[وضاح اليمن]

اشكر الجميع واشكر شعار المحاوره اللي جرونا لهذ الحدث البرمكي وزميله

[عميان]

العود يشكي للمعزب من الذيب = ومعزب الضيفان خلا كويته هههههههههه
ياعيشتن قشرا ياحرش العراقيب = حنينها صحى العمى من مبيته
وذكرني اللي صار للقايد كليب = يومه يقول العلم في شطر بيته
انهض ياسالم واخذ معك المشاعيب= لاترتخي والحمل فوقك رميته
واحذر تصالحهم وماهي ترى عيب = اللي غدربي لو حصلي محيته ههههههههه
صحيح من عاصر يشوف الاعاجيب = وان الزمن يومين لو مابغيته
اشرب ليا من صرت راعي مطاليب = وازهد ليا نوخت في بيت صيته هههههه

[حردان السحلي]

ول ول عليك

رجاي في عالم خفى الغيب بالغيب=وسرٍ بصندوق الضماير رميته
مالي ورى سود النوايا مطاليب=وانا رجـايه فـي كـريمٍ رجيتـه
السوق غالي والقلايع مكاسيب=ولابعت في سوق الرخيص وشريته
عارض طريقي غادتينن رعابيب=وانا بدربي والردى مانويته
الاوله فيها موده وترهيب=غير الغلا نظراتها مستميته
والثانيه يخطيبها الظن ويصيب=ابدت مفاتنها وعلمي نسيته
اغلوا مهرهن معطبين المضاريب=وابعد رجاهن واحدٍ مارجيته
ياللي كتبت اسمك من الورد والطيب = الطيب منك وفيك واسمك قريته
عين الظما تكسر حياض المشاريب=هجرالنيا بحر رويته وضميته
وجه الدقايق فيه حيله واساليب=ماعطاك شي ويجحدك لاعطيته
واللي يعبي محزمه بالمكاذيب=ماهوب منصالي وانا مانصيته
ينتابني في خافقي ماهمه الريب=ويسج بي هوجاس ليلٍ سريته
كأني بعزلٍ للهموم المعاطيب=واما يطيع السوق ولا عصيته
تخاطفت صبري غلاض المخاليب=وهبت عواصيف السنين المقيته
لو صار فعل الطيب عند العرب عيب=والله لاموت وصاحبي مانسيته
راع الوفا من لابتي والاجانيب=عساه يبطي حي يابوبخيته

[حردان السحلي]

ووووووووووين باااالغالي

[المرقاب النايف]

ياسلام صح الله السنتكم

[المرقاب النايف]

ياسلام صح الله السنتكم

[حردان السحلي]

ههههه صح الله بدنك

[المرقاب النايف]

ياحردان وين ربعك اليله خخخ