت تروح=اذا ماعاد لك حاجه (بوجودي لا تجاملني)

عشاني .. لا عشان الملح والعشره ياروح الروح=اذا (دمي ثقيل) اصبح بعينك ماتحملني !!!

تخيّر بالدروب وكل دربٍ يعجبك مفتوح=وانا لا رحت عن عيني ابلقا اللي يوصلني

تعذر لا (بلاش انك تعذر ابتعد مسموح)=(تراضيني سنين البعد) كان البعد يزعلني

(علي لا ينشغل بالك ولو كلي غديت جروح=تهملني ربع واحباب والله مايهملني)

ترى (اصعب شي) بالدنيا اذا صار (الغلا مذبوح)=بقلب اللي تحبه و (عاملك باللي تعاملني)

احبك شي .. وشي ثاني خطاك ان قلت لك مدموح=تجاهلني وتبي ادمح خطاك انك تجاهلني ؟

احبك لو على قلبي دلالك ترتكي وتفوح=هذاك اول زمان فات قبل انك (تبدلني)

(بحب) (اللي تحبه) صرت (تنطر شوفته) مشفوح=انا ادري من عيونك تفضحك لوّك تظللني

اشوفه في عيونك .. ياعيوني في سماك يلوح=(اخذ نفس المكان) اللي لجل يوصله (نزلني)

(حبيبي روح) لا تقعد عشاني لابغيت تروح=(انا ادري ماأنت) في حاجة (وجودي لاتجاملني) !!!

[فضي البراك]

لحظه .. قبل لاتطلب البعد وتغيب=وتنهي معايه مرحله من حياتك

اخذ .. الهدايا . والصور . والمكاتيب=دامي خسرتك ما ابي ذكرياتك

يمكن يكون فراقنا راي(ن) مصيب= خيره (كتبها الله) جتني وجاتك

مع اني ادري (انت ماعنك تجنيب)=كنك موصيني .. وقاضب وصاتك

رح ،، وترك بقلبي لك اربع معازيب=معزتك . طاريك . حبك . غلاتك

ياصاحبي .. لاصرت اغلا الاصاحيب=(لاتزعل) بكيفك وتطلب رضاتك

اكبر مصيبه في زمان العذاريب=اني احبك .. (وانت حبك لـذاتك)

ان (شفتني) .. اجمع شتاتي ماهو عيب=باكر مع الايام تجمع شتاتك

وان شفتني .. شايل جروح(ن) معاطيب=باجر يكون الجرح ابرز صفاتك

يا(قلب) .. دامك صرت ضمن المصاويب=(اسمع كلامي) قبل تشمت عداتك

ماعاد ينفع .. يمكن تصيب وتخيب=بكل بساطه .. مركب الحب فاتك

[فضي البراك]

ان مر يومٍ بالعمر ماأنت وياي=اشتاق لك شوق المسافر لبيته

مثل الهوا تحتاجه الناس والماي=(يحتاج لك) قلبٍ هواك وهويته

(انت الوحيد) اللي .. يرد بسمة اشفاي=و(انت والوحيد) اللي .. (بروحي فديته)

[فضي البراك]

الأن بإتجاه مطار الملك خالد مسافر ،،،

مرآت تصدق علوم ليت ما تصدق=وأشين جميع العلوم الموت و (الفرقا)
(رآح الحبيب) الذي بـ (محبته يفرق)=تشوووووف حتى السما سوداء وهي زرقا
الليلة الدمع لحروف الحبر يسبق=وأوراقنا من دموع عيوننا غرقا
سحاب حزن مزونه للصدر تحرق=يامر ،، هالمزن والرعاد والبرقا

[فضي البراك]

(مايشبهك) إنسان وإلزم حدودك=عن كل خلق الله أشوفك أنا (غير)
كن الربيع يصير لك من : (جدودك)=وكن (السما) صدري وحبي لك الطير
(النور) عندي مركزه في (خدودك)=مفروض من شافوك سموك: (نوير)
(الخير) عندي مرتبط في وجودك=يعني ليامن غبت ماعاد به (خير)